你夠竟想我點先合你意

annie40

回覆 安格斯媽媽 的帖子

真實現象是如果妳不在場，問的那位是不相識，他會回答得非常自在和得體的。不知妳信也不信？
點解我知？啊！見識得多嘛，小女在我跟前像有點自閉的，出去就charm盡老師，醫生，同學，教練，朋友，auntie, uncle，完全是兩個人。

mesmerising

我囝算受教。錯了能改。但就是沒有時間觀念，如無督促，大部份作息及課業也last minute!
另外，由小至今，他一切的思想及在外見聞，無論好壞，也喜歡告訴我。不過，間中也不免有些無傷大雅的小大話。

安格斯媽媽

唉！都係電子產品累事，佢也是這種人，可以好Charm ,小時好醒好有禮貌，不用教，大左迫不黎，不是反叛期已是這樣，朋友同事都替他解釋只是他怕羞，想講時依然有文有路，非常羡慕鄰居孩子會自動自覺跟我打招呼，但應該只是過渡期，大點又懂得自動自覺了，有很多親戚也是這樣。他還肯跟我不只會在家閉關也是很難得了

maylmm

waiwai1224 發表於 14-5-18 11:04
就咁聽你講，你個女都唔係好大問題，可能佢只係想多d自由或話事勸，可能你唔好日日問佢學校d野，一個星期1 ...

仲有...見佢日日玩手機, 問佢有冇功課, 佢通常都會話, 冇功課做或都响學校做晒, 但中一竟然欠咗三十幾次功課, 每五次會收到一封要家長簽署o既警告信, 但佢都唔會驚

pris626

可能我咁講比較消極，人同人之間嘅關係有時好講緣份，父母緣、子女緣……有D人嘅仔女係特別孝順，冇特別原因。我覺得做父母嘅自己盡左責問心無愧就算，子女嘅路，佢自己行。

sonkhl

回覆 pris626 的帖子

同意,但唔同家長或家庭對"盡責"這個尺度會有不同.

黃巴士

都係架!!  我都相信緣份.  但有些感情是由細開始培養及溝通, 大家(子女及父母)年紀愈大, 感情愈難由頭開始培養.
錯過了這少時培養, 很難大時追回.  
雖然未必可以維持成效, 但相信孩子長大後, 由其成家立室後會明白, 亦不致走得太遠.

AC117

慢慢黎，無得迫，我個公子只會在補習社溫習做功課，平時好難拎起本書，每天鵝下，突然拎起課本已經好似中六合彩，昨天都叫做溫左半個鐘，鵝左成個星期，好彩無話我煩，如果有一天懂得自動自覺他們開竅了

黃巴士

單看EXAM範圍都咁多嘢讀, 老師都未教灑書, 就算要讀都未必讀得切.  
家中大少仲慢慢來, 得啦得啦啦!!... 激死!!  
就算成績唔理想, 起碼盡左力, 其實孩子知否只要佢地自動波便合家長心意呢??

maylmm

AC117 發表於 14-5-19 13:58
慢慢黎，無得迫，我個公子只會在補習社溫習做功課，平時好難拎起本書，每天鵝下，突然拎起課本已經好似中六 ...

平日見佢日日睇手機我都冇迫佢溫書 (就算quiz, 我都唔見佢溫書), 差不多日日都話冇功課, 只係6月中將會考試, 所以早兩星期開始我叫佢唔好再睇手機同埋每日溫一個鐘頭書, 佢真係上個星期開始每日都溫一個鐘頭書, 但溫習前後都機不離手, 我都冇鬧佢, 因只要佢肯攞本書出嚟讀就算嘞

maylmm

回覆 ching_mammy
請問樓主以前同囡囡relationship好嗎?  我囡好快咁大

其實我同囡囡關係都不錯 (可以講係好好), 直至升咗中學就開始有轉變, 佢要求自己check功課, 我覺得囡囡中學所以我放手比佢自己攪, 但一年欠咗三十幾次功課, 要有自己空間, 開始唔願意跟爸爸媽媽出街, 唔多聽講, 但最差就係成日睇手機 (但手機唔收得, 因為佢哋做project, 學校活動, 都會响群組傾) 因為咁勸唔聽就鬧佢, 所以關係開始差咗, 但唔係惡劣果種, 都有偈傾, 但少咗好多.

