I位轉s位

DollyCC

2歲發展遲緩9個月，智力中心醫生提議轉排s位，應該明年9月排到。呢段時間自費私人training.希望盡追，想問入s位前會否再做一次評估。如果進步大係咪唔使入

mckm2007

入s位前唔會再評。下次評應該係入小一。如果其後小朋友有進步想轉位或放棄，你試問下評估中心或者個醫務社工，可以點做。

Olympian

為什麼要放棄S位呢？想當年我排了兩年才排到，多珍貴!當年上了兩年私人密集訓練，然後入S位。入學前有個面見，所有治療師都會見小孩及家長。我仔當年4歲，所有治療師都講一句“你個仔冇野!”。主任問了我兩次“你仲讀唔讀.?”我話讀。開學第一天，又問要否安排I/E位，我說要留低讀S位。仔係S位進步好多，可入主流小學。同組好多小孩做了評估都有中下至中等智能，唔好以為係S位就能力弱。讀S位慳好多錢，delay不是一時三刻會追到，就算追到都要keep得住，所以一路長大一路都要繼續各方面訓練，用好多錢。讀一年先，如果你進步到不用讀老師一定叫你轉出去，好多呢d case.

DollyCC

老實講我同你諗法一樣，有治療師密集禁教，總比自己周圍去私人方便，有效率。但46好介意。不過排左先，到收先再諗

max00mini

只想講I位，作用不太！
完成了3年，亦覺浪費了黃金3年

Jo3

max00mini 發表於 14-5-15 15:13
只想講I位，作用不太！
完成了3年，亦覺浪費了黃金3年

我係fulltime媽媽，想知E位會否仲好過I位呢？

Jo3

max00mini 發表於 14-5-15 15:13
只想講I位，作用不太！
完成了3年，亦覺浪費了黃金3年

我仔遲半年，聼你咁講，我都擔心I位幚不到阿仔。><

BKVIP

原帖由 Olympian 於 14-05-14 發表
為什麼要放棄S位呢？想當年我排了兩年才排到，多珍貴!當年上了兩年私人密集訓練，然後入S位。入學前有個面 ...

完全同意

yoyoslam

S位絻對係 good choice , 細路係自己, 只想給予最適切. 不用理別人目光. 我由E(應該係, 我都唔係好識分), 學前老師叫我轉S, 我將報告轉交給幼園老師問意見後, 都同意, 即寫信比政府醫生要求轉, 都唔等一個月後回去覆疹. back date . 基乎即有S位收, 仲要係同區, 十分感恩! 現讀得唔錯. 主任老師都話最多都只自算係低度. 我囝仲有時間追, 現5.5歲. 不過, 當然我唔係全旨意學校的. 還有其它治療加精油來幫小朋友. 絻對係分秒必爭. 但我唔做功課0架! hehe

DollyCC

你會入主流小學嗎?

波蘿包1

一定好過

ChattyST

I 位係兼收幼兒中心, 學校本身係普通幼兒中心, 但每收6個 I 位學生(叫一組I 位) 就有一個兼收位老師 (即特殊幼兒導師) 跟進. 小朋友平時都係同其他小朋友一齊上堂, 但兼收位老師會每星期同佢上個別訓練; 另有地區言語治療隊嘅言語治療師每1-2星期到校給予個別/小組訓練; 社署中央OT/PT 就每季/按學校要求到訪做評估/提供治療意見, 訓練由老師執行.

ChattyST

E 位早期教育及訓練中心, 形式似坊間私人訓練中心. 按小朋友需要給予: 特殊幼兒導師訓練、言語治療、職業治療/感統及物理治療. 通常每星期有1-2堂

ChattyST

s 位特殊幼兒中心, 形式似坊間私人密集訓練中心. 小朋友好似番幼稚園咁, 但以能力分組, 課程主力由特殊幼兒導師執教, 程度當然教坊間幼稚園淺, 因主力要小朋友追番同齡水平的認知同智能項目;  再按小朋友需要給予:言語治療、職業治療/感統及物理治療

methy

補充：程度唔一定比正常幼稚園淺，我仔間S位既學生能力幾好，隔離班讀既課堂仲深過主流，只係佢地情緒行為問題要關注多d,我仔入既係體障組，學術上係正常主流課程。

對於點解要教深d,主任話學生能力得，教深d令學生可以發揮佢地既能力，增強佢地自信心，上小學易d適應，跟得上，自然行為問題會減少d

Olympian

YoYoHsu 發表於 14-8-2 14:49
想'問e位同s位分別是什麼

http://www.swd.gov.hk/tc/index/site_pubsvc/page_rehab/sub_listofserv/id_serpresch/