我是怪獸家長嗎?

happypigz

本人細仔現在2歲3個月, 0係佢一歲多時已發覺佢唔多講野, 連BB話都好少
因為有個一大仔 (可幸大仔一切正常), 所以對比下覺得細仔有D唔妥,
一歲半返健康院時, 姑娘都話佢講野太少, 叫我多D同佢講野
佢岩岩返n班, 老師都留意到佢唔講野
之後我再問私家醫生, 佢比左封referral letter 我去大口環度排期
見完醫生, 醫生話佢言語delay左9個月至一年, 依家程度只有約一歲
醫生同社工幫我地排 i , 但係唔知排到何年何月..

我之後就上網/ 問朋友羅d 資料諗住幫佢搵私家 st...
點知我老公就話我係怪獸家長, 話洗乜搵st 丫...咪排緊個 i 囉
佢意思即係排緊 I 咁就可以q 埋雙手乜都唔做喇...
又話大大下就識講野架啦...一副世事都比佢看透哂既咀臉
又話上一堂st 要成7xx 咁貴話冇錢 (但其實我地經濟都暫時可以afford 到)

想問下各位, 究竟係咪真係大大下就會好?
即係只係依家慢過人, 就算乜都唔做都好, 始終有一日都會catch up到?
係我怪獸定係佢怪獸?
我日日都好擔心, 我驚我再咁樣同佢掙持落去, 會dum 耐左佢接受治療既時間, 害左個仔..

winwinwan1121

想帮佢既话係要洗錢搵語言治療，唔可以只等政府服務，同你先生傾傾啦，我老公初時都唔贊成洗錢，最終都要向現實低頭.

alexcmlam

happypigz 發表於 14-4-1 19:52
本人細仔現在2歲3個月, 0係佢一歲多時已發覺佢唔多講野, 連BB話都好少
因為有個一大仔 (可幸大仔一切正常), ...

按着你所分享, 既然健康院嘅姑娘, n班嘅老師, 私家醫生, 大口環嘅醫生, 4位係前線常常接觸不同小朋支嘅專業人士, 都有類似嘅睇法 --- 唔講嘢, 少講嘢, 言語delay, 綜合佢哋嘅意見總比老公嘅個人睇法有說服力一點. 如果能力負擔得到, 不妨考慮盡快開始做言語治療, 一路做, 一路再睇睇小朋友嘅言語發展成長嘅程度. 最好搵富經驗, 有愛心嘅治療師, 而呢位治療師會係每堂都會教父母點樣平時係屋企訓練小朋友講嘢, 咁樣就會事半功倍, 中長期嚟講因為治療果效大慳到錢.

LongMom

我細仔兩歲時都未講嘢, 即排政府,亦帶咗佢上私人ST, 個治療師上咗幾個月同我地講阿仔係overall delay, 叫我地帶佢上特殊訓練, 兩歲半開始上 (自費), 等到三歲半先排到政府資助, 所以唔好等政府. 你先帶佢去做ST評估, 因為就算自費都未必即刻有位.

midcocc

回覆 happypigz 的帖子

怪唔怪獸都不緊要，最重要是幫到小朋友。

cecilau

回覆 happypigz 的帖子

和爸爸一起去做評估, 等佢知道個嚴重性.

hktwun

不是怪獸家長，只是愛自己個仔。不要錯過 "黃金治療期"。

"大大下就識講野架啦"，如果咁易，我個仔就唔駛咁大個 (小六) 仲要做 "言語治療"。

crystal媽咪

不怪獸, 有哥哥理論上應該比獨生子多D語言刺激.
慢左都唔緊要,但唔可以只等I,咩都唔做.
I位隨時等1年半至有位.
如果先生唔想上ST, 你找D社交班 / ST 小組班.
價錢平D又可以有互動.

一定要及早訓練.

悠悠110409

回覆 happypigz 的帖子

....

ChattyST

你都可以搵NGO 啲減免計劃, 例如: 明愛, 聖雅各樂寧,
平到幾十蚊一堂, 到時唔駛怕屋企人嫌貴!

而且你可以問下社工, 你是否合乎資格申請關愛基金的學前訓練, 如果合資格, 係免費做訓練直至有I /S/ E位!

yamadalei

分享下﹔
我對仔仔好幸運，幾個月就排到協康既堂．
雖然申請大半免資助，但對我家一家七口，兩人工作七人食飯來講，都係好重既負擔，唔知捱到幾耐．
想當初我對仔仔去interview幼稚園ｎ班，一被陌生人竇就喊，無間收．大仔第一次去協康都喊，但老師真係好利害，可以用唔同方法ＤＲＡＷ到佢注意力，漸漸聽話．
而加我用老師既溝通方式，講話既語調同語氣，教我仔玩玩具時都一樣湊效．
我認為你既小兒子或許需要比大兒子多一點的引導，揾到好既ＳＴ幫手，事半功倍．
我對仔每星期輪流上堂，上左兩個半月到（各５堂到），好似忽然開左竅咁．我覺得佢地從老師既細心教導中學會左如何去學習．我也從老師既教導中學會左教佢地既秘笈．
咁樣令我地平時溝通都事半功倍，你真係要試下．

HaYi

對呵, 我個有另一種SEN, 我好細個(比老師發現早)已帶去做評估, 之後至小學嚴重左看醫生, 老公因冇咩參與過, 一係以為我太緊張, 大些或自己會教好, 一係說教不好是我的問題之類... 直至看了我先己安排佢醫生食了藥, 小朋友正常左, 老公先較同意應該早有此安排.  

yanyan~~

唔認個d先係怪獸 連面對既勇氣都無