啟思媽媽 ! 想你們分享下!

baby.bb61

我B 9月就讀此間 N 班 , 啟思是間 happy school 人地話好淺 , 上小學好難追 , 及好似成日掛住玩咁 。

就此問題, 真的好淺嗎 ?
真的個個都追唔上 (講到屋村學校好過佢咁)

想求証 !  謝謝

shingon

baby.bb61 發表於 14-4-9 15:06
我B 9月就讀此間 N 班 , 啟思是間 happy school 人地話好淺 , 上小學好難追 , 及好似成日掛住玩咁 。

就此 ...

我都想知呢間分校的情況, 但比其他學校淺都唔係最重要, 因為只係可能其他學校教得深.

我反而想知道o的老師流失率大唔大, 因為開放日見o的老師好後生, 好似冇乜經驗, 又唔主動, 到課室玩遊戲時只顧得幾個小朋友, 我地入到去都冇人理, 仲要係入左幾個課室都係咁既情況, 佢一班成三十幾人咁大班, 應該好有經驗同能力去應付咁多小朋友至啱, 我都學校既理念好認同同欣賞, 但都老師既經驗同師資冇乜信心, 冇有用家家長可以講下個實況呢.....

frankietws

我囡讀緊n班，佢返學是開心的，回家都會不停唱學校既歌，講下今日學校玩咩，老師都ok,唯一覺得差既係學校比較細，好似吾夠活動空間

shingon

frankietws 發表於 14-4-13 13:00
我囡讀緊n班，佢返學是開心的，回家都會不停唱學校既歌，講下今日學校玩咩，老師都ok,唯一覺得差既係學校比 ...

其實啟思既校舍感覺上算幾大, 又有兩個遊樂場, 係咪因為收得多學生志覺得迫呢?

請問n班幾多錢學費? 駛唔駛另交茶點費, 書簿費, 勞作費?

lausarah

我囡都係讀緊N, 佢鍾意學校同老師架. 老師流失大唔大我就唔知, 但見老師幾有愛心同都識處理小朋友問題. 不過就真係多人一班, 一班4個老師叫做控制到小朋友. 我幾鍾意佢地每年都有一次表演, TRAIN到小朋友大膽.

xowpooh

我囡而家讀緊低班, d老師好好, 有乜問題呀

小組班有4位老師, 每人大約睇10個都ok, 之後升上去就會變3位老師, 我囡果班有35人, 因為小朋友大咗同熟習咗學校模式, 自然就唔洗咁多老師睇住.

xowpooh

N班的學費已包括茶點費, 但書薄費當然要另外比啦

honeybabypig

回覆 shingon 的帖子

我都有同感，啲老師淨係企埋一邊，唔出聲，又冇自我介紹，淨係比完啲通告我地，就叫我地坐底玩，完全唔知想點，之前我個仔喺等二間啟思轉嚟前好鐘意返學，宜家成日話唔返，唔鐘意宜家啲老師，我感覺啲老師唔係好識tum小朋友，而且我覺得一班要成三個老師，咪即係佢地handle 唔到囉，以前n班都係得2個老師之嘛。睇嚟我真係要幫佢轉校先得啦

fay214

唔係吖！啓思幾好呀！係無咁谷，但我反而覺得適中，我就係唔想仔仔咁谷！
我仔仔由n班到而家高班我都無諗過轉校呀！我嘅心態係幼稚園最緊要開心咋！仔仔而家日日自動波做功課，自己成日唱學校d歌，又唱刷牙歌，希望佢可以keep到將來都係咁啦！本身留左d校服同書，全都無用了，可能留少少書第時自己當圖書講比細仔聽，因為好可惜無學卷，所以細仔亦不會選呢間了！😭😭😭

Lubee

好多家長問好唔好，我都會話好，阿女返左N班3個月好開心，而家佢吔學自律，守規矩，老師有愛心，因為今個星期我見到老師點帶d 2歲小朋友搭校車放學，d姨姨同老師好小心，一個拉實兩個小朋友慢慢行，有講有笑，個情景好得意，令我好安心俾個女返啟思，學習也是比較淺但生活化，例如而家學數字，大細，水果等等，另外我個女兩歲前都返過奧基pre K同playgroup, 全英語學習環境，但係成日喊，返到屋企發脾氣，我本身都好想俾佢繼續讀，但迫都冇用，個個小朋友唔同

catau

請問K1有多少時間用英語和多少時間廣東話？
他們有多少家庭作業？因為我不想有太多。

thank you very much

meisuetje

每星期一份功課
每日一堂英文課，約15-20分鐘，其餘時間廣東話。

sendoh

我小女由n斑到k3 (現在) , 我自己就好喜歡啦,

我只想她有快樂的童年, 妳亦很開心, 趙校監的理念我好buy.

如果大家想知道岩唔岩自己小朋友, 可以聽左簡介會先, 我都係聽左, 先in.

另外佢地都有升小一既安排講座, 一年一次 x'mas 表演, 我就睇得好開心