「必要的沉默」試題被指籲和諧 陳惜姿﹕逼學生認同

chun媽

張潤衡那篇比女兒男友個篇好得多，張寫來情感真摯，又扣題，能清楚道出「必要的沉默」的原因

ANChan59

可以作Creative Writing 般老作！

EASTCOAST

必要的沉默MK版

「今天發生了一件事情，當時我曾經想力陳己見，最後選擇了沉默。我認為沉默是必要的。」
MK版：今天在街邊見有條女high大咗，衣衫不整，我行埋去想扶佢，佢突然攬住我話：你係咪Peter仔！我好掛住你Peter仔！當時我曾經想力陳己見，話俾佢聽「小姐你認錯人，同埋呢個年代唔會有人再叫Peter仔」，但由於俾我瞄到佢嘅事業線真係深不可測，最後我選擇了沉默。我認為沉默是必要的。
由於事出突然，我地嘅歡愉毫無防備，我本來想話去七仔買，但由於醒起銀包已經無晒錢，同埋最近嗰間七仔好似都要去到街口，最後我選擇了沉默。我認為沉默是必要的。
我事後煙食完就走，佢仲以為係嗰個Peter同佢開心。然後有一日我又經過旺角，見到呢條女當街怒摑條仔28巴，條仔跪喺度不斷話「無啊無啊唔係我啊」，條女就大叫「搞大我個肚你唔認數」，條仔俾佢摑到血都標晒出嚟，當時我曾經想力陳己見，但由於我自己條女就喺我隔籬拖實我隻手，最後我選擇了沉默。我認為沉默是必要的。
正當我諗住同條女走之際，一架黑色賓特利加長夢幻版房車駛過，有個司機走咗落嚟，對住MK妹講：「小姐，你返屋企啦，老爺話原諒你啦，仲話廣東道是但俾兩個鋪位你同埋BB個老豆收租喎。」
跪喺度嘅MK仔一個鯉魚反身，大聲話：「一人做事一人當，個BB我有份！我就同你一齊返去見外父啦！」
MK仔MK妹兩個人攬埋一嚿喊餐死，途人影相簇擁歡呼；當時我曾經想力陳己見，但我最後選擇了沉默……如果我唔係之前咁多個環節都沉默，最後我駛乜只能沉默！   

曾志豪

elbar

考中文有如考政治

中學文憑試的中文卷又被說成有政治傾向，連同通識科，這些可以運用中文作答的考科，或被要求申論的題目，通常都可作政治聯想；實際便未必是命題者故意，而是若要中文好，平素就要多關心政治、社會、時事，若時時刻刻都說討厭政治，莫說中文科，就是通識科都難有理想分數。

考中文容易變成考政治，一則因為中文成語多，言簡意賅；比如「必要的沉默」，若為自身前程，便是明哲保身，最好「沉默是金」；但如果要營造社會效應，叫人屈服於強權，便叫「噤若寒蟬」。大前提是，先要承認不平則鳴是社會常態，不平而不能鳴才會惹人聯想。

特區政治上說有商有量，不過扮開明，一旦多人發聲，多人提意見，便又期望有人一錘定音。「必要的沉默」，想當然便是教人不要作聲，特區說的是穩中求變，事事維穩先行，這命題便成了有政治傾向的題目。

但換個角度，比如台灣的「太陽花」學運，學生反服貿，但社會上一樣有人支持服貿，可為了尊重沒有行政權力的學生聲音，所謂誓死保護不同意見的自由，便不會動輒抗議別人的抗議，因為政府已經在做、已經在發聲，民主社會支持政府政策的人反而甚少發聲；這種「必要的沉默」，特區的愛國愛港團體似乎還未學懂。

再說中國歷史源遠流長，說白了就是一部政治鬥爭史，中文隨歷史綿延，適用的就是反映政治情況，要說反映現代科學，便有隔重紗之感，始終不如外文精準，當年的白話文運動，實際是不能再沉默，而是必要的發展。過癮的是科學與民主，中文談科學尚能勉強湊合，要談民主則似乎差得遠。


徐傑昌