請比些意見

lukemom

我分享下, 我大仔小一, 細女k1, 我係working mama, 工人完約就冇請, 一來工人不太好, 二來多數都係自己照顧小朋友

但我條件係
1. 我公司同屋企好近, lunch回家整定晚飯
2. 女返全日, 在我公司同屋企中間條街, 女主要跟我返工, 跟我放工(因可六點才湊)
3. 仔學校都在屋企付近, 老公返工前湊返學, 放學坐校車到補習社, 補習社有EE湊回補習社, 5:30放工我會去湊女後再湊仔回家
4. 回家各自負責自己執野(書包, 校服, 沖涼, 做功課之類)
5. 我公司亞姐不錯, 有咩事都比我走, 有時遲返早走都OK
6. 平杲早放活動, 有時會請半日假同佢玩下, 如長假期我都會請假! 暑假好D, 有6299幫手~
7. 家務就同C6分工啦, 我煮飯, 洗廁所, C6洗碗, 抺地, 晒衫就叫2小朋友幫手

Overall, 係辛苦D, 但冇左工人姐姐, 2小朋友主動幫手做小家務eg. 放廁紙入櫃, 放egg入雪櫃, 派快子等...

Mayle

真的佩服！！

PandaTam123

謝謝各位意見!
就係因為現在個工人姐姐做左六年, 越來越不像樣, 她時常在房自己玩電話睇報紙, 有時在我和老公回來佢都照樣做, 即頭當你無到, 話佢咪黑你幾日面, 所以用埋十月就會唔再用佢, 另請一個成本又高, 又擔心佢地現在唔至在做, hea住咁, 所以就諗住囡囡去補習寄託可唔可行.
小一時已問過囡囡鍾唔鍾意去補習社做功課, 當時佢都拒絕, 我跟她說如在我放工回來前唔做好功課, 就要落去補習社, 所以到現在小二, 囡囡都會完成哂識既功課, 前排又再試探囡囡口風, 她都話唔想要姐姐, 還會幫手分擔家務, 但她又不太想去託管中心, 我估是無左佢私人時間啩!
我會再好好考慮利同幣, 再次謝謝各位給予我意見!

PandaTam123

lukemom 發表於 14-3-26 14:46
我分享下, 我大仔小一, 細女k1, 我係working mama, 工人完約就冇請, 一來工人不太好, 二來多數都係自己照顧 ...

lukemom, 我想形式既同你做既一致, 我都諗如學校放半日, 或特別假期放假, 我和老公都請日假同女去下玩, 如真是個排忙請不到假, 囡囡就去託管一日.
想問下你囡囡k1返全日都六點才去湊她, 她有無唔開心?

lukemom

PandaTam123 發表於 14-3-26 15:39
lukemom, 我想形式既同你做既一致, 我都諗如學校放半日, 或特別假期放假, 我和老公都請日假同女去下玩, 如 ...

我女又無唔開心, 因都幾多小朋友都咁上下時間走! 有D仲可會食埋晚飯先走, 但我就唔會, 覺得好慘咁!

PandaTam123

lukemom 發表於 14-3-26 15:42
我女又無唔開心, 因都幾多小朋友都咁上下時間走! 有D仲可會食埋晚飯先走, 但我就唔會, 覺得好慘咁!

我上兩星期都去參觀過間託管中心, 因為是非牟利團體開辦, 所以都有紀律, 佢地放學上到去會分開課室每班級做功課, 有導師跟進教導功課, 完成功課溫習後, 他們會去多元智能室活動, 入面有棋類, 玩具等給他們玩, 我見個個都好開心玩住等父母來接.

babychin

非常同意little yolky的意見

lukemom

PandaTam123 發表於 14-3-26 15:52
我上兩星期都去參觀過間託管中心, 因為是非牟利團體開辦, 所以都有紀律, 佢地放學上到去會分開課室每班級 ...

你可以放學時間去睇下, 同埋留意定仲有冇其他補習社,

其實兩三小時好快過, 真係做功課溫下書, 時間差唔多我會叫仔係補習社做埋公文之類既功課, 有時我又會比D練習佢做, 我同仔講係補習社做晒所有野, 回來就可以全玩~ 佢都好合作~

lukemom

有工人姐姐時, 仔回家時好多時唔識做, 打電話黎問, 有時又唔知佢講咩, 等我回來時做, side左好多時間, 以家去補習社, 起埋有人guide住佢做, 但我都怕話補習社會比答案佢, 所以我自己都會再比練習佢, 回來我睇下佢係咪真係識, 唯有自己跟緊D~

lukemom

當然做ftm最好, 自己照顧晒, 但現今社會, 唔係個個家庭可以囉!
OR
請到個好好既工人 (但我之前果個, 我只覺我無犯法, 唔係獨留小孩在家中囉)

另以家請工人既成本下下過萬, 黎到又唔知好唔好, 以家習慣左都唔係唔可行, 暫時都頂到, 如果家務真係辛苦, 我會請鐘點~

藍藍媽

原帖由 PandaTam123 於 14-03-26 發表
本帖最後由 PandaTam123 於 14-3-26 15:32 編輯

謝謝各位意見!

而家做父母真比以前難，想當年，我小三已自己放學返屋企，自己响雪櫃攞餸放入電飯㷛煮熟，自己食飯、做功課、温書、睇430 穿梭機…… 而家，咁樣做叫虐兒……

little_yolky

藍藍媽 發表於 14-3-28 13:28
而家做父母真比以前難，想當年，我小三已自己放學返屋企，自己响雪櫃攞餸放入電飯㷛煮熟，自己食飯、做功課 ...

