基層生學營商 「不要賺到盡」 年宵檔賣揮春 盈利6位數

elbar

                                          
馬智恆（中）：「有時下下追物質，唔知個深淵幾深，有機會拉走咗佢哋（學生）。所以希望佢哋知道邊個位就夠啦，停。」

「君子愛財，取之有道。」有自小立志做好人的中學教師，帶領基層學生做生意學營銷，並一反「賺到盡」的常態，有學生寧願「一蚊都唔加」以保合約精神，終贏來六位數字盈利。

紮根窮人地區深水埗，天主教南華中學有不少新移民及基層學生，任教企業、會計與財務科的教師馬智恆（馬Sir）教書九年，帶學生「做生意」，包括玩年宵、擺商場檔，幾乎從不間斷，但目的並不只是賺錢。

笑言「人人心中有魔鬼」的馬Sir，公屋出身、自小以「做好人」立願。他稱，要教學生做生意，自己也少不免具備多少板斧來授徒；馬Sir自詡「夠八卦」，不時找機會「八吓」別人如何定價、來貨、做批發，吸收了他人經驗，再同學生落手落腳做生意學營商實況，「我想玩、佢哋又想玩。」他們目前最威水的一次，要數兩年前在旺角花墟擺年宵賣立體揮春，集資九萬，最後贏來高達21萬總營業額，勁賺12萬。然後接着兩年，每年均保持六位數字盈利。
一次因批發價加了一元，馬Sir自然想到將貨品加價一元，卻被學生「一蚊都唔加」一語點醒，師生同贏回良心；而他們在學習做生意之餘亦學到責任感、團結精神。

助學生走出深水埗區

除了帶學生體會現實營商環境，亦助學生走出深水埗區，踏足從未到過的「香港地」。

「有學生未黎過鑽石山，以為同獅子山一樣都係山。」馬Sir續說，又試過有學生以為觀塘在新界，或到旺角店舖取經時，「行三個鐘都會盪失路。」]

馬Sir解釋，因不少學生來港的日子還不長，加上家境問題，大多只在深水埗或石硤尾出入，透過營商活動，令學生去不同地方入貨及觀察商舖售貨情況，助他們擴闊眼界。

himching

聽落好有"良心"嘅「不要賺到盡」依句說話,   個人一直都十分有保留.  

如果沒有斷章取養,  做生意, 賺到盡, 是天經地意. 只不過賺盡時未能提供顧客應得產品質素, 先係問題.  文章例子, 來價加一元, 與售價加一元根本兩回事, 如果顧客喜歡產品, 加到十元都有客要, 否則減十元都賣唔去.

本人不反對, 時下有很多教人做生意的Course或workshop, 因始終係一條出路, 但就必須清楚知道做生意一些不變定律, 做生意不是玩玩下, 年宵都係一年一次, 長期做到先係考功夫, 否則個個都係老闆.  錯誤估計做生意難度, 後果係赢粒糖, 輸間廠的.

ANChan59

你又點睇中學生、大學生在網上做生意？

himching

ANChan59 發表於 14-5-2 13:31
你又點睇中學生、大學生在網上做生意？

如果認定自己將來會做生意, 越早開始越好, 因為做生意如打仗, 有輸有贏, 全部係實戰, 否則讀MBA都識做老細. 早做, 輸咗都有機會翻身, 從錯誤中學習, 希望下次唔會重犯. 網上做生意係其中一種手法, "長期"賺到錢就得.