I位轉s位

Alam123

同意S位只是安全網，叫有學返下。真正由S位出主流其實1/3 都冇。所謂3T服務都好有限，環境又唔係好。不過能力太差冇間幼稚園收，焗住等S。

apple~y

就係甘,我理解s位就係比情況差小朋友容身之所
我時時聽人講點解s位條隧排甘耐
現在明白了

lulumelody

原帖由 Alam123 於 15-05-22 發表
同意S位只是安全網，叫有學返下。真正由S位出主流其實1/3 都冇。所謂3T服務都好有限，環境又唔係好。不過能 ...

Agreed. 可以出主流，係本身都唔差，唔入都得，s只係給冇能力讀主流的安身之所，好似給流浪漢的收容中心，你有能力有自己屋企，你會唔會去收容中心？

聽雨聲

樓上如此説話,叫讀s位嘅人情何以堪?大家都係同路人,應該互相體諒理解,唔知你是否深受其害先會咁樣講嘢?

lulumelody

原帖由 聽雨聲 於 15-05-23 發表
樓上如此説話,叫讀s位嘅人情何以堪?大家都係同路人,應該互相體諒理解,唔知你是否深受其害先會咁樣講嘢? ...

咁講，只係想表達兩件事。唔想D人係唔係都叫人去s位，就算情況唔差，都去s位，以致真係有需要，被主流放棄的小朋友得唔到服務。第二，真係唔好美化s位，比太多希望比將要入s位的父母，真係好多都失望，甚至讀到中途要走，因為越讀越差。

legolas625

之前的討論無一面倒叫人一味去S，但有媽媽的言論批評入S位是拿著數，形容S位如流浪漢收容中心，是好難聽，涼薄，如在人地傷口灑䀋，你地知道人地小朋友咩情況咩? 我仔被評入S，我一句都無lur到，好馨香咩，要閙就閙政府無資源，治療費畸形地高，講完。

pinkdoll

legolas625 發表於 15-5-23 18:43
之前的討論無一面倒叫人一味去S，但有媽媽的言論批評入S位是拿著數，形容S位如流浪漢收容中心，是好難聽， ...

一面倒叫人入S位??  其實, 好多JM只係中肯地分析入S位的利與弊. 如果家長唔願意入S位, 係可以選擇繼續讀主流幼稚園, 边個逼到你?? 就正如入小一前評估, 就算評出嚟要入特殊小學, 家長也可以選擇讀主流小學.  大家都知小一係統一派位, 津校一定要收你小朋友.


,

pinkdoll

Kyle 發表於 15-5-21 18:39
自己正常話，不是s 位變出來。請大家不要再神化協康啲難鬼服務，好嘔下！



  ...

唔好咁勞氣啦. 其實, 每個人都有自己一套, 你自己都有自己一套方法, 而且亦堅信這套方法是好的, 可以幫到自閉症小朋友, 而且你也時常介紹給別人, 分享當中既好處, 不是嗎? 我相信你也不是想害人, 是嗎? 同樣地, 我相信好多JM同你一樣, 大家都係同路人, 想分享一下自己既經驗及心得.

Kyle

在這裡猛叫人入s 的兩個家長，一個聲言入s 時各個治療師都話佢仔無事，佢都要入。 另一個就話個仔唔知乜（言語?）遲六個月。

Ok, 有個特殊兒（真那些）既媽一看就知呢兩位家長個小朋友既程度啦。猛讚下是s 位掂，還是小朋友掂呢？唔好當啲媽眼盲先得㗎！但新手媽唔知掟以為執到寶就唔好啦。幾年後又要面對現實殘酷一面。
啲miracle 往往只發生在呢類幾乎正常或已正常既仔身上。

Kyle

原帖由 Kyle 於 15-05-25 發表
在這裡猛叫人入s 的兩個家長，一個聲言入s 時各個治療師都話佢仔無事，佢都要入。 另一個就話個仔唔知乜遲 ...

協康每班都是混齡，即一班有兩歳至六歲 （唔明點教？識咗都要同個Bb 一起學過同樣既野），無英文（老師只在一個星期半個鐘的個別堂內分啲時間教下字母或生字或簡單句子，視乎仔能力。）最珍貴的治療堂，時數少過 e 位。個別堂時數少過I 位（I 位每日半小時，s 是每星期半小時）

放個正常入去讀，如可以和出面普通幼稚園媲美，我都覺奇怪。所以正常小朋友不要和有問題的爭罷。

猛讚既人會否講以上的實況呀？

Kyle

Kyle

評估既話，就算同一個人評，個尺度都不會每天一樣。何況而家個制度是正苦可評，私人又可評，有個認何資格就評得。雖然是用同一個量表，大家要明唔同人評好難好似麥當勞咁做個包每個分店出來個味道是一樣，一個制度有出入，有錯是常事、常識。地鐵也要預某%出事率。

