k2想插班

edpo

仔仔是大仔，在大埔讀英藝國際班k1，原則上學校讀的是k2課程，但因為我做的是教育工作，所以仔仔的成長環境都比較學術原則上他在學術上的standard已經過晒同班同學，上學期考試已經是全部滿分（有考exam paper），其實從各方人仕中得知，他現時算是在一般名幼中屬於above standard的，近來問題出現了，他覺得在學校學的課程很淺易，也要經常等同學學習（我諗應該係同學程度較參差），上堂也悶（可能是英藝較谷，要坐定學習的時間較多），他有同我講過想學得活啲、深啲…也開始坐不定…
想問下各位家長的意見，我有無需要同佢轉出去九龍某些名幼插班，有無邊啲幼稚園係教得深而又活動教學一啲？定係繼續在大埔讀英藝？但我相信放學後我自己教或番興趣班可滿足到他的要求，其實我有諗過佢將來都應該要讀一些程度較深的小學，只不過無諗到幼稚園已經要諗要唔要轉校，同埋都已經k1尾，轉校會唔會難？請各位有經驗家長指點…thanks

edpo

就係明白，咁應該點？當然我會調節他的心態，home schooling似乎亦要無可避免，就係怕長此下去佢會對番學失去興趣，我開始諗，係咪要搵間活動教學的幼稚園比佢，反而將學術放輕一點

JuliaCKL

我覺得樓主唔好再自己教，因我細個時喺九龍塘讀York, 但因我住屯門返學實在太遠，後尾媽咪幫我轉返屯門讀書（課程淺好多），讀返村校之後因為樣樣嘢都學過已經識，所以令我無心機讀書，從此就5再鍾意讀書！所以我仔而家k1，我無教多佢abc，學校教到咩佢就識到咩，123只識數到20，好肯定喺班入面佢應該係識得最少，但如果為咗佢識快人一步而抹煞佢學習嘅興趣，我覺得好唔值得！我曾經聽過一個講師講佢有3個小朋友，最細嗰個仔係好活躍好動，所以佢從來都無提早教識佢任何嘢，因為怕佢如果識晒所有嘢，上堂時就無心機聽書，會變得更活潑好動！
如果樓主最後都係轉校，可唔可以放棄遇强愈强嘅心態，由得佢學幾多識幾多，等佢愛上喺學校學習

edpo

咁我諗我要講多兩句，其實我無特別教多佢，只係我有部份時間在家補習，佢聽埋聽埋好多，但我不會否認我提供的家庭環境，例如書本，even玩具都較有意義…除了學校考試，原則上我完全唔會同佢睇學校課本…就係怕佢學得多同快，對番學無興趣，但so far其實佢又超愛番學

picture

去一D活動教學，重spoken language, presentation, 冇课本，多group activities 的學校

你個仔core skills 好，可focus on social skills.

小曳人

每個孩子嘅學習能力都唔同，唔係屋企唔去教就解決到問題！
英藝已經係算教得深嘅學校，出面嘅唔會更深！
我當初都係為大仔揀間深d嘅學校，然後同自己講：返學要學嘅唔止係書本上嘅嘢
至於點樣保持學習動機，你係教育工作者，你應該熟過我
但愚見，如果覺得學校悶，唯有教佢要守規矩，聽老師話，學習會群，但屋企多教d課外嘢
我唔知樓主嘅小朋友會唔會好似小兒咁，係資優兒，但係如果佢識哂學校嘅嘢，教佢更深嘅係唯一出路，因為就算你今日停低唔教，佢上到小學都可以識哂覺得悶！

Jane1983

部份學校插班已經截咗，而家好似仲有St Cat或其他可以報。St Cat活動d，英文勁d，但課程吾一定深過英藝，所以插班亦吾一定解決到悶的問題。同埋由大埔出九龍塘亦有d遠。

講到識晒的問題，其實老師教的字，可能小朋友已經識晒，但個題材、討論的內容，小朋友可以dig得好深入，真係無疆界，你可以引導小朋友。

Macylau

原帖由 edpo 於 14-04-07 發表
咁我諗我要講多兩句，其實我無特別教多佢，只係我有部份時間在家補習，佢聽埋聽埋好多，但我不會否認我提供 ...

可吾可以講下你小朋友係中英數方面已經識乜呢？甘可以了解下究竟above average 幾多

Pessuma

回覆 Jane1983 的帖子

Dear Jane1983,

May I know which schools are still accepting K2插班 application?

Thank you.

Regards,
Annie

Jane1983

回覆 Pessuma 的帖子

我知道St Cat4月仲接受申請，因為2年前親戚申請過，其他吾清楚。
最好你列出心儀的，逐間打去問，要快，有d同K1一齊招生，已經截止。

poodlema

去寶山啦！全港最深

bobo101^*^

poodlema 發表於 14-6-23 14:03
去寶山啦！全港最深

你唔係名人, 又唔係有錢人, 寶山都未必SO你!

小曳人

Gary_family 發表於 14-6-22 22:20
樓主，你小朋友咁出類拔萃，不如直接插小一啦！一定sure win! 成為香港第一個未夠5歲8個月就讀小一的小朋友 ...

你攪錯喇响香港，就算你想跳班都好難架！

當然，另一方面要考慮小朋友情意發展

不過，舊時嗰代會好d，我舅父5歲3個月左右入讀小一
我哥哥5歲8個月左右插小一下學期 (調景嶺學校當年跟台灣，同香港學校爭半年，所以一係重讀高班，一係跳半年)

edpo

哈哈，多謝各位嘅厚愛，小兒只係普通小朋友一個，實在不能亦不會做任何跳級出位之事，當日想問下各位高人的意見只係因為作為一個媽媽，永遠想將最好的提供比自己的下一代，講叻…大把人…不過不會是我個仔…唔使煩啦…因為我已找到目標，多謝各位的回覆，thanks a lot

c129hk

可能佢是資優生