I位轉s位

Alam123

原帖由 SWT 於 15-05-27 發表
希望大家唔好勞氣，明白大家都是根據自己睇法而講出。我仔讀緊E位，3T方面很足夠，亦能按仔能力來設目標， ...

非常同意也講出我參觀完S位心聲，正是如此。可惜我仔能力差冇一間幼稚園肯收，唔入S 就冇學返了從來冇唸過阿仔會冇書讀

DollyCC

我i 轉s,當初點解排i,因為18個月都未企好,政府醫院兒科叫我排,再轉介去cac評估。當初覺得小朋友只是慢少少無咩唔正常。到cac評估完醫生話i 位跟唔到叫我轉s.個時2歲其實都知差好遠,但唔知嚴重到要讀特殊,心態大把人3歲未講啦,都算識行只是成日跌,小肌又未番學差d唔出奇。但醫生叫排排住先,即刻搵密集,物理治療,言語治療,針灸,心態係自己比錢加操一年後追到唔要個位。k1亦有學校知佢情況收左。到而家3歲,我放棄左個k1位。原因上落樓梯仲未得,拖都跌,落樓梯完全腳軟,行平地小朋友輕輕一拉都跌,未講野,顏色未知,剛剛先train到配對,仲有羊癎。你話嚴唔嚴重,樣睇落無野。有眼神有反應好醒禁,但完全聽錯指令。去正常校長都預我日日坐學校跟,下午再加操。經過一年私人密集。。。治療我已經破產。唔好講錢上午番學,下午加操,大人小朋友都辛苦。但我心態唔會想得小朋友好嚴重要讀3年,希望一年若追到差半年出去正常repeat,唔得2年,唔得3年。
參觀完特殊中心,腦攤又有,唐氏又有,嚴重自閉又有,去到正常又點會想去特殊,我都想小朋友去正常唱遊,開生日會,旅行,參觀,同同學傾計。貪3百幾學費平,傷殘津貼?正常有學劵都好平。s位有用無用我唔知,但對我係一個希望。我知都有人排到s 位之後中心評估轉e 位。講真揸住協康,耀能個名去小學好馨香咩。老師對你特別好? 可能我小朋友最後入特殊小學,但做媽媽既,目標當然係正常學校,第日正常生活。