這就會有時有些仔只單一一個問題遲數個月，都會俾人評咗入s.  有些好差下又會評咗入I 。 有些入s 是對的，但家長想入I , 個評估員順攤既話可能又會准許，有些家長就咁寫信去轉，評都唔評就俾轉。又有些評估員好鬼固執，個家長點講，都堅持原判，唔轉。又家長如覺得自己仔好有問題時，填份問卷填得唔客觀，咁如遇著一個好忙既評估員，可能就咁照個家長意願囉，因為好多問題也不是評估那個鐘數看得出，照個家長講某程度無死的。有啲家長真是好鬼誇張㗎嘛，個仔脾氣臭啲，都大件事！

所以如家長全部推晒落是啲專業人士醫生等評出來的就無錯，我又唔係咁認同，真好多變數。

Kyle

原帖由 Kyle 於 15-05-25 發表
協康每班都是混齡，即一班有兩歳至六歲 （唔明點教？識咗都要同個Bb 一起學過同樣既野），無英文（老師只在 ...

還有有媽經常帶仔去協康做言語治療，成日𥄫到個上課情況，佢個comment 就是，老師係唔係都叫啲仔做枱面野，米就是穿珠仔囉，日穿夜穿。啲老師唔多得閒應酬啲仔，佢地有一個會抽咗出去和每個仔做個別，個個仔一個星期分到那咁大把的半個小時，咁另一個老師米唯有叫餘下那十一個繼續穿珠囉，keep everybody busy 㗎咋，唔好搞搞陣。
仔正常既話，那些珍貴治療真是多鬼餘，得閒學下學術，多國語言，琴棋書畫好過。

仔唔正常既話，兩個星期一次的個別治療或一個星期一次的大組治療是非常不足的，每節又得半個小時咁大把，唔好暇想靠學校會搞掂，到頭來是要家長日日在家勁操數小時。
服務好齊？s 位不是俾足服務來日日密集咁訓練每個學生，齊都唔到啲仔分到多少。實情就是3t 密度非常粗疏。

Olympian

我想信大部份家長是成年人，懂得自己分析問題。若真的希望獲得更多資訉，會爬舊文，問同路人或去各特殊幼兒園參觀。不過我還是擔心有人被誤導，所以要想多講一些。

首先，讀S位的小朋友，絶不能用"流浪漢"來形容，每一個小朋友，冇論健康或殘障，都值得社會大眾冇條件的尊重，尊重孩子更應由家長做起。而S位所有工作人員都不會當小朋友是流浪漢。

S位能入主流的小朋友比數是細，但要明白當初被安排入S位的都是較嚴重，所以比例是會較少。可是，每個人的發展不同，有的小朋友會進步得較快，有的會較慢。所以最終有些小朋友是能從S位升讀主流小學，這不是false hope.

樓主的標題是"I位轉S位"，所以，這位小朋友本身能力不弱，的確有很大機會升讀主流小學，所以絶不是false hope. 每年S位都會舉辦一些主流小學的參觀活動，中心對區內小學的融合教育的狀況，亦有一定的掌掘，務求協助家長找到最合適的小學。

自閉症是一個普系，有些小朋友能力在S位與I位之間，跟本不足為奇。而I或S較適合，有時讀過才知，所以評估員決定這班小朋友I或S不太rigid，我認為可以理解。所以有人會由I轉S，有人S轉I或Ｅ。

I位現時輪候時間為14個月，E位為19個月，S位為18.5(2013-2014年度)，大家條隊都好長，所以如果你話人地應該入I/E位，卻去了S位令輪候時間變長；人家也可話你應該讀S位又走去I/E位令我排得耐左。兩者都是不合邏輯的。現時政府已有一些試驗計畫，希望在主流幼稚園加插兼收學生從而減少輪候時間。如果家長想多了解及幫助促進這些計劃，可多參與"推動香港特殊教育立法"(https://www.facebook.com/senlegislation)的活動，雖然活動成立後自己也未必受惠，但可幫助到後來的家長，自已也可為現時或將來子女的需要發聲。

有部份小朋友的確會入特殊小學，小一前評估為智障，這個事實，家長在倍伴孩子成長時，自己會慢慢察覺，家長內心會調節自己對孩子的期望，亦會在對特殊小學認識增加的同時，慢慢接受。能力好的家長會多給這些家長空間，少說自已孩子的能力，減少比較。我己畢業了一年，仍經常相約S位新舊家長早餐，有的小朋友讀主流，有的讀特殊。還keep住whatsapp gp，不時傾下計。特殊小學我不算十分了解，但小朋友用在裡頭一様會不斷進步，大部份都讀得開心。

