I位轉s位

Kyle

Kyle

協康還有一樣衰格，我仔幾年來才遇到個好的班主任，就俾協康升咗佢去做青䓤計劃，賺錢私人項目，你話？

Kyle

原帖由 pinkdoll 於 15-05-26 發表
本帖最後由 pinkdoll 於 15-5-26 14:08 編輯

協康曾經公開播過一段地板時間的片段，是個幼師揾張被遮住自己，得閒走出來引一個小朋友。播完段片，個主持人好自豪咁話，呢個訓練好成功，因為引到個小朋友注意。

我又o 晒咀。協康就是咁，小小野都會被佢地讚到誇啦啦。家長無謂咁認真，得啖笑。

pinkdoll

Kyle 發表於 15-5-26 14:38
當然望人好啦，好就快啲去攻下啲正常活動，不要在我們傷口上灑鹽，講埋咁多風涼話。

協康s 位計得出：

我唔知你個仔幾多年前讀，除咗，基本訓練外。還有很多社適活動。也有晨早額外活動安排給不同需要小朋友。我細仔讀咗3年，我真係成日要去中心。我大仔e位真係冇咁多嘢 而且e位對小朋友既要求高好多的 最起碼智力言語一定要有返咁上下。 希望 你唔好又懷疑我係假媽媽

另外， 我唔擔心其他媽咪，講真現在通街都咁多sen, 你形容既流浪漢(我係完全唔同意這個說法)，你估人哋唔識走去問咩，唔識走去睇咩。


反而，我擔心你，你成日重覆又重覆講住同一樣嘢，其實對你自己情緒都唔係咁好啦，人哋一唔認同你 你又反應咁大，幫唔到人不特止，又令自己情緒激動，何必呢?

pinkdoll

Kyle 發表於 15-5-26 15:09
協康曾經公開播過一段地板時間的片段，是個幼師揾張被遮住自己，得閒走出來引一個小朋友。播完段片，個主持 ...

我覆你2個message 你不停係到覆我 . 我真係唔知可以講乜? 你放心啦 你會嚇走我的 我自問好細膽。
不過 我真係擔心你 希望你可以找到一個適合既減壓方法。

你也要嘗試欣賞下自己小朋友 唔好形容佢係流浪漢啦 聽到很心痛 連自己媽媽也不愛惜自己 還有誰會愛惜他呢？ 保重呀

Kyle

係你叫我答既。我鍾意分幾個message.

唔覆又如何呀，我好少覆人㗎。同埋情緒既野，有個醫生同我講對住個仔唔正常好幾年，如個媽都仲好正面，咁個媽就真的唔正常。個醫生反而話我既情緒是正常反應 所以見人見智囉！你覺得我有問題時，我都擔心那種勉強自己正面的人，情緒是否健康。同流浪漢一詞，你唔同意米唔同意，我同意那個媽的形容就唔得？ 朋友，你無出來工作，見的世界太簡單，做媽一定要正面？負面等於唔愛惜個仔？好啦！消失一排先。
另 e 位不是全日幼稚園呀，人地不會搞社適，唔通唔返學去咩！點得和s 位比其他非3t 活動時數。你應拿e和s 的3t 和個別幼師訓練來比較。

我無講過e比s 好，或I 比s 好。只話e 一節治療時間比s 長，I 的個別幼師訓練比s 多。s 點都是全日幼稚園，且咁多正常仔吼s, 當然s 服務最多，但對一個要密集的小朋友來說，s 治療時間非常不足，談不上是密集。

SWT

希望大家唔好勞氣，明白大家都是根據自己睇法而講出。我仔讀緊E位，3T方面很足夠，亦能按仔能力來設目標，我個人覺得很滿意,因為仔可以得到合適的訓練亦能在常規幼稚園得到正常社交。恕我直言，希望呢道D家長不要過度美化S位，因為本人小兒很細已評為自閉,最初不知如何找訓練，上來BK勁睇，得到的訊息是S位如何全面，排到S位不用再花錢找別的私人訓練，會慳很多！所以，我就儍下儍下要求醫生俾S位我仔，結果如願，在等候S位期間，我即callS位中心（包括協康同耀能）要求參觀上課情況，我記得我當年有問S位社工呢間中心有幾多位小朋友可以畢業後上主流小學，我好記得社工答得支吾以對，吞吞吐吐下説D官腔說話，年年不同，咁我再問咁對上兩三年呢，佢見我問到咁答我上年七個，七個中有D重讀主流K3，有D升主流小一，心算比例少於三份一。所以入S位，甚麼早入早出主流，全是美化句子，根本不是事實！希望小朋友能力不太差的家長，不要貪平將小朋友放入S位，諗住慳番D訓練錢，參觀時見到所謂最叻那一班的學術都極淺，要有心理準備一入S門深似海，易入難出，到時候想升主流小一，又要追社交，又要追學術，完全睇不出有乜可能！不喜勿插，本人想憑良心説真話，最好大家信自己👀，到S位參觀，最後，我仔放棄S位改排E位，是我同醫務社工講出我的決定便可，社工會自行找醫生寫轉位一事！

lulumelody

形容佢地係流浪漢，係比喻，唔通流浪漢的父母唔愛佢地？？流浪漢係逃避世界的人，自閉的小朋友亦係逃避和社會接觸，咁的比喻，又何問題?

