點解唔面對現實?

ketonemo

尋日帶亞女做training, 聽個OT講有個小朋友, 應該係中度智障, 但媽咪係都要佢讀主流學校, 已經P6喇, 講嘢都仲係咦咦吖吖, 上堂全發夢, 所有功課由媽咪做.  考試測驗得廿幾分. OT已經多次建議佢讀返特殊學校, 但媽咪話已經咁辛苦捱咗6年, 唔會放棄, 繼續升主流中一

點解唔面對現實, 比小朋友有最佳的學習環境? 大人又辛苦, 小朋友又辛苦, 反而阻礙發展.

pocoyo123

中度讀主流, 小朋友返學可能都聽唔明白, 每日返學都係得個坐字學唔到野,又有機會比人欺凌, 都好無奈

相信佢媽媽在這6年都心知肚明小朋友的情況, 佢咁都堅持直上主流, 相信佢對特殊是非常抗拒, 寧願咁辛苦都仲上主流中學

Tracymom

可能她的想法好似啊甘的媽咪感，但是世上有幾個啊甘呢？

pollybell

學校無叫佢走，應該有支援，如果咁差叫你走九世啦。

414928

個媽媽經過左6年都未接受到?我仔輕度讀到主流小5都安排讀番特殊,因為小學真係可以比佢試,但上到中學真係無咩用,學唔到野又會被人蝦,特殊都仲有生活技能比佢學,對小朋友幫助更大。

瑞士雞翼

有人好buy 特殊, 有人就好抗拒, 相信各自有他們的理由.  
什麼是對小朋友最好的, 真的好講個人際遇和家人給予什麼的支援

mckm2007

個家長求乜呢！讀乜都好，最緊要小朋友開心。有啲家長就係過不了自己。

HaYi

如智障真無理由死守主流，自閉反而可守下

AW-HK

其實大家都辛苦，現在讀到主流又如何，將來做工難道阿媽日日陪返工，清醒D面對現實吧

shuna

我都好唔明, 其實佢都接受唔倒自己個仔, 祈望其他人接受自己個仔? 都唔會考到好中學, 又會去band 3中學, 大把飛人玩佢, 做阿媽唔怕唔擔心咩？愛自己面子多定愛自己個仔多? 如果發生左事比佢搞死左個仔, 後悔也太遲。

PoohBB

中度智障, 考試測驗得廿幾分 .... OT好多口..

正常小孩就不會考廿幾分 ?