至於你說你在S位觀察到小朋友的學習情況，我認為極之片面偏頗。若你真心想了解，可先調節自己的心態，在自己就讀的中心觀察。恕未有時間為滿足你的好奇心而多花描述。但若有其他家長想多了解，我是十分樂意的。

Kyle

阿媽是女人，言之無物。

Kyle

讀s 不是流浪漢？你有得揀，無切膚之痛，當然咁講。廢話！ s I e 個分別對你來講，米就是學費和傷殘金囉。你寫文咁官腔，成個協康發言人咁款，代表埋s 位員工添，莫非你是協康個妹？失敬！我偏頗？睇完咁長，都找不到你的例子，想知就要再問閣下下回分解嗎？咁我而家問你好了。可以將pat 屎讚到咁，你偏頗得令我甘拜下風。
多謝你唔嫌棄我們一眾流浪漢，治療師勸你都唔肯排過第二條隊，係都要和我們擠在一起。感激流涕！

pinkdoll

Kyle 發表於 15-5-25 11:12
在這裡猛叫人入s 的兩個家長，一個聲言入s 時各個治療師都話佢仔無事，佢都要入。 另一個就話個仔唔知乜（ ...

啲miracle 往往只發生在呢類幾乎正常或已正常既仔身上。< -----算啦, 望都望人好啦, 唔通望人差咩.


你唔好咁唔開心啦, 總有路可以行的.

pinkdoll

Kyle 發表於 15-5-25 14:01
還有有媽經常帶仔去協康做言語治療，成日&#151851;到個上課情況，佢個comment 就是，老師係唔係都叫啲仔做 ...

多口問句, 到底你係覺得S位唔得(包括所有機構既S位)? 定係協康會唔得? 咁其他機構既S位得唔得? 咁E位得唔得? 咁協康會既E位又得唔得?

pinkdoll

Kyle 發表於 15-5-25 11:31
協康每班都是混齡，即一班有兩歳至六歲 （唔明點教？識咗都要同個Bb 一起學過同樣既野），無英文（老師只在 ...

S位時數少過E位? I位每日有半小時訓練? 你小朋友有冇讀過E位? 有冇讀過I位? I位間間學校SERVICE唔同架, 而且多極有限, 因為入得I位既SEN小朋友, 小朋友通常係比較輕微既CASE, 如果跟唔上進度, I位老師係會勸家長轉S位, 這個情況有不少案例. 如果讀過S位既, 應該會見過由I位轉S位既小朋友.

我話你知, 我有2個仔, 1個發展遲緩, 1個發展遲緩+自閉症. 我大仔I位又讀過, E位又讀過, 我細仔讀咗3年S位. 你問我, 我會話你知, S位SERVICE係多過E位, S位及E位SEVICE也肯定多過I位.


我知你好唔開心, 因為你覺得S位幫唔到你個仔, 所以好唔鐘意協康會. 其實, 我個大仔讀第一間I位時, 都俾人用好多藉口投訴, 最終我要幫大仔轉校, 個間係I位學校添. 你問我開唔開心? 我一樣唔開心. 所以, 我大約明白你心情. 不過, 此地不留人自有留人處, 過去既LET'S GO.

唔好意思, 我上午要去S位同細仔做訓練, 下午接大仔放學後, 又要去E位, 或去上興趣班, 好忙碌. 所以, 冇乜時間諗咁多嘢, 如果有地方得罪了你, 請多多見諒, SORRY.

Kyle

當然望人好啦。

協康s 位計得出：

3t個別： 45 mins  per week（St,ot,pt, 每樣隔週半小時）
3t小組： 1.5 hour per week （每樣t, 每週半小時）
幼師個別： 0.5 hour per week

其餘是發毛時間, 自己做下工作盤，枱面玩玩具，串下珠咁。

耀能s 位：
無讀過，但知分k1,k2 and k3 （協康是用自閉嚴重程度來分班，一班有n1-k3) 有英文，治療時間也很不足。

協康E 位：
3 t 治療：每段時間好似有一個鐘，多過半小時，比協康s 還多。

I 位：
間間辦學團體不一，要識得揀有心的,所以口啤可以好參差。有派校的言語治療，和幼師個別是每人每日半小時。

以上正苦野，只會給學生minimum, 一定唔夠密，就無謂預期入到去唔屎再另外加訓練。自閉訓練最講求個密度。