15年免費教育難行（左丁山）

ANChan59

曾俊華在立法會（四月十七日）講財政新案，提出八項控制政府開支增長嘅措施，其中有（一）2015至2018年公共開支增長不能超過名義本地生產總值（Nominal GDP）之中期預測增長率，大約5.5%；（二）新政策要附有持續性開支評估。
如果講到新政策嘅「支出涵義」，咁就係暗批梁振英嘞，特首要提升自己民望，好似全世界政治當權派一樣，梗係要增加某種福利，增加某類支出（例如文化支出以取悅文化人）諸如此類，最近審計署批評盛事基金、「創意智優計劃」撥款等等，就係此類，搞盛事喎，搞文化喎，啲體育界、文化界人士大都只識花錢，唔識管錢，政府既有大筆撥款資助乜乜東東，唔伸手去攞就笨啦，至於花錢產生之效果，誰人會去評估？

梁振英競選時口輕輕講15年免費教育，即係在目前十二年（小一至中六）基礎上，加多三年免費幼稚園教育，呢件大事，係教育界（唔識管錢一班人）最鍾意嘅，但三年免費幼稚園教育究竟要用幾多錢？好似冇乜人研究噃，曾俊華將來一定要求教育局提交詳細三年幼稚園支出評估，唔只一筆過，重要包括埋以後永遠存在嘅經常性開支。有大數可以計嘅，如全部幼稚園學生（K1至K3）約共十八萬人（估計），每學童津貼25000學費，一年就係45億，屬經常性開支，並要隨通脹調整。但以目前英語/國際幼稚園學費嚟講，每年2萬元學費咁少，差好遠喎，將來免費幼稚園教育實施之時，每年派五萬就差唔多，如要津貼呢個數，政府負擔大增，邊個做財政司司長都會抗拒，況且還有數額龐大嘅資助性支出，目前並無官立幼稚園，幼稚園校舍無統一標準，各自精彩，多數租用地區商場，富貴幼稚園就自置物業，如政府放棄商場租約，建設標準幼稚園校舍嘅話，試問地從何來？向辦學團體商場買入？以今日樓價之貴，數以十億元計足令任何一位財政司司長皺晒眉頭。推行三年免費幼稚園教育，肯定係吃力不討好之事，有消息人士話梁政府正在苦思如何脫身，搵機會俾梁振英講句：十五年免費教育唔提好耐嘞噃！否則的話，硬要上馬，淨係俾曾俊華一個質問常年開支經費何來，吳克儉已窮於應付。

http://hk.apple.nextmedia.com/realtime/supplement/20140422/52406584

ANChan59

ACE2126 發表於 14-4-24 09:04
689開支票時係無想過怎找數的
之後的指定動作，緊係走數啦

中央留低曾俊華𥄫住689是十分正確，如果是"打茅波"，過晒啦！

superccc

要推行就要幼小校舍共用，可免租問題
可以試行