自家學習 - Home Schooling

猪猪侠

太好了,原來香港可以申請 Home Schooling.  2014-02-23 鏗鏘集:
http://podcast.rthk.hk/podcast/item_epi.php?pid=244&lang=zh-CN&id=38749

今天的父母,不少都希望子女贏在起跑線;而家長KAREN CHOW選擇了自己一套的教養方法,就是實行”在家自學”,曾經是小學教師的KAREN, 為了七歲及兩歲的女兒,轉為全職媽媽,她寧可花時間為女兒安排適合的學習內容,多接觸社會,而選擇讓小朋友在家自學,認為可以容許有更多彈性和空間,使女兒保持對事物的興趣和願意學習的態度,她並不急於小孩贏在起跑線,只望他們不要”輸在終點線前”,到底本地家庭選擇”在家自學”的過程和實施情況是怎樣呢?

另一位家長余貝茵,自認曾是 ”虎媽”,過去為兒子的學習,編排得密密麻麻,但效果並不理想,後來,她不停從各類教育理論中探索,認為小朋友的身心靈發展在不同年齡有不同需要,不可操之過急,亦嘗試探索”在家自學”的可行性,希望可以自行訂定小朋友的學習模式及進度,給兒子一個快樂童年.

編導:李君萍

神婆小茜

好想睇返你條link呀！可唔可以post多一次果集呀！謝謝樓主

hkpapa852

猪猪侠 發表於 14-3-4 13:44
太好了,原來香港可以申請 Home Schooling.  2014-02-23 鏗鏘集:
http://podcast.rthk.hk/podcast/item_epi ...

呢集我都有睇, 其實Home Schooling並唔係一件易事, 至少要:

1. 有一個全職媽媽或爸爸
2. 要認真的為子女編排自學教材

還有一些節目中只輕輕帶過的事情:

1. 要諗辦法解決沒有學校生活的缺失:
    - 如沒有同學之類的朋輩 (雖然節目中說類似的家庭會相約一起交流來補償, 但這和學校生活是不同的)
    - 對老師/學校缺乏一個其在觀念
    - 學校中所"訓練"出來的自理能力, 和同學之間的互動, 和一個學生應盡的責任感

2. 家長和小朋友如何應對外間的奇異眼光

其實我係覺得Home Schooling(自學)呢樣野唔係一個去解決香港現有教育制度的問題既方法.

以下係一D節目完全沒有提到的個人觀點, 認為自學係有所缺失:

1. 到底家中自學到那一地步? 節目中其一個有錢家庭帶著2個女兒坐住遊艇遊歷多個月話可以自學更多, 所以到現在中學還在自學; 但現實是他們想目後子女怎樣? 不知道 (因為節目冇講)

有錢人, 因為自己有錢, 對子女要求不太高, 唔想子女咁辛苦, 自學冇問題. 就算香港教育唔配合, 外國梗有一處可以配合; 普通人又如何呢? 就算自學完小學, 中學還自學嗎? 但中學的程度一般家長有能力自教嗎?
就算有能力, 咁會唔會諗讀番香港D大學, 如果會, 咁可以點考? (恕我見識淺, 我想像唔到點樣可以自己教個小朋友由細到大一路唔洗番學而又入到大學)

如果中途退出學完後, 又如何回到現實, 重新投入番香港呢個教育制度呢?


2. 仲有, 大家諗下, 自己身邊最好的朋友, 是那裡和那時認識的, 就知道自學可能會為子女日後帶來的缺失

easybring

學校裡遇到的人和事也對成長有作用.  人是群體生活.  各人看法不同.

virgokaren

我睇過本叫:我的孩子學的不一樣
Home schooling 要符合好多條件教署至批的

hkparent

原帖由 hkpapa852 於 14-03-04 發表
呢集我都有睇, 其實Home Schooling並唔係一件易事, 至少要:

