囝囝校內操行差, 令我們不知怎麼處理好.... 求各位意見~

mymelody2003

囝囝成績keep住頭10名, 但他在校內既操行差, 上課時有時離開坐位, 取笑同學答唔到問題, 同埋幾位同學排斥一位同學, 前天班主任打電話告訴我們, 幾科老師同時有這評語, 如果他再不改善, 操行將會評C

唉   升五年級時, 已經告訴他操行差, 6年級選校時很難有學校收的, 點知呢個情況真係出現, 有經驗既家長們可否教我點處理好?
需要囝囝跟老師請求多次機會並且承諾以後會改善, 可行嗎? 但這樣可能傷到囝囝既自專心.....

Yanamami

呢個情況只喺今年先出現？之前有無老師投訴過？P1/2時教易教過而家禁大個~~有無同他傾過老師的評語？他自己有乜睇法？操行C，幾o力睇怕都難有學校收，真要好好同他商量一下了。

同自尊心有乜關係呢？有錯就要認，要改啊！

cmir

自專心還是升中重要?
再者, 他的行為確實需要改善。
跟老師請求多次機會並且承諾以後會改善可行, 最少老師會看到他的誠意。

kp_sin2001

第一, 自行管教自己孩子改善地方, 已小五年級, , 絶對要對自己行為負責任, 家長要嚴厲實行, 第二, 向老師承諾也係需要, 比老師良好感覺, 不要驚傷害自專心, 錯係要認, 相反, 取笑或排斥同學又不傷另一D小朋友自專心咩...

王家爸爸

好多好少少 ge 學校，自行收生階段都要操行B等或以上。

mymelody2003

謝謝各位回應

其實由四年級, 那時既班主任已經告訴我們同樣情況, 所以呢2年已經特別叮囑囝囝的言行, 無奈他至今作然未能改善

其實我也認為囝囝應該為自己既行為負責, 所以我也認為他應該向老師承諾會改善, 但問題係各科老師合共有5位老師, 老公話要囝囝續一跟他們說會傷到他自專心, 所以我才請教各位

loveDD

mymelody2003 發表於 14-3-26 16:49
謝謝各位回應

其實由四年級, 那時既班主任已經告訴我們同樣情況, 所以呢2年已經特別叮囑囝囝的 ...

同意上面講，" 做錯野講對不住 = 傷自尊 " 依個觀念真係要改，遲早累死個仔!

kp_sin2001

回覆 mymelody2003 的帖子

同班主任講已OK, 但真係要有用心改才好向老師承諾, 否則會比唔講重好...加油!

mymelody2003

loveDD 發表於 14-3-26 17:00
同意上面講，" 做錯野講對不住 = 傷自尊 " 依個觀念真係要改，遲早累死個仔! ...

首先謝謝你既回應.

由於他已經5年級, 開始有個人既想法, 做家長既只為了找一個合適 及 令到囝囝甘心去改既方法去解決事件.

現今小朋友思想比我們所想的成熟, 尤其有些小學生做出自殺行為....因為家長唔了解自己, 所以 "遲早累死個仔" 為免太嚴重了!

只要過程中得到他信任, 未來他可能會改好呢!

mymelody2003

kp_sin2001 發表於 14-3-26 17:03
回覆 mymelody2003 的帖子

同班主任講已OK, 但真係要有用心改才好向老師承諾, 否則會比唔講重好...加油!

謝謝你的回應及意見


問題係, 班主任話 各科老師未必肯再給予他機會, 所以班主任話再沒有改善, 他想幫也幫不了....

所以我諗緊需向各科老師講, 或是只需向班主任說.

loveDD

mymelody2003 發表於 14-3-26 17:10
首先謝謝你既回應.

由於他已經5年級, 開始有個人既想法, 做家長既只為了找一個合適 及 令到囝囝甘心去改 ...

我同意你講，要向小朋友講出佢有咩做錯同點去彌補，依個係做父母嘅責任。而至於我地建議你要小朋友道歉亦都唔係要你迫佢，你迫佢講但佢唔知錯有咩用，同就咁打佢有咩分別?!  希望你明白，"道歉"只是係最基本要做嘅補求方法，你道歉唔代表人地要原諒你，所以及後就要佢去改，去向人地證明小朋友係真心知錯!  依個唔係單單 為左佢可以順利升中，更加係教導佢日後做人嘅原則，做男人有咩輸唔起!  最後我想話唔係想講你做錯，大家(包括我)都學緊，想努力去做好父母依個角色，我只是分享下我自己嘅意見，希望你明白。

loveDD

或者咁，我有另一個建議，可否要求老師幫助，搵個時間，要求幾個人一起，包括被排斥的那一位同學，正所謂"解鈴還須繫鈴人"，叫他向你囝囝說出佢嘅感受，希望你小朋友能夠明白及體會他人嘅感受，到時大家一起睇下傾下有咩方法去解決問題!

王家爸爸

loveDD 發表於 14-3-26 17:35
或者咁，我有另一個建議，可否要求老師幫助，搵個時間，要求幾個人一起，包括被排斥的那一位同學，正所謂" ...

Effort 好大的窩！有幾多個老師肯制？

mymelody2003

loveDD 發表於 14-3-26 17:35
或者咁，我有另一個建議，可否要求老師幫助，搵個時間，要求幾個人一起，包括被排斥的那一位同學，正所謂" ...

謝謝你的建議.

其實在我們既小學生活中, 哪一個未曾經被排斥過?
囝囝做這行為是很錯的, 但同樣可能他也經歷過被排斥, 所以又做出同樣行為;

或者, 首要的是他真心地向老師認錯, 並且再跟老師了解來龍去脈, 然後才決定任處理.
我只想公平地去處理, 就算錯都要去面對, 這才是往後他做人處事的態度.

只是老公想法跟我不一致....

CALVEN

問下你仔既想法同打算先決定


但同時令5位老師都大反應,真係要好好管教,品格比成績更重要.

Yanamami

如果仔係真心觉得自己做得唔啱，亦明白点解老師(仲要係五个之多)要扣操行分，禁去認錯並承諾改善，並不会影响自尊心，因佢係真心悔改。影响自尊心係佢並不服氣被逼去道歉吧!

sharrey

除了跟老師了解情況外，可有由囝囝自己跟你，講述一次實況？

在囝囝講時，佢或者會同你講果個同學好蠢，所以笑個同學同唔同佢做朋友。此時，先不要教訓佢，只要重覆佢的說話：你覺得個同學唔識答老師問題係好蠢，所以你唔想同呢個同學做朋友喎！如果佢答你：係呀！你只要回應：哦！

之後，就問佢一題比較深但又是佢程度的題目。當佢反覆答幾次都答唔到，你可以先讚賞佢願意嘗試，跟著反問佢，佢都唔識咁佢係咪都蠢？之後讓佢知道每人都會有野唔識，所以大家要返學同學習，明白被人取笑的感覺並不好受。再請佢向班主任，甚至受害同學道歉及承諾不會再犯。讓佢知道面對自己的人才是個勇敢的孩子。

atirw

Brilliant method

evil

請問樓主孩子是否獨生子？平日誰湊他？
平時有丙/打他嗎？
雖然我不知道是否正確，但我真是會丙佢獲甘，我甚至叫佢退學，留在家中，不要去學嘢。