九龍城Band1女生點選擇?求教

jeffzhang

早４，５年前，識人ＷＦＮ放第４都入到，主要是搬校問題，依家就唔知。另當年迦密放第二都入到，依家應該唔得。

如果三寶中選一間放第二，似乎只得旅港有機會，起碼以上年來說是ＯＫ的。當然，如果確定band 1, 旅港放第一應該好穩，除非今年多好多band 1同學揀旅港，則作別論。情況有Ｄ似迦密，自從出牛津生之後升呢，多好多人心儀，唔放第一唔駛諗。另外，留意旅港是多一班的，位多Ｄ。　　

skyhcf

我不是執著，我只是我覺得事件，有懷疑及不合邏輯，所以提出論點討論，至於對與錯就留代歴史去見証反正永遠都是一個迷。悶悶地過下招姐！

jeffzhang

又唔係wo，識人早幾年是第二志願入的，不過第五入就真係舊年響度睇到的。

jeffzhang

都係實力+幸運的結果，個number好好。

khmama

原帖由 奥脫福 於 14-04-24 發表
本帖最後由 奥脫福 於 14-4-24 01:06 編輯

爬番舊文，去年第五派到旅港的個案都仲有疑點，因為去年有同 ...

關於第一個case，第五志願入旅港亦有可能，因為抽獎冇人會知有幾多人爭，執到雞亦未可知，不過奇怪培正放第一居然唔入，真係估佢唔到。 第二個case似係band2，除非揾到人band1以第三志願入丘佐榮先可証實。我已經整理咗資料喺表六比家長參考，data太少比較難証實真確性，希望家長唔會提供假料啦。

奥脫福

khmama 發表於 14-4-25 08:48

data太少比較難証實真確性，希望家長唔會提供假料啦。

去年有一位觀塘區的B1同學派乙四可立，但我認為無可能囉，因為佢乙三有
銀禧，但我仔係以乙七的身份派到銀禧。。。

奥脫福

HappyEE  咁你個囝是否都是觀塘網?
又或者同學仔轉左網?  發表於 7 分鐘前

正是大家都是觀塘網，我才有此疑問。

王家爸爸

奥脫福 發表於 14-4-25 10:10
去年有一位觀塘區的B1同學派乙四可立，但我認為無可能囉，因為佢乙三有
銀禧，但我仔係以乙七的身份派到 ...

有趣，乙三派不到銀禧，但乙七派到，請向你是否介意分享乙部的選擇，給大家研究？

另外，會不會他是甲部入？

奥脫福

王家爸爸 發表於 14-4-25 10:29

有趣，乙三派不到銀禧，但乙七派到，請向你是否介意分享乙部的選擇，給大家研究？

另外，會不會他是甲部入 ...

我的排位：
自行：1) 九華，2) 聖言  （兩間都有 IN ）

甲部：1) 九華，2) 聖言   

乙部：1) 聖言，2) 觀瑪。。。 7) 銀禧   


派到：銀禧   



該同學的排位：

自行： 順天.   2.蒙民偉

甲部 :  1.迦密 . 2.黃笏南  3.蒙民偉

乙部 :  1.官中 (有聯繫)  2. 蒙民偉  3.銀禧  4.可立

小學地區：觀塘

小朋友banding: Band 1尾

派入學校: 可立



詳見：

http://www.edu-kingdom.com/forum.php?mod=viewthread&tid=2620797&extra=page%3D56&page=5

HappyEE

回覆 奥脫福 的帖子

會唔會同學仔不是BAND1學生?

khmama

原帖由 奥脫福 於 14-04-25 發表
去年有一位觀塘區的B1同學派乙四可立，但我認為無可能囉，因為佢乙三有
銀禧，但我仔係以乙七的身份派到 ...

所以表入面呢位同學我列為band2.

wongkaka

見到就頭暈

skyhcf

我個人覺得，真係有媽媽不想說比其他媽媽選了什麼學校，就算同人講都係假！所以滙報出來的媽媽，最好係自己，唔好話朋友個仔，姨媽個女，同學個朋友……所給的資料。源頭末清很難討論，得出的答案很大扁差。

little_yolky

ohnono 發表於 14-4-24 01:58
旅港自行有第二次面試可以代表甚麼？是代表band 1嗎？
會唔會有d誤會？

唔好意思, 點解升中派位咁複雜, 睇極都唔明.....

係唔係：
1. 其實自己唔係好確定自己的banding, 係靠估而已
2. Banding係唔係只for大抽奬
3. 你所講的九龍城區好多band 2同學係全港band 1, 咁係唔係報自行時, 中學會睇你間學校同小朋友"自己"成績及profile, 面試決定收唔收
4. 雖然上年師兄/姐考衰咗個TSA累街坊, 令今年band1 %低咗, 但如果有實力, 都可以响自行考到好學校。
5. 自行衰咗先會輪到大抽奬, 咁自行報一間good, 一間穩陣, 咁咪唔駛大抽奬

請問我既理解正唔正確。

ohnono

原帖由 little_yolky 於 14-04-25 發表
唔好意思, 點解升中派位咁複雜, 睇極都唔明.....

係唔係：

1。正常情況下都估到的，估錯只會係兩個組別之間的邊緣同學。因老師要在有限資料下來決定那些是邊緣同學，有機會出錯。另外，有一種情形是老師會刻意估錯和估高少少，鼓勵band 2同學可摶到入band 1，將派band 1學校數量推高。

2。banding的主要用途只係用於大抽獎，教局唔會公開各同學的banding。但今天已比我們用來計算同學和學校的水平和準則，方便自行時、直資和大抽獎的選校，有所依據。教局唔鼓勵學校咁做，只要求學校提供選校協助， 老師都係本著良心幫同學推算的。

3。九龍城多本區band 2全港band1是可從自行和直資表現反映出來。好學校會幫同學得到較前的全港排名，加上校內成績、課外活動成就和面試表現，就構成收生的基本標準。

4。機會總會有，但會吃力和困難。因為制度係學校程度會反映在同學的全港排名次第之上。或考慮有全in的學校，盡量爭取面試表現。不過呢d PreS1試已盡量做到好平均，唔會因一些同學而有好大變化，反而同學自己的成績要盡量考好就真。

5。理論上是對的。但有時你覺得穩陣，又偏偏遇上一山還有一山高。總言之個遊戲係大家鬥競爭力。

jemm

剛收到以下九龍城區一官小發給小六生的乙部初稿第一志願統計。 雖衹見樹林, 不是森林, 亦或多或少會影響到我最後排位的決定。

華英 12
伊中 19
迦密 13
丘中   7
旅港  16
銀禧    2
陳瑞祺 7
黃笏南 10
何官   15

ohnono

jemm 發表於 14-4-25 22:42
剛收到以下九龍城區一官小發給小六生的乙部初稿第一志願統計。 雖衹見樹林, 不是森林, 亦或多或少會影響到 ...

有冇九真、培道、胡兆熾的數字？我都想睇下。先謝！

jemm

傳統上, 它衹公佈 最多人揀Band 1的學校和何官的數字。