發音不準

Chingwoo

我囡4歲, 講嘢有紋有路但發音唔準, 剛健康院醫生寫字排見沙田瀝源健康院的言語治療師, 我想問有無媽媽知嗰度係再評估等排期定已當排期去上堂 ? 咁同沙田尤德夫人嗰度又有乜唔同, 我仲要唔要排期 ? 另外, 有無私人可以介紹下, 我怕排太耐, 我都要搵定私人訓練住先

謝謝 !

alexcmlam

Chingwoo 發表於 14-2-24 16:46
我囡4歲, 講嘢有紋有路但發音唔準, 剛健康院醫生寫字排見沙田瀝源健康院的言語治療師, 我想問有無媽媽知嗰 ...

你提及嘅瀝源母嬰健康院及沙田尤德夫人兒童體能智力測驗中心(CAC)都係政府衛生署屬下部門, 多數嘅安排會是母嬰健康院護士/醫生懷疑小朋友有言語問題, 跟著轉介俾CAC嘅言語治療師作言語評估, 之後有需要言語治療師會再作跟進治療. 至於, 你提及嘅下一次會係瀝源母嬰健康院見言語治療師, 可能係內部調配人手, 應該不會影響小朋友嘅言語評估.




如果會好快第一次見言語治療師, 不妨可以先見咗言語治療師先, 睇吓評估如何, 同埋隨後嘅跟進治療頻密次數(因為排隊長, 有機會唔會太密). 如果太耐先做第一次評估或者治療唔密, 畢竟小朋友都4歲, 把握小朋友言語發展嘅黃金期, 認同你睇法, 不妨先搵私家做, 已pm你有關資料.  

濼晴

我會建议你去poly clinic,  導c 好好

siufung

想請問下，樓主女兒發音如何不準？別人聽得明嗎？小女也刖足4嵗，講野好好，但有d字咬得較困難，例如“因爲“，她會讀成“因咪“、水果變“水Gor“，“玩具“變“玩櫃“，但叫她更正她又得....咁是否算發音不準？'

Chingwoo

回覆 siufung 的帖子

我囡佢講祝會講督, 張會講啄, 雲, 中, J, G 呢D 都講唔清楚 !

其實3歲都開始執佢講嘢,可能我都唔知點講俾佢知點發音 , 所以成效唔係好大

Chingwoo

回覆 siufung 的帖子

你女女4歲有無返健康院做驗眼, 佢會有份問卷, 有一欄係發意唔準, 之後可以見姑娘, 再由醫生同佢讀字, 醫生會MARK 返佢邊D 音唔準, 我女就係咁要轉介去另一間健康院見言語治療師

Chingwoo

回覆 alexcmlam 的帖子

你俾我的資料已收到,  謝謝你 !

我排咗3月底去見健康院的言語治療師, 講真, 我覺得算排得快, 但我怕這只係做評估, 真正訓練要再排, 所以想問定多D 資料 !

我問過尤德夫人嗰邊, 佢話一般要排 3星期先可以第一次見姑娘,  6個月先可以做評估/訓練, 所以今次咁快可以見言語治療師我覺得有少少奇囉 !

Chingwoo

回覆 濼晴 的帖子

謝謝你 !　

Chingwoo

上星期見了健康院言語治療師, 佢話阿囡有三種音唔識發
1) 鼻音 (例如 : 蛋,信, 枕, 字...)
2) BA 音 (要有氣噴出嚟) 例如, 爬, 婆, 皮,盆...
3)T音 - 對齊牙, 唧口水 (例如: 蕉, 針, 鐘...)
嗰日見了30分鐘, 俾咗三張紙叫我同佢練習,. 佢教阿囡讀一次, 佢又睇我教一次, 之後就下個月覆疹, 我想請問, 對佢嚟講, 咁算唔算足夠 ? 定要出去再加強訓練, 鼻音情況我覺得佢容易應付到, 但噴氣BA 音就差D , 有乜方法 / 遊戲可以加強, 此終剩係讀住嗰幾個字, 怕佢無耐性, 想搵D 遊戲或得意D 的方法另佢有興趣去練習 !

謝謝大家 !