5級樂理 問題, 有冇JM可以比意見?

心雨

阿女小四, 下年要考6級鋼琴, 所以準備考10月的五級樂理.  係柏X琴行 單對單學左8堂了, 進度極慢, 老師說我個女好基本的都唔識, 所以教的好慢想她打好基礎, 但第7堂仍然先教第一本的3份之一都冇, 老師叫我唔好報考10月, 唔夠時間, 後來和鋼琴老師商量過, 一定要考10月, 唔係唔夠時間報6級琴, 最多係暑假加緊補堂學樂理.  第8堂柏X肯比我陪阿女一齊聽, 睇下問題出係邊度.  進去後, 老師檢查阿女功課時, 發現她兩題做錯左, 結果45分鐘的時間就講解了兩題再加唔夠5分鐘的高低音位置的音符, 期間老師幾次望表, 一到時間即停, 比左4條功課阿女, 我要求老師出多兩題頭先那兩題類似題目比阿女返去做, 老師答我下堂先就行左出去, 我諗住佢應該急住有學生接住教, 點知佢原來冇學生, 只不過同其他同事企係度傾計傾左好耐, 我吃完飯都仲見到係度傾緊.  甘得閒, 要求寫兩題功課比我個女都唔肯.  唉, 好煩, 到底係我個女有問題定係個個小朋友學都會遇到甘既困難呢? 甘學落去, 我好擔心唔知總要學多幾堂? 甘既老師我要轉嗎?  轉我又擔心見到面佢肯定黑面對我.  請問我要點先可以幫阿女學的快點, 阿女說學校冇咩教樂理的.一般學五級樂理要學幾堂? 請比意見, 謝謝!

Yanamami

鋼琴老師唔教埋樂理？

我女是學長笛的，P5時暑假喺柏斯學，如你所講，唔掂，話我女10月考死梗。後來搵琴老師惡補（她本身又喺弱既），加埋柏斯共18hrs，考到pass。睇下你點諗啦，有人唔鍾意禁急急谷出黎，要浸，慢慢浸好樂理個底。

CHIULHJ

囝囝小三升小四時的暑假學樂理，可能是他的資質平平，即使老師一對一教授，而且一星期上兩堂純樂理課（用了約九千元），他仍然不明白，我不想金錢付諸流水，唯有自己睇樂理書和past paper，不明白時就問老師，然後自己教囝囝，結果他拿８４分。

其實最理想是找有口碑的老師，你的情況很明顯是耍換老師，無須怕日後見面尷尬，不適合便應儘快換。

cornelius

回覆 心雨 的帖子

請問柏X琴行單對單學8堂要幾錢？

cclbaby

回覆 心雨 的帖子

我看完你的 case 後, 我的意見是你必須要轉老師了﹗我仔及女學樂理時不是單對單, 是一組人學的, 佢地學左15堂便去考試了, 學費每個人都唔駛2千元 (而家就可能過2千元), 最後佢地兩個都考到 merit , 如果你老師咁拖來教, 都唔知要學幾耐先可以去考了？

mansum92

其實如果琴老師平時冇教小朋友樂理, 真係唔係咁易上速成班就可以去考試 不過如果8堂都仲係第一本就可能真係要轉老師了

sonkhl

我兒子是在音統處學,沒有私人教.有否家長有老師介紹,pm樓主吧,十月考,而家轉應該重可以.

心雨

Yanamami 發表於 14-5-8 11:56
鋼琴老師唔教埋樂理？

我女是學長笛的，P5時暑假喺柏斯學，如你所講，唔掂，話我女10月考死梗。後來搵琴老 ...

鋼琴老師冇時間教埋樂理, 你教個老師係男定女? 我個係男老師.  樂理固然要打好個基底, 但個老師甘教法, 第一本都未教到一半, 我好擔心甘拖落去唔知要拖幾多堂先至學的晒甘多本

心雨

$220 / 45 min, 按每堂計算, 收費整個月份收, 我剛交了5月份5堂皇1100.  最慘係叫老師比多幾條題目比佢操下, 個老師都唔肯, 最唔開心呢點, 老師太現實了, 寫兩條題目最多5分鐘都唔使. 唔知係唔係我女資質差, 兩題都用左45分鐘,(平時鋼琴老師都冇教佢樂理) 再深落去, 人地用16堂學完, 我諗我16堂都未學完一本 有冇JM學過呢間有比較好的老師介紹呢? 或者其他地方可以介紹?

YuYuMother

唔好意思，我無樂理老師可以介紹比你，因為我地鋼琴老師會教埋架。

不過你呢個情形，我都建議你快d轉老師啦，因為個老師實在太不負責任啦，同埋咁搞法你囡囡進度未必趕到10月考試啊………

心雨

原帖由 YuYuMother 於 14-05-08 發表
唔好意思，我無樂理老師可以介紹比你，因為我地鋼琴老師會教埋架。

不過你呢個情形，我都建議你快d轉老師 ...

好的，謝謝你的意見！

心雨

原帖由 YuYuMother 於 14-05-08 發表
唔好意思，我無樂理老師可以介紹比你，因為我地鋼琴老師會教埋架。

不過你呢個情形，我都建議你快d轉老師 ...

好的，謝謝你的意見！

newmother

不如讀速成班,然後去考, 我個女舊年都係咁, 一次就passed.

心雨

原帖由 newmother 於 14-05-08 發表
不如讀速成班,然後去考, 我個女舊年都係咁, 一次就passed.

請問邊度有速成班報？你阿女係點情況？可唔可以講多少少比我參考下，十分感謝！

Mini-mummy

原帖由 心雨 於 14-05-08 發表
請問邊度有速成班報？你阿女係點情況？可唔可以講多少少比我參考下，十分感謝！



  ...

你住邊區呀？

cclbaby

回覆 心雨 的帖子

我家小孩是在旺角學的。你那區較為方便？

心雨

觀塘，藍田，油塘或將軍澳都ok

mansum92

昨天行東港城通x有速成班 不過小朋友如果連第一本都唔明 我驚佢讀完速成班都係唔明

mansum92

14-5-9 10:30 上傳

下載附件 (39.06 KB)

birdbird

我建議快点轉老師，搵有口碑的老師上1:1 或小組，教得好、學得好，短短幾個月係可以應付10月的5級樂理試。

我仔上年9歲，在 "劏你” 上樂理班，1：6， 全期16堂，每堂2小時 （once per week)。阿sir 教到個竅門，比大量功課，中期又加d二、三级試题比班细路做。只要小朋友肯留心，做晒功課，唔識功課就問，考試冇問題。我仔拿merit, 有人拿distinction, 但聽聞有個百厭仔唔合格。