會幫囡囡選擇女校嗎?

jenjenny

我一向覺得小學讀男女好些，除非考到神校或超名校啦。我女出年升k1, 有st clare （幼稚園開始全女校）及真光（幼稚園小學男女校），我最後揀了真光，雖然小學唔係好多男仔，不過少好過無。校外活動雖然都可有男仔，但hi~bye friend多，始終與學校六年同學仔有分別

Yanamami

男仔頭性格既女仔入讀女校(中學），會否好受女同學“歡迎”？

Jane1983

我女都系甘類型，鍾意McQueen，吾好公主，喜歡和不同的同學玩，多過女仔exclusive果隻，我覺得男女校的生態適合她多好多。

不過現實系，香港好的龍校都是女校，考到都難取捨。

ytbb

原帖由 hollymama1124 於 14-05-17 發表
囡囡比較男仔性格, 鍾意恐龍, 車。返學問親佢邊個係最好朋友全部都係男仔 。( 間唔中會有女仔, 例如校車坐 ...

我女性格都係咁，自己喜歡男女校，錄取的都是男女校，所以讀男女校，傳統女校可能不適合吧

momama

阿女都幾粗魯，不過乜都鍾意玩吓，芭蕾舞及跆拳道都一直學緊，讀過男女校同女校都冇問題。老實講係學校揀人唔係我地揀學校，只要係好學校、唔太遠或負擔唔起，考咗先講。利申：我由幼稚園到中五讀女校，預科入咗男校，正常拍拖結婚生仔，仲有好多自小認識嘅好姐妹

JR東日本

我個女都係鍾意同男仔玩多d, 我話同佢揀女校，她勁不願意，後來最近睇m club，佢見到女校可以上cooking堂，她現在就話自己要讀女校，因為可以學煮野食

Jane1983

回覆 JR東日本 的帖子

好奇問，男女校無cooking class的嗎？

karen55407

我女讀女校，啲同學仔又乖又純

BabyYukYuk

請問那些女校適合男仔性格的女孩子？

Jane1983

回覆 BabyYukYuk 的帖子

我以前讀女校，學校有各式各樣性格的同學，大多係開心的。
只係有兩個較常見問題，一係女仔鍾意分一堆堆玩，吾好彩得罪個Queen，會比人杯葛，可能會無朋友，無人同你玩。另一個係實在太純，少接觸男仔，對男性有吾合理期望，一入情關大件事。

當然而家時代吾同咗，可能好好多。

doggy2013

原帖由 hollymama1124 於 14-05-17 發表
囡囡比較男仔性格, 鍾意恐龍, 車。返學問親佢邊個係最好朋友全部都係男仔 。( 間唔中會有女仔, 例如校車坐 ...

女仔入女校始終有多d 某方面既風險

fc926

我都有睇M club, 戲中班女仔都幾反映現實，小圈子、jealous，不過friend起上嚟又可以好friend。說回正題，我女都係男仔頭性格，幼稚園時的好朋友都是男仔，入左女校小學，現在老友都是男仔頭女孩，物以類聚，學校生活非常愉快，暫時冇問題

yamin

原帖由 doggy2013 於 14-05-18 發表
女仔入女校始終有多d 某方面既風險

聽朋友話，她中學是女校，學校好鼓勵同男校合辦聯校ball，但要求大家在活動中要用英文溝通，因為原來女校的女同學在oral exam公開試中見同組有其他男考生，女同學會唔敢發言。所以學想透過聯校活動等女同學能適應

little_yolky

hollymama1124 發表於 14-5-17 11:30
囡囡比較男仔性格, 鍾意恐龍, 車。返學問親佢邊個係最好朋友全部都係男仔 。( 間唔中會有女仔, 例如校車坐 ...

女校, 女校, 女校, 女校, 女校, 女校, 女校, 女校, 女校, 女校！中學一定揀女校 (除非阿女唔同意)。

阿女小一, 已經好多狂蜂浪蝶。上學期隔籬位同學成日吐佢口水, 好討厭。調咗位之後先知, 原來佢鐘意我個女, 話佢人又靚字又靚。課外活動又有個小三男仔吐佢口水, 依家班入面又有另一個男同學吐佢口水。坐校車同另一間IS學生一齊。有一日, 阿女問我 "pretty" 點解, 我心中一沉, 話靚咁解, 做乜? 佢話有個IS男仔落車時同佢講: "Bye-bye, pretty girl."
所以, 一定揀女校, 我個人認為讀女校既 "風險" 相對讀男女校會細得多。

BTW, 請大家問問家中爸爸, 點解小學生咁鐘意吐口水示愛咁汚糟, 點會有女仔鐘意佢哋, 真係奇怪！我家爸爸話佢細個時從來無吐口水, 所以答唔到我。

ypiriswong

我女都係勁男仔頭，而家一年級，最増公主、hello kitty 呢D女仔野，鐘意車、飛機、恐龍、蛇.......，唔核突都唔鐘意，鐘意同男仔玩，唔鐘意著裙，放假要佢著裙就喊哂，學游水唔肯著泳衣,話露個pat pat 出嚟，本區有間好女校，有D擔心會變Tom boy

lauwingtai

little_yolky 發表於 14-5-19 10:40
女校, 女校, 女校, 女校, 女校, 女校, 女校, 女校, 女校, 女校！中學一定揀女校 (除非阿女唔同意)。

阿女 ...

你個女靚先有狂蜂浪蝶啫!  你估個個粒女咁靚咩?

lauwingtai

little_yolky 發表於 14-5-19 10:40
女校, 女校, 女校, 女校, 女校, 女校, 女校, 女校, 女校, 女校！中學一定揀女校 (除非阿女唔同意)。

阿女 ...

男仔唔係鍾意吐口水, 而係遇到心儀女仔, 就會專登做d引佢反感既野, 令女仔注意自己, 女仔反應愈大, 男仔愈做。
你個女係咪好姿整? 有d潔癖? 一俾人吐口水就會好大反應?

edith208

其實生活中, 有男有女, 好似教會的Sunday school, 或校外的課外活動, 阿女讀女校, 學校以外, 都有接觸男孩子的機會

Jane1983

回覆 ypiriswong 的帖子

我女有d似你女女的情况，之前完全吾肯着她口中的'靚衫'，只喜歡有型。公主、hello kitty, minnie一概吾着，我吾想簁野，要她着就喊。
我唯有隨得她，無逼她，最近她突然同我講，而家對'靚'吾反感，可以接受。我問她點解，她說見到其他人扮靚wor。

我其實有專登陪她看Sofia the First、長髮公主這種比較有型又女性化的卡通，可能她慢慢接受了，你可以試吓。