音小簡介會聽後感

2heiBBmama

音小事實係一間充滿宗教色彩既學校！只要你認同學校既教育理念，作為家長吾會覺得有壓力！孩子一定有快樂童年！但家長選擇之前，應先了解學校是否識合你，學校無將學生分等級，因為上帝都無將我們分等級，所以學生無分band幾！學校反而著重學生品格！當你見到一班中學生因神既愛，走出社區關心老人家，去宣教關心别人，我好感動係因為現今一代只懂打機，同家人關係疏離時，學校教懂這班孩童，走當行的路，就是到老都不偏離！若果你吾認同學校，只關心成績，我相信這間學校吾識合你！

laiyuen

原帖由 感激我遇見 於 14-04-24 發表
朋友响呢間學校教過嘅評語：行政混亂，太商業化，學生學術成績不太理想！係呢度讀啲嘅學生父母好似中晒毒咁 ...

好奇怪，我第一次聽到人話呢間學校好商業化，我係現時家，我印象中除咗學費、書簿費、雜費、訂餐費外，學校無要求要交其他費用喎，最多都係訂下課外書，仲要無壓力，你鍾意訂就訂。咩叫中晒毒？ 相信家長揀得呢間學校，一定係覺得啱先會揀啦，學校有唔好既地方我地一樣會出聲。好似今年開學時既午餐飯盒選擇問題，家長們都有同學校反映，而學校都從善如流去改善。

我明天每人對學校要求唔同，唔啱自己心水大不了唔好報，但隨便講一d未經証實既野係好不負責任！

vcom

小兒由開校讀到畢業，女兒由小一讀到中三，可以話學校對學生的音樂要求唔係好高，讀到中四、五，樂器可以考到八級就達標，如果平時有練習應該無問題。學校唔係要所有學生做音樂家，到中三分班時，有志發展音樂的就選音樂，想升大學的會去另一班，但仍然有樂器堂的。以上年DSE為例，選音樂班的都有同學入讀本地大學，或讀演藝，有部分出國，可以話，讀書唔需要迫，學校只要提供一個好的空間，有好的老師，小朋友係會識選擇的。讀小一又唔係要同學校定12年死約，我都見唔小升中一時轉校，但又有人會插班，家長可以問小朋友讀得好唔好，是否喜歡？如果小朋友都話OK就無問題，因為讀音小係小朋友唔係家長！

laiyuen

原帖由 sumaggie101 於 14-06-09 發表
想問下學費幾錢一個月? i cant find thru website, tks!

學費初小每月$4800 ，一年交十個月學費

mya

可以補充一下，學生不是沒有功課，只是較少抄寫練習。學校提過，没有排山倒海的功課，不是給學生hea，目的是希望學生可以在家中多閲讀圖書，家長亦可以抽出多些時間與小朋友伴讀，增加親子時間。

此外，課程没有教深，没有教快，科目與其他學校無異，中，英，數，生命教育，聖經，視藝，電腦，體育，普通話，還多了三科音樂科; 另外生命教育就是常識科，書本與其他學校一樣，除了學習書本知識外，還有聖經金句; 測驗考試有分數，可以反映學生自己學習成果，没有名次，不希望學生互相比較，因為神也没有將人分等级，所以學習氣紛自然融洽愉快。

mya

回覆 mya 的帖子

每班30人，2個班主任

心平如鏡

Ryan_baba 發表於 14-4-17 09:50
宣揚宗教訊息可以有好多方法，但音小果套對我來講真係over左。去年，就是因為她們透過面試祈禱變成決志，令 ...

透過面試祈禱變成決志--->可以講具體d嗎?
謝謝.

Ryan_baba

心平如鏡 發表於 14-6-11 09:56
透過面試祈禱變成決志--->可以講具體d嗎?
謝謝.

當日面見家長的時候，老師先同我們傾一些學校理念的事，問我們一些很基本面試問題，到最後問我們願不願意一齊祈禱，我們說可以，之後便跟老師一齊祈禱。但祈禱的經文是基督教決志所用的（因我之前接觸過，所以我知是），當時我已感到奇怪並跟我太太說。之後我們就收到學校邀請我們出席分享會的信，並說我們在面試當日已決志。但是在面試那天，老師從沒提過決志的事。

心平如鏡

回覆 Ryan_baba 的帖子

謝謝

masterunion

siuyi 發表於 14-6-7 17:16
其實常聽到朋友說之類評語，
我是現時的家長，全家無宗教信仰。。
暫無覺得學校在宗教方面施壓，

小兒入學一年... 反而係只要家長有留言或致電學校... 很快有回應...
而且經常邀請家長義工參加.. 學校活動...

去年有加學費, 但聽學長說是已經好多年無加過... 我地一入就中左... 今年未見有加... (唔通我睇漏左)
同學之間好CLOSE.... 功課方面真係唔算HEA.... 我地初初都有D 未慣...
經常有小TEST... 我地就好似好忙... 反而係小兒話唔怕架.... 成日TEST 好似溫書咋.... 幾禁正面思想

mya

原帖由 masterunion 於 14-06-11 發表
小兒入學一年... 反而係只要家長有留言或致電學校... 很快有回應...
而且經常邀請家長義工參加.. 學校活動 ...

自2003年辦學開始直到2013年，學校首次加學費，所以傳言話"再加學費" 不是事實！

HZH

即14一15年度才有中六DSE成绩作参考？

mya

原帖由 HZH 於 14-06-12 發表
即14一15年度才有中六DSE成绩作参考？

照計係15年度

vcom

如果小朋友出年先入音小，唔好咁快擔心十二年後的DSE，今年DSE成功率高，都代表唔到十二年後都好。最重要學校的教學方針唔好大變，小朋友又喜歡學校同讀得唔錯已經好好。
我有朋友個女讀協X名校，成績表有幾科七十幾分，朋友取成績表時，個班主任對我朋友講，唔知點解咁成績可以入到E間學校讀書，朋友聽到到非常難過！

anlywan

原帖由 Charlotte_mom 於 14-04-17 發表
都係果句, 學校有簡介會, 面試都有幾次, 家長係應該去下感受下, 鐘意就最好, 覺得唔適合亦唔需要大力投反對 ...

我感恩孩子在5月接到電話！我不是好信某一類嘢人！但我好相信我仔在充滿愛下學習成長！長大後亦懂用愛去關心、包容、信任別人己够！我要一個懂愛的兒子就心滿意足！學業有幾成就是其次！

vcom

回覆 sumaggie101 的帖子

名校係甘呀!學生無90分以上,學校係唔滿意的,家長忍都就幫仔女找補習,家長忍不住就同自己仔女轉校,學校仲喜歡你走人,廢事你地拉低晒D分數!

kitkitfong

vcm 發表於14-2 12:29
如果小朋友出年先入音小，唔好咁快擔心十二年後的DSE，今年DSE成功率高，都代表唔到十二年後都好。最重要學 ...

如果我係那位家長和小朋友，心裡一定很難過。。。