1. 有一個全職媽媽或爸爸

The best arrangement can be going to school half day and home schooling in the afternoon and evening. The children can still sit public exams to gain entrance to university. In the old days the kings, princes and noble families were also 'home schooled'.

elbar

神婆小茜 發表於 14-3-4 14:32
好想睇返你條link呀！可唔可以post多一次果集呀！謝謝樓主

自家學習（鏗鏘集）

Winnietao

家長本身要有一定既學歷, 經濟上無問題 (要有錢), 因為自己要買唔少教材去教小朋友

kitmantsoi

原帖由 hkpapa852 於 14-03-04 發表
呢集我都有睇, 其實Home Schooling並唔係一件易事, 至少要:

1. 有一個全職媽媽或爸爸

坐帆船遊歷既家庭，之前聽過d訪問，父母係用美國home school 教材，另外每去一個國家會係個國家短暫停留上課。
至於上大學，我估自學完考公開試，成績達標咪ok.

miutang

有錢，有後路，隨時可離開香港的便可以考慮。如果冇能力外國讀大學，邊個有咁既勇氣？

hkpapa852

回覆 kitmantsoi 的帖子

自學考公開試...... 講真, 我唔覺得係依家自學(又唔參加香港D求分數補習社)可以係可考到DSE囉
如果IB, 我真係唔知唔係IB school番學, 有冇人俾去考

都係果句, 如果只係一心到最後都係諗住出國升學, 就唔好俾一D唔正確既訊息人, 以為係香港自學真係work

virgokaren

原帖由 kitmantsoi 於 14-03-09 發表
坐帆船遊歷既家庭，之前聽過d訪問，父母係用美國home school 教材，另外每去一個國家會係個國家短暫停留上 ...

果個家庭，父親本身係退休老師，母親是記者。父母都有一定程度的學歷，耐性和堅持至得。
外國人的教育方法和我們不同，且外國有Ｄ人住係超级偏遠的地方，想吾 home school 都吾得！所以佢地有呢Ｄ教材。

gisoleung

要好有錢先得囉⋯⋯！

sissysze

有錢人的玩意  

HaYi

我覺得homeschooling 在香港只可以算補習類, 在學制之外加強學習無坊, 因現實的問題好多, 就算家長本身有教育的學位, 自訂或引入的課程是否同主流本地課程銜接, 可以考本地或國際的公開試嗎? 如缺乏公開試的成績, 是否就此打算脫離主流學制? 好多現實的問題.

小朋友冇同學亦都是一個影響社交的大問題. 試想連2歲BB我們都希望他們去playgroup,nursery 結識朋友, 如一個大小小的小朋友冇社交的需要 ? Homeschool 的度身訂造教法可能培養出一位學術天才, 但總有點唯我獨尊的意味, 成長後的待人處事方式同有冇團隊精神?  我有點懷疑.  

Isaacmommy

我覺得幼稚園階段 home school 係可以的，效果可以幾好添，但小學就好有難度了。

jadeklleung

美國的home school一般有強大的社區網絡（如教會）支援，教材和政府支援也很成熟。台灣的亦有umbrella school去提供行政、硬件（如實驗室）和家長平台互相支援。除了兄弟姊妺的相處，社交方面可以透過umbrella school/教會，做集體活動、社區服務，研究指home school學生的自信、快樂、社交能力都不弱甚至優於學校學生，很出奇吧！其中一個原因是免疫於校園常見的欺凌，其他都不太記得了。而且，家長自備教材，更身兼老師一角，即使全職也是對體力、自律要求極高，肯定辛苦過雙職。升學的話只有考到公開試先會被承認，即係搞到讀大學，committment甚大。唔太浪漫的話，香港home school未成氣候，至少我自問做唔到。

helenli

父親不是退休教師，是退休警司，兩個女遊船教學後曾入讀本港國際學校和主流中學，但最後恢復 home schooling, 媽媽真係好叻，學習，運動，社交都平衡得好，財力資源外還要有心，這點更難得。