AC117

唉！我個大少每天係補習社1.5hr 都係機不離手，做試卷又hea做，飛走long question, 收佢機又發脾氣，比佢激死，中二仲難攪過小學

lex

回覆 maylmm 的帖子

1)好多時面對面既善意提醒會變成氣氛比較僵持既斥責,通常效果都唔多正面,或者下次錄個長少少既voicemail比佢就可以
2)可能佢真係花左比較多時間係動漫到,不過呢個都算係一個溝通既機會既,
搵日了解一下點解佢會追睇個幾套動漫,問佢點解欣賞(以及討厭)邊幾個角色,

通常都會有意外收穫

maymay_1

原帖由 AC117 於 14-05-20 發表
唉！我個大少每天係補習社1.5hr 都係機不離手，做試卷又hea做，飛走long question, 收佢機又發脾氣，比佢激 ...

Same！頭痛中

黃巴士

可知道父母對子女的"要求", "規舉", "限制"已隨著年紀慢慢已無奈地放鬆, 惟望班細路對自己所做的事情多一點負責及承擔, 對父母多一點尊重吧.  
可能這就是青春期的父母與子女的必經磨合階段!!

odelia_ho

回覆 maylmm 的帖子

青春期與前額葉的關係:

有些孩子到了青春期會無法控制情緒，會衝動的使用暴力，易怒。但是，這樣的孩子，一段時間沒見，再見面時已長大，變得很安靜，令人誤以為是另一個人。若要問為何會有這樣的變化？答案是與大腦的發育有關。成人的大腦，喜怒哀樂等本能情緒都掌控在前額葉皮質區，若想衝動做些什麼，會受到理性控制。

但是，在青春期之前，大腦前額葉皮質區的發育尚未成熟，無法完全控制大腦邊緣系統的活動。尤其是年幼的小孩，大腦邊緣系統的運作比較佔優勢，所以會隨心所欲的行動，若無法隨自己所願，就會無理取鬧。到了青春期，尤其是男孩子，由於大量分泌男性荷爾蒙，男性荷爾蒙會增強大腦邊緣系統的作用，所以更加容易出現反抗的行為。過了青春期，男性荷爾蒙的分泌會減少，大腦前額葉皮質區得到充分發育，所以可控制大腦邊緣系統所產生的本能衝動。

但是，並非所有孩子到了青春期都會暴怒。前額葉皮質區是在父母的教養，朋友之間的交往，與各種人際關係之下發展而成。若並非都能隨自己所想的去做，偶爾必須忍耐，經過幾次體驗，前額葉皮質區就會發達起來。因此，若沒有這樣的經驗，長大後前額葉皮質區的發育較不完整，變成容易暴躁的孩子。

odelia_ho

曾經聽過一個講座, 講者解釋青春期的青少年都喜歡困自己在一個細小的空間, 如睡房, 帶耳機, 上網, 唔多想同其他人接觸, 好似自閉咁, 原因係前額葉分泌所至, 令到佢地冇左安全感覺, 佢地咁做, 其實只係要找安全感, 唔係唔想啋你

黃巴士

odelia_ho 發表於 14-5-22 08:33
曾經聽過一個講座, 講者解釋青春期的青少年都喜歡困自己在一個細小的空間, 如睡房, 帶耳機, 上網, 唔多想同 ...

我會體諒青春期少年的沈默, 但斷不可以以"反叛期"為擋箭牌而胡亂發脾氣, 以致影響身邊人.  反叛期都須自制一吓, 不可太過火的呢!!  每個人都會經歷"反叛期"的火爆, 不可任意妄為, 目無尊長囉!!  
憤怒可搵其他正常活動途徑發洩.

odelia_ho

回覆 黃巴士 的帖子

咁你又要體諒吓佢地，腦分泌唔係佢地自己控制倒呀