5歲半想學小提琴

Jane1983

我女而家有上緊通利音樂班，另加每週半小時一對一學鋼琴。其實佢以前4歲幾都有學琴，但佢學咗一個月話吾想學，所以停咗。

最近佢突然好迷彈琴，日日主動練習，彈好長時間。佢今日聽到朋友學小提琴，話想學，請問邊度學好？有無地方可以試堂？謝謝。

kirstyau

回覆 Jane1983 的帖子

柏斯小海頓, 不過係親子班,3-6個家庭,8堂1期, 為期2年左右, 據說學完相等2級程度,  我女5歲學, 第1期收盡6個家庭(好多), 不過好彩第2期走左3對(不過係過往開班經實有人走,只要初頭忍下), 現在得返3對, 其實GROUP上堂幾好, 因為1小時, 阿女唔會覺得悶, 有輪住拉, 有時一齊拉, 小朋友好開心自然有興趣學落去,同埋有比較都係一個動力令小朋友去練習! 唔洗怕自己要學, 我自己係咁2拉下,主要聽左D技巧, 樂理可以返屋企教小朋友, 始終5歲都未必老師一講就明!  

Jane1983

回覆 kirstyau 的帖子

謝謝，吾介意班或者親子。
我女初初上通利，我覺得好悶、好似無也用，想cut，但我女話鍾意，所以繼續。而家到Book 3，開始感受到好處。

bebebe12345

5歲半學小提琴是合適的時間、有心好好的找一位單對單....

Jane1983

回覆 bebebe12345 的帖子

現在還在搜集資料，都明白，一對一係最直接有效。
我女無補學術，時間算鬆動，但現時有tom lee yamaha course，有一對一鋼琴，有合唱歌團，加埋小提琴，單是音樂就4樣，佢仲有學運動....驚太耗時間，上小一返全日，佢會辛苦。同埋學樂器，長路漫漫，所以仲諗緊。

lillymarie

學樂器，還要考慮練琴時間，每樣樂器每天練習半小時是很基本的事。
當然，若沒有時間練習，進度漸漸慢下來，興趣自然減少，到時就會自自然然地把不重要沒興趣的活動cut掉。只是學樂器的金錢投資比較大。