叩門係幾時開始? 7月8日當天?

瑩瑩老豆

7月8日放榜, 叩門係幾時開始?
7月8日當天還是要待11/7后等完左註册?

AC117

原帖由 瑩瑩老豆 於 14-04-14 發表
7月8日放榜, 叩門係幾時開始?
7月8日當天還是要待11/7后等完左註册?

放榜當天上午，下午可能已不收申請，結果要註冊後才知

penpen

放榜前兩三日要睇定叩門資料，如學校網站冇資料，打電話去想叩嘅學校問咗叩門須知先，如要叩門，有d中學一放榜就要去有關學校填表，叩門時間可能只係得幾個鐘（上年安柱就係咁)，亦有一d中學會有兩三日昨間比你去做

comb523

總之果日,好多家長趕頭趕命,走幾趟.

瑩瑩老豆

AC117 發表於 14-4-14 17:35
放榜當天上午，下午可能已不收申請，結果要註冊後才知

取了結果, 要叩門就要即刻出發.

瑩瑩老豆

comb523 發表於 14-4-14 17:39
總之果日,好多家長趕頭趕命,走幾趟.

即係家長要攞定假, 派得好就去飲茶 , 唔好就要去撲位.

penpen

回覆 瑩瑩老豆 的帖子

yes,如果住得遠，就要帶定埋資料返小學，祝你用唔著，即係會入到心儀果間

瑩瑩老豆

KT0603 發表於 14-4-14 18:15
我仔學校講座已講，學生8點回校睇放榜，9點就散水，同時間就最好到中學！最好兵分兩路，其中一位家 ...

咁咪冇時間攞學校推薦信? 定係早幾日要問定學校攞? 又或老師會準備定(想多了)?

penpen

祝你們位位如願，小朋友派到心儀中學，好似我上年咁放完榜返屋企換衫睇戲飲茶去

simonkawah

我女學校講明如派頭三志願吾會寫推薦信。又要排過。

ansonisme

瑩瑩老豆 發表於 14-4-14 18:06
取了結果, 要叩門就要即刻出發.

要同其他叩門既同學鬥快 ! 事前要問定心儀中學既叩門資料,copy好要既文件,相片,portfolio,安排好路線,最好自己揸車,因為,到時怕難搵的士.

ansonisme

瑩瑩老豆 發表於 14-4-14 18:22
咁咪冇時間攞學校推薦信? 定係早幾日要問定學校攞? 又或老師會準備定(想多了)?
...

歷史經驗....
假若派得唔好,有老師會打電話俾同學,早D回校準備.................(當然,係個別同學啦)

ansonisme

KT0603 發表於 14-4-14 18:29
我仔學校已講明，派彩當田要睇情況，並不一定會安排，有都係最多兩封，要有對家學校名，最快下午或當日放學 ...

對 ! 真係睇人派,有人試過校長親自打電話搵中學校長.........

馬到功成

原帖由 瑩瑩老豆 於 14-04-14 發表
即係家長要攞定假, 派得好就去飲茶  , 唔好就要去撲位.

我女派得好都唔會去飲茶因爲我會好驕傲甘講：「派得好係應該既」但如果派得唔好，就唔係甘話法

馬到功成

我女小學既女校長比較cool唔知會唔會幫手(今年係新校長，上年既男校長比較nice)

ansonisme

馬到功成 發表於 14-4-14 20:31
我女小學既女校長比較cool唔知會唔會幫手(今年係新校長，上年既男校長比較nice)



  ...

探下班主任口風先........
有D學校校長好現實,平時無咩表現,無幫學校拎獎,成績又唔突出....真係唔啋人.
有D校長就好落力,好上心,盡幫....真係無準則.

kent617

其實小學是不是提前一晚就知道結果的？
教局有無規定話小學一定要8號幾點鐘才交成績比學生？