小朋友咁樣算亞氏保加or ADHA?

Mmmy

小朋友6歲，智力發展正常，語言能力優秀。但社交技巧就麻麻地，喜歡同大人玩多過同小朋友玩，又易興奮到失控，但唔系好識同小朋友溝通以至系學校冇咩朋友。常常講大人說話，想控制人哋或制定遊戲規則，遭到拒絕會諗得好負面。自己一個人玩時不停自言自語。時間觀念差，做事非常散漫拖拉。要不斷提醒催促。對文字好敏感，記憶力幾好。偏好睇地圖，地鐵線路，通告，對建築物內裏裝置著迷，（例如電梯，洗手間，走火通道，出入口位置）。做事通常不專心極易俾其他事物吸引分心，只有睇書時可以坐定好耐不受影響。排隊時企唔定，冇耐性，做事唔堅持易放棄。情緒易波動唔鐘意人批評亦唔鐘意人誇張地贊佢（大聲，表情誇張都令佢不安）。明白別人的表情，不過唔識應對。常常在自己幻想的情景中玩。有時會有焦慮情緒。性格特別比較難說服。好多疑惑，請各位有經驗的家長多多指教。多謝！

wan_sosin

而家已經唔再叫亞氏,全部叫自閉症普系!

你講嘅情況似自閉多於ADHD!懷疑就帶小朋友去評估,自己點估都無用!

你也可以搵D機構去問下社工先,例如協康,小童群益會之類!

HaYi

May be both,

wan_sosin

ych 發表於 14-4-7 23:49
似是社交障礙的問題。如果是過度活躍之類不可能乖乖坐定定看書。
當然看醫生睇睇乜事最好 ...

都唔一定,始終每個個案唔同!我個仔都可以睇到書!仲好鍾意,如果嗰樣嘢佢有興趣就會做到,只係一路睇書都仍然多多小動作!但如果叫佢學音樂,樂器之類,就即走,因無興趣!

不過一般來講!都係坐唔定睇書多!

jmahk

按情況是亞氏.

擔心或猜測都沒有幫助, 個人經驗:

1. 先跟學校社工溝通, 要求轉介評估, 約等一年或以上。
2. 亞氏並沒有治療的方法，只能通過社交培訓改善。
3. 因此，在等待評估時不要浪費時間，馬上安排校內和校外的社交課程。
4. 協康和明愛都很有經驗，可直接參加有關課程。

gelmask

我個仔又係6歲，情況一樣，連鍾意嘅野都一樣，但健康院要排到明年底先有得見

mango_cafe

我的仔情況如同，都要去找專家評估，你試試找協康會幾好！意見幾中肯

麥兜MaMa

回覆 gelmask 的帖子

找私家醫生直接轉介去評估中心會快d吧

fixedstar99

回覆 jmahk 的帖子

明愛好似冇提供評估服務，只有training服務，係咪？

fixedstar99

回覆 wan_sosin 的帖子

請問小童群益會做ADHD或者自閉評估OK嗎？

wan_sosin

fixedstar99 發表於 14-7-18 23:41
回覆 wan_sosin 的帖子

請問小童群益會做ADHD或者自閉評估OK嗎？

無問題,因為醫生/心理學家做,佢哋有專業資格.報告攞去政府都會接受,當然你可問清楚幫你評估的是什麼資格.咁你可以肯定D.

樂恩媽

在外做評估,例如協康之類,報告只作參巧,如果想在校內享有政府支援及社工跟進,一定要在政府指定中心做。這是規舉,兩邊排住先,因好多人排隊做評估。

政府方面,可在學童保健檢查時,要求見醫生再轉介。