黃大仙區band one尾男仔，這樣選可以嗎？

大傻蛋

阿仔黃大仙區男仔，band one尾(老師話唔係邊緣人，按band one選校就得)，這星期交師初稿跟同band男仔好朋友一樣。1何棠，2協和，3可立，4文理，5培敦，老師已睇
及回覆好好，不用改。但是家裡長輩就覺得band one當然選哂band one學校，放哂本區同他區後先放band two,我又唔敢太進取，只在4改為他區銀禧，5他區觀塘官立，6文理，7培敦，唔知安全嗎？因之前學校已睇初稿，放完假第一天就要交正式表，趕不及問老師意見，麻煩有經驗朋友幫忙分析或指教，謝謝。

elbar

原帖由 大傻蛋 於 14-04-19 發表
阿仔黃大仙區男仔，band one尾(老師話唔係邊緣人，按band one選校就得)，這星期交師初稿跟同band男仔好朋友 ...

如改為 1何棠，2可立，3銀禧，4觀官，5文理，6培敦 更佳

大傻蛋

但老師初稿頭5志願ok，知道幾個同band同學都係一樣填法，不同班老師都話ok,咁而家點算好，本來煩第4—7問題，而家要由2—7重新排，請幫忙建議如何排法好些，謝謝。

大傻蛋

謝謝

奥脫福

Band 1 生第三志願放Ｂ２校？！真係未打先認輸，俾我一定不接受。

其實樓上乙三、四他區Ｂｌ中學的做法可取，試左真係唔得都無怨無誨！
若真係一萬個唔好彩，咁以Ｂｌ生的身份，你無信心叩番間Ｂ２校？

twcho

大話怕計數，今年黃大仙共計2944名升中生，假設自行離場35%(可自行調整此百分率)，甲部離場8%，合計會有587名Band 1生爭乙部學額，而黃大仙區Band 1乙部學額合計442個(412+30，含所有他區Band 1中學)。

故看似Band 1學額是不足應付所有Band 1同學的，所以如排位不當，是有可能跌入第一或第二間選取的Band 2中學。

大傻蛋

唔係好明，如果band one學校都抽唔到，唔係最差去到第一或第二已選band two,咁我放文理同培敦，機會應該很高呀，因我放第幾都快過band two行放第一呀，因為派完band one完先派band two,係唔係我理解錯，thx

khmama

原帖由 大傻蛋 於 14-04-19 發表
阿仔黃大仙區男仔，band one尾(老師話唔係邊緣人，按band one選校就得)，這星期交師初稿跟同band男仔好朋友 ...

文理+培敦應該足夠包底，只要老師冇估錯band就可以. 黃大仙近呢幾年個離場率都有40%以上，放文理之前應放他區執雞。

ohnono

大傻蛋 發表於 14-4-20 21:26
唔係好明，如果band one學校都抽唔到，唔係最差去到第一或第二已選band two,咁我放文理同培敦，機會應該很 ...

沒錯，Band 1同學最差都係都係派band 2。
如果你是邊緣同學，乙一你選了何棠，乙二還有機會派文理嗎！我諗乙2應該放培敦比較好。

如果你乙1選了何棠，乙2再選協和我覺得真係有d浪費，除非你覺得協和在經過第一輪派位之後還有剩餘學位。

如果你同意文理是你的保險線，那文理放前和後都是你最壞情況才會發生。那麼文理之前不論放那些band 1學校，都將會沒問題。既然如此，你可以選擇提早將可立放第二，亦可以將可立推後至只需放在文理之前。

因為女同學都還有聖母可以講到比我們聽，聖母都收唔足band 1學生而要減開英文班。咁即是女同學以聖母作保險是相對穩陣。相反，男同學卻從來沒有跡像話到比我們聽，可立是否已經開始收band 2生，咁我地點知可立一定可以收晒全部黃大仙區的剩餘band 1男生。如果有女同學不經意的選完德愛後，或沒選德愛而又直接選可立的話，只要隨機號碼好，一樣可霸佔可立的學位而再令聖母要減開英文班，還可以將男同學踢落文理。

所以可立的位置就成為男同學的關鍵位。一最好就係放在女同學選德愛的同一時間。咁樣才可避免女同學的競爭。因此好大機會可立真係要放乙2才算穩陣，最多可立之後放多兩間他區band 1學校以滿足好搏心理算了。若可立放乙3就要跟那些搏完德愛回來的女同學爭不但止，還要承受可立給其他同學放乙一和乙二的已搶走的數目。最可惜的是，區內的整體派位數字有時還會被聖母的收生情況誤導，以為女同學是好好，將男同學又當成一樣。一但唔好彩，你將會是少數被派去文理的band 1同學，到時本區又叩唔到本區，叩外區又無從入手，唔知點算。

只有在最理想的情況下，而你相信黃大仙是重災區的，即是除了聖母之外，可立都會出現收band 1生不足的情形之下，你可以選擇將可立的位置推後，搏完何棠再搏協和，還可考慮其他他區的band 1學校，反正預了最差還只是派去文理的。

睇下你揀邊一種方法去實現你的理想！

奥脫福

band one 尾博協和？！我咁好搏都唔會去博，因為博到都唔一定係好。

Anniemun

khmama 發表於 14-4-20 23:29
文理+培敦應該足夠包底，只要老師冇估錯band就可以. 黃大仙近呢幾年個離場率都有40%以上，放文理之前應放他 ...

請教離埸率40%是否包括b1  -b3?

khmama

原帖由 Anniemun 於 14-04-21 發表
請教離埸率40%是否包括b1  -b3?

40%係黄大仙區考生扣除抽獎學額嘅%，包括band1/2/3, 可以籠統地假設呢個係自行之後離場+轉區嘅%，用嚟估計競爭人數。

Anniemun

ohnono 發表於 14-4-20 23:49
沒錯，Band 1同學最差都係都係派band 2。
如果你是邊緣同學，乙一你選了何棠，乙二還有機會派文理嗎！我諗 ...

請問如可立的男女校，大抽獎時是否要收一定比例的男女生？

ohnono

Anniemun 發表於 14-4-21 00:48
請問如可立的男女校，大抽獎時是否要收一定比例的男女生？

大抽獎不是由學校可以操控。或者學校知道自己是男同學的保險線，一般男同學派入應較多(多人抽就自然中的比例會大)，會於自行時收返多一些女生都未定。