lulumelody

識D教師和社工，佢地D小朋友係A，都盡力唔入s位，寧願自費做訓練和做其他治療。

Kyle

同個協康老師私下傾過，問她為何出主流的咁少，佢答呢幾年收回來的仔都好差下，還細細聲用'好爛'來形容最差那班。

我聽完打個突，心諗人地爛，就是入來想她們訓練到唔爛。乜老師既心態就好似無能為力咁。仔叻屎鬼佢地訓練咩，仔差佢地又無能為力。咁佢地有咩作用？

社會真實面就是咁，若家長要天真地去信埋啲門面野，官腔野，亂吹噓，無辦法㗎喎。

在讀s的過程家長都會比較心急，眾所週知她們成日set 個目標低過仔已懂的，好些家長唔出聲由佢地。我成日會要求可否加些訓練，加深度，啲老師或治療師成日有個口頭禪推說仔未ready. 因我仔有做出面的訓練，那我要時常show 仔出面既報告給她們看仔已ready，她們才肯加深些少。當我問她們點解set 個訓練目標是已識的，她們會辯說鞏固舊有知識喎。

到仔就快畢業無時間扭轉啲乜時，她們就會話交評估決定小學讀主流定特啦，到時小學再跟啦。

俾我既感覺就是由入學到離開，無人會著緊訓練啲仔去追返個差異。

Kyle

仔是龍就龍，蟲就蟲，協康無人會幫啲仔由蟲變龍。之前講，幾年來都遇到個有心的老師，卻被協康升咗去做青蔥計劃。

協康既模式近十幾年應該都是一樣，她們咁懶，點會有任何改革，有都放落青蔥吸客啦。

apple~y

係千萬不要期望入s位可以train到出主流
他們跟小朋友能力分班,叻班係本身小朋友能力唔差相對教學術較多
差那班好bb教下自理,s位是不會有魔法令差小朋友去到叻個班小平
至於年年畢業有幾多出主流,總點是s位那年收小朋友普遍咩程度
普遍程度差咪多人入特校,程度好咪多人入主流
千萬不要神化s位
有得選擇當然好,我仔正正無得選擇
他的問題主流幼稚園接受唔到,正正就是被幼稚園遺棄那類小朋友,只得s位一條路

T96

S位不會訓練到把能力唔好的小孩也變成可以讀主流小學，社工要你接受CAC評估報告入讀特校。

SWT

既然係咁，小朋友細時即使能力怎樣，家長儘量不要放小朋友在S位！反之㨂正常幼稚園下午校再➕E位訓練還好！大前提是好多家長希望即使小朋友入了S位，仍會去主流小學方向進法！小朋友可以有很多可能，入了S位，除非超班，否則跟本涵接不了主流

Olympian

呢個帖已差不多有過百回覆，過萬人瀏覽，平時真係唔多見。如果之前言論有令家長難過，真係好對唔住。諗諗下，我真係貪錢，貪津貼架，認咪認囉！ 其實大家都係講緊同一件事，只是站在不同角度看。所以彼此是沒有衝突的。每個人都有盲點，我只能根據自己的經歷分享。前面家長所講的都好有道理，類似的投訴我都聽過，在自己個小朋友身上都發生過。學校嘅野，有時真係讀落先知。但讀左先覺唔啱小朋友，浪費了學習的黃金期，確實令人氣憤！我返協x私人s時都試過屈住成年唔敢出聲，跟同校家長講又以為我產後抑鬱，到畢業先咁去投訴。協x我都投訴過3次，嬲到打去平機會。但我返嗰間s位總括來說是好的，當然都有人不滿投訴。所以佢地對處理投訴真係好有經驗。最後，我希望大家都找到合適的學校，小朋友一路有進步。

apple~y

其實總點係睇小朋友能力
能力ok,番s位上主流係無問題,
我仔個間最叻個班跟幼稚園課程,但不是s位訓練小朋友到正常
只係小朋友本身有番甘上下能力
相反如果小朋友本身係差,問題多多
就算放小朋友係幼稚園,都會被請走
所以有得選擇當然盡量唔好入,無得選擇咪入s位
睇須要和能力

