升中人口跌 沙田成重災區

elbar

　　(星島日報報道)升中適齡人口連年下跌，教育局公布本學年各區小學及中學人口分布，本報比較本學年的小六及中一人數，推算沙田、西貢、東區及屯門四區是今年升中人口下跌重災區；其中以沙田區情況最驚人，不計國際學校學生人數，本學年小六生僅四千一百人，比中一生少逾一千五百人。

　　當局遞交的相關立法會文件顯示，本學年各區小學及中學人口分布，隨升中適齡人口續跌，本報比較今學年的小六及中一人數，推算出沙田、西貢、東區及屯門為升中人口下跌重災區。

　　當中以沙田區情況最驚人，不計國際學校學生人數，本學年約有五千七百名中一生，但小六生僅四千一百人，「蒸發」逾一千五百人﹔其次是西貢區，本學年小六生亦比中一生減少近八百六十人。東區及屯門的差額均各達約八百人。數據雖未計算跨境學生人數，但觀乎四區的差額，料中一學額供多於求仍然嚴峻。

　　津貼中學議會主席林日豐擔心，若減派力度依舊，單憑區內學校就留班位專額專用的「君子協定」，難以紓緩人口跌勢的影響，「君子協定只能減少學生放榜後的流動性，而非減少剩餘學額。

木子

他區可去沙田區叩門嗎? 記得今年沙田的英中學額好似無咁多哦

loklok0104

如本身九龍城區，甲部跨區去沙田，機會會否相對高D

f6f

我地西貢區雖然小了升中生, 但可選比較好的B1英中學就不太多......

fatman69

沙田是「強區」，越區報讀可能「跌band」，最後都入吾到。

Phoebenana

沙田多位，對B3類的學校真係惡運，但係好的的個幾間，一樣十幾個人爭一個位。

fatman69

為防入讀Band3中學，要實行「不選不讀」策略，入到都要走。

ohnono

「世間本無新鮮事，誰教家長瘋和痴」。沙田、西貢將軍澳、東區和屯門都已重災左幾年，已經不是新鮮事物。特別是沙田，上年明明已經是重災區，點知最後又個個都話沙田係重災區，不過此災不同彼災，係有band 1同學派唔到band 1學校。

所以，沙田區的家長係開心之餘，搏還搏(，既然形勢咁有利，估計搏的心態會高漲)，都應制定一些策略，不是要將所有最好的放在前面，以免拖累了前面第二、三志願的派位機會，亦不要太快填上band 2學校，以免過早自動投降！

Horsebbj

上年有人話沙田多band 1位， 所以好多人轉左入去抽， 搞到本身住這區的卻抽得很差， 小心。

fatman69

一日都係B3校累事，成日要cut  B1位， 等佢地收到人，等佢地有飯開。
9成人派到首三志願其實不算高，99%就差不多。

MMMom

新聞內容講今年中一生數據只不包括國際學校，如是，這數據應包括直資中學中一生。 請各位指點想法是否正确。

ohnono

我地上年在EK，沙田區都已經係講緊4千四百多人，今年都係比上年少大約300人左右，唔好以為突然少好多人。始終預計唔到轉區入和出沙田的的人數，又估計唔到自行有幾多跨出跨入的人數，都係小心駛得萬年船。

jcctiu

希望沙田區可以全區所有中學撥2-4個位給附近中學少的區如荃灣區,做到一家便宜兩家著.

porporlam

即係如果在沙田區大抽獎唔滿意!  咪可以有機會叩門?
請問有冇人知上ㄧ年叩門機率?

Thanks.

1314mama

原帖由 porporlam 於 14-04-04 發表
即係如果在沙田區大抽獎唔滿意!  咪可以有機會叩門?
請問有冇人知上ㄧ年叩門機率?

叩門應該都會有。只不過未必開放給本區，而且數量一定唔多。

freeman108

回覆 elbar 的帖子

以後沙田Band1生比較著數