依家我教工人姐姐用電飯煲蒸熟啲餸, 都教咗幾個月啦, 何況小朋友。
其實外國人係唔係唔用電飯煲蒸餸?

PandaTam123

藍藍媽 發表於 14-3-28 13:28
而家做父母真比以前難，想當年，我小三已自己放學返屋企，自己响雪櫃攞餸放入電飯㷛煮熟，自己食飯、做功課 ...

兒時我都係一樣, 個時父母又好放心我地一個人回來, 自己開火煮食, 細個回到家仲要拖地掃地煲水, 記得小三四時攞住個大熱水煲倒熱水落暖壺度,  個暖壺放係洗手盆仲高過我自己少少, 當時又唔識驚會整親喎.

洋蔥頭媽咪

原帖由 PandaTam123 於 14-03-25 發表
囡囡來緊升小三, 工人姐姐會在十月約滿回鄉, 現在諗緊仲要吾要請工人姐姐. 有兩個方案想請教下各位, 會有那 ...

我囝小三開始就係放學後去託管，细時嫲嫲湊，後期請 EE，又貴又唔掂，仲要隨時放你飛機，幸好终於揾倒托管，其實小三年纪係最好，最易適應。
我囝都係放學校車到附近，會有人接佢，休息一陣食d野4點開始分组做功課，唔識有導師教，默書都會幫手，做完功課亦有集體活動，有晒規律，我地都係七點前接佢，返到家基本佢自己沖涼收拾書包同食完飯就自己時間，睇電視、玩i.pad、玩玩具、睇圖書乜都得，不知幾好。好處係有規律、唔識又有人教，又有人陪玩、有群體生活，就算復活節、聖誕節、暑假都有活動，亦優先收佢地唔駛周圍揾，其實唔駛擔心小朋友返全日好惨，佢地活動係有晒時間表，比起小朋友留响屋企只對住工人其實仲好。而且日後高小有時多功課，如果等我地返去先教夜晚真係冇晒時間，所以我覺得而家好好，我囝都好鍾意，而家有時仲會做義工添。

brabra

回覆 PandaTam123 的帖子

囡囡年紀太細, 放補習社會有些不安全, 怕有色摩.
都係請返個工人好D.

yamyau

我都類似你Case不過囡囡小五, 所以我選擇了第一，因為小五確實要參加功課班/補習班, 托管班又有接放學服務，加上好工人越來越難求, 介紹費亦倍增。

姐姐回鄉差不多一年，現在我們才適應，因為時間太長(朝6:30晚6:30)囡囡好辛苦，起初還有點擴拒，而大人就要將家務迫於晚上兩個小時內要完成，不單止煮飯洗碗咁簡單, 還有洗衫熨衫, 吸塵抹地, 假日洗廚房廁所，換床單毛巾洗窗簾....................等等
溫馨提示 - 大家都用了工人咁多年需要時間來適應
雖然容易請假，假日又有全日托管(全日做練習?日日食賣飯盒?)
但囡囡小三仲係蜜月期
開心多兩年先啦

PandaTam123

洋蔥頭媽咪 發表於 14-3-28 18:52
我囝小三開始就係放學後去託管，细時嫲嫲湊，後期請 EE，又貴又唔掂，仲要隨時放你飛機，幸好终於揾倒托管 ...

hi, 你囝囝個間託管形式同我諗住找個間一模一樣, 你個間係咪在葵涌石梨麥理x中心?

PandaTam123

回覆 yamyau 的帖子

yamyau, 多謝你給我意見!
現階段還是諗緊, 最遲可以考慮到暑假前才決定.
我在想小三功課未去到好深, 可以慢慢適應放學後託管, 到小五開始準備呈分, 到時先轉變可能會更難適應, 因為一來功課會更加多, 小朋友家長都開始有壓力, 二來又要轉變放學後託管地方.
至於家務方面, 煮飯洗碗算是我強項, 問題應該不大, 掃地拖地就要訓練囡囡去幫手, 清潔方面, 諗住到時會星期六或日安排鐘點上來.
其實最緊要是以囡囡方面著想.

洋蔥頭媽咪

原帖由 PandaTam123 於 14-03-31 發表
hi, 你囝囝個間託管形式同我諗住找個間一模一樣, 你個間係咪在葵涌石梨麥理x中心? ...

唔係呀，我係沙田區，不過託管對在職家長真係有好多好處，唔好諗到小朋友好似冇人理，好惨先，其實就算全日託，每日都有不同活動比小朋友參與，户外户内都有，假期託管有晒作息時間表，做功課，玩樂都好有規律，比起小朋友對住工人，或者放响人地屋企，其實託管有優勝之處，當然你要小心揀選，學業亦唔能夠太倚賴佢地，功課學業家長都要自己跟進。唯一係興趣班或補習就要安排响周六，小朋友習慣左查實就冇乜問題，假期我有時叫呀仔返嫲嫲度佢都唔想，因返中心有野玩開心好多。
如果你想小朋友容易適應，就唔好比錯覺小朋友去呢度好惨，冇人理，又或者太負面，成績唔好先要託管…… 小朋友就容易適應。

PandaTam123

回覆 洋蔥頭媽咪 的帖子

洋蔥頭媽咪, 謝謝你的意見!