KCHK

我相信呢度所有媽咪心中都希望小朋友有一日可以入返主流學校， 呢個係佢地的目標。 係主流都無比學校請走都唔一定係小朋友唔需要入s 位, 只怕係家長自欺欺人, 一心覺得大大下就無問題， 浪費左黃金時期。
我仔都剛剛派到s位, 未派到位之前讀下午主流幼稚園, 上午就返兩日私人社交訓練， 另外有上過音樂治療， 感統訓練，playgroup, 言語治療治療。講真， 真係好辛苦，好希望有個地方全部集中可以做所有訓練， 又真係最吸引係價錢平過私人訓練好多好多。
我都明白入左s 位唔係特效藥, 唔會上完就可以正常返, 不過問心個句, 我真係有這希望。

聽雨聲

幾日無上呢度咁熱閙。我諗個個人都知私人訓線肯定比政府嘅有用啦,分錢分貨。我都想俾個仔上私人s位但無錢呀,惟有讀政府啦。有經濟能力嘅基本上都係政府s位再加出面啲個别堂。即使係我咁窮我都有參加出面嘅實習生st個别堂,因s位個st唔夠同實習生嘅收費平。其實好嘅治療師或老師轉去私人訓練,我覺得好正常,人向高處走,未必係間機構要調走佢,可能係佢自己要求走,畢竟人工高得多。
我仔舊年入咗s位,啲舊生媽咪好多都話呢間學校唔掂,但我仔又確實嚮度進步好大,可能我仔有potential,每一個見過我仔嘅人都話我仔番學後好似變咗個人咁,包括朋友鄰居看更。我諗每間機構都有好有唔好,都係個句,睇你好唔好彩遇到個好嘅夾個小朋友嘅,咁小朋友咪有得著咯。唔好彩嘅有能力就自己轉走,無能力嘅就自己辛苦啲樣樣自己學學完自己教。
講咁多都係分享下經驗感想,讀乜嘢位乜嘢機構主要都係要睇番小朋友吸唔吸收,唔好太依賴治療,最重要都係屋企人對小朋友嘅幫助。

legolas625

應該話家長做任何治療的終極目標都係小朋友進步到入主流，同一樣治療，放在每個人身上有不同成效，無包生仔，唔試過又點知道? 就如我仔去針炙，醫師都講睇小朋友資質，睇佢受唔受，我無天真地諗過一定得，唔通阿仔針唔掂，呢個醫師就一定係廢，或者所有醫師都廢。

s位不等於協康，有媽媽同協康深仇大恨，但仲有好多機構，除了我仔個間s位，我自己都唔敢講第二間協康s位或第二間機構的s位好唔好。而我仔在s位被編入最差一班a仔，而家進步的確明顯大左，大家都知眼神最難搞，以前pst係我仔面前唱歌，仔當人透明，人地在佢眼前揮手都唔理，而家會一齊唱歌，雖然唔係眼定定望人，但起碼會望下，s位評我仔可去主流，老師亦講因為我仔細，s位無社交和同齡刺激，可以走就早d走。

我放仔入s，絕對唔係貪著數，而係因為仔在主流+e位無大進步，在主流混混沌沌唔知學左咩，但無俾人趕出校，因為本身學校有i位包容d，入s係博一次，唔想浪費黃金治療期，亦係最後方法，我諗過唔對路就走，在s位要走，無人會留你。

要計個別治療鐘數，e位好似多d，其實未必，pst家訪一次，又當上堂，上下小組又當一次pst個別，試過一個月得一堂pst，d小組似playgroup，上得e位的小朋友就有主流，我都唔明有咩用，第一堂5個小朋友，第二堂走剩2個。至於時間長短，要睇質素唔係睇量，老師掂半個鐘可以教到好多，廢既俾你兩個鐘都係hea左去，我個人感覺s位老師有經驗d，不過遇唔遇好老師睇你彩數。至於pst去做個別訓練時，其他學生變左無人理，我見到是pst會盡量在早餐、茶點，不影響課堂的時間上個別。所有政府治療都係阿公野，唔會如私人治療無限地滿足你一廂情願、要幾多治療有幾多的願望，無論e、i、s都係。希望我的經驗俾大家睇到另一面，知多d，做出正確的決定。

聽雨聲

回覆 legolas625 的帖子

你講得好好,人有期望才有動力去幫小朋友,呢度每個父母都係希望自己小朋友入番主流,但個個都話好嘅治療師但唔夾個小朋友,咁好極都無用啦。我諗剛剛知小朋友有事嘅家長會好彷徨,好灰,呢個時候係好需要睇到啲正面信息,包括前年嘅我都係好想見到多啲人話小朋友可以入番主流。舊年我仔都編咗嚮差個班,主任提過下年佢應該入到叻個班。希望你地小朋友都得到啱佢嘅訓練,每日都有進步!