請教:小女有專注力/過動癥狀嗎？

siufung

剛足4歲，主流K1，大校大班(一班36人)，平時上課應該ok，老師未投訴過，肯排隊聽書(因一星期教3個中文生字，冇同她溫一問也識答).放學回家自覺做功課，坐書桌教她讀書或繪畫可2小時不離座，自己看電視如不阻止她可連看3小時......
但在街8成時間

siufung

未完s0rry...
在街8成時間不肯拖，你越叫她越走，仲笑....成日同你捉迷藏...除了在電梯、馬路和人多的地方...愛玩車仔超人，自我角色扮演....愛自導自演，強迫別人跟她講她指定的對白，講錯就發脾四...

a_for_apple

我個人覺得冇問题，只係貪玩

wan_sosin

睇電視唔計架，咁唔代表專心!
唔覺你女有問題!
可能你要加強D管教佢出街嘅規矩!唔聽要有後果!佢發你脾氣，點解你會讓步同唔嚴厲D呢?
唔好意思咁樣講，我哋真係有特殊情況嘅小朋友何只咁樣!但都要去教，你囡囡只係小問題!

siufung

多謝以上兩位媽媽！
之前一路有d懷疑她有過動，因冇時停，精力超旺，睡得少，嬲時好大火氣...但上課在學校老師又未表示過她有問題，仲話她乖...我估問題是我管教不力，她蝦我！試過比朋友湊大半日，去街也肯拖，表現乖巧...我會多檢討自己，多謝曬！

wan_sosin

回覆 siufung 的帖子

欣賞媽媽你好努力搵出你小朋友嘅問題,你囡囡應該幾聰明,識得蝦你!部份聰明嘅小朋友都係精力旺盛架!個腦轉得快,動作也會跟住快!不過唔一定係過度活躍!
呢類小朋友要要求佢高D,否則佢會更加惡!尤其佢知你無佢辦法!
唔好怕嚴厲對佢,唔好怕成日呢人話會傷到小朋友信心,呢D小朋友你無咁易傷到佢信心!

siufung

原帖由 wan_sosin 於 14-02-20 發表
回覆 siufung 的帖子

欣賞媽媽你好努力搵出你小朋友嘅問題,你囡囡應該幾聰明,識得蝦你!部份聰明嘅小朋友都 ...

謝謝你...你好犀利只睇我寫了幾句已點中所有野！！.好似你實際認識她本人咁....她應該有d聰明，有時同大人爭拗的論點係大人也無法反辯，她亦會有理力爭務求要一面倒贏你....我有嚴厲對待，試過在街她狂走，我警告她再走我便離開，她自己回家...結果我匿埋一邊她找不到我開始哭，我出現訓話她...她邊哭邊鬧我:“我玩下啫你冇理由走左去，比人捉左我咁點算，到時我會好驚，但媽咪你都一樣好驚...點解要咁做？你講？點解？我唔明白！“係聲嘶力歇地質問！她不惡時好明事理好細心溫柔....但有時少少事會發癲，試過撞牆！ 曳完被罰會誓神劈願求原諒，當你原諒了她，大家平靜後她又聲討剛才我有做錯的地方。例如罵過她，她會話:“你頭先好惡好大聲，你又教我要斯文，點解你又大聲？嬲都唔應該大聲！“
你話點教？？我是FTM，每日鬥智鬥力都幾辛苦！

siufung

原帖由 wan_sosin 於 14-02-20 發表
回覆 siufung 的帖子

欣賞媽媽你好努力搵出你小朋友嘅問題,你囡囡應該幾聰明,識得蝦你!部份聰明嘅小朋友都 ...

謝謝你...你好犀利只睇我寫了幾句已點中所有野！！.好似你實際認識她本人咁....她應該有d聰明，有時同大人爭拗的論點係大人也無法反辯，她亦會有理力爭務求要一面倒贏你....我有嚴厲對待，試過在街她狂走，我警告她再走我便離開，她自己回家...結果我匿埋一邊她找不到我開始哭，我出現訓話她...她邊哭邊鬧我:“我玩下啫你冇理由走左去，比人捉左我咁點算，到時我會好驚，但媽咪你都一樣好驚...點解要咁做？你講？點解？我唔明白！“係聲嘶力歇地質問！她不惡時好明事理好細心溫柔....但有時少少事會發癲，試過撞牆！ 曳完被罰會誓神劈願求原諒，當你原諒了她，大家平靜後她又聲討剛才我有做錯的地方。例如罵過她，她會話:“你頭先好惡好大聲，你又教我要斯文，點解你又大聲？嬲都唔應該大聲！“
你話點教？？我是FTM，每日鬥智鬥力都幾辛苦！

HaYi

佢不似是ADHD, 不過我覺得佢比同年紀的更自我同埋脾氣不好,  我覺得好多小朋友都如此, 尤其是叻叻地的女仔.   

妳要佢較受控就一定要"食住佢" , 不要狂罵她, 她們不會驚的, 最好善用"刻意忽視法", 在需要的時候set quite corner, 離開佢一陣, 不要由佢狂數你如何不對, 不要心軟回應她, 等佢平復先教過可能會好些.

wan_sosin

siufung 發表於 14-2-20 14:20
謝謝你...你好犀利只睇我寫了幾句已點中所有野！！.好似你實際認識她本人咁....她應該有d聰明，有時 ...

我都係FTM,我好明白,我係得呢道,我個仔一樣唔少嘢!
講返你個女,首先盡量小心自己的言行!唔係怕佢哋,而事實我哋真係要做得啱,做個榜樣,當然當中唔容易啦!我自己都要常練習講正確嘅用詞說話,真係要練架!有時講錯咗會事後諗下點講先會好d!

捉弄小朋友嘅,真係最好唔好做,就算是想比個教訓佢哋,咁會令佢哋對大人的信心減少!有問題就直接去講!你囡囡咁醒,佢係明嘅,只係肯唔肯聽嗟!其實如果你話過係街到走就要返屋企的話,就真係要咁做,你真係帶佢返屋企,佢先會見到你父母嘅權力!佢先會聽話,講咗就要做!做唔到,唔好講!

至於佢話你大聲!你下次要求佢時,你提醒佢,我而家細聲溫柔要你聽,請你聽!請你合作,你問佢,你都唔想媽媽用大聲同你講嘢先聽架,係唔係!但如果細聲你唔聽,咁請問那個方法跟你說話你會聽呢?(真係要佢答!)再問佢,咁你話媽媽點做好呀?
之後可以再講,你真係唔聽,媽媽就可能用大聲架啦!你揀邊樣,要大聲講定細聲講?
通常小朋友都會話想媽媽細聲!咁你就補充,咁你唔聽,我就會用大聲架喎!係唔係咁?

最後,到下次佢再話你,你就大條道理,我一早講咗,你細聲唔聽,我就會用大聲!係你選擇唔聽,係你自己選擇要大聲!你聽我梗細聲架!


當然佢要同你拗,都一定再有得拗,不過,佢再講,你唔好聽,如果係我個仔,我會叫佢返房,你自己嬲完先好出來!
亦可以同佢咁講,呀女!我好愛你架!我唔會同你拗!咁你就做自己嘢,唔洗理佢!


呢句"呀女!我好愛你架!我唔會同你拗!"用到佢青少年都仲可以!到10多歲一樣包拗頸!
講呢句說話有個好處,免得佢又反咬你話你唔理佢,咁又係大條道理因為愛佢!所以唔出聲!

但唔同佢拗唔對於你唔堅持你的見解同原則!只係講多無謂,而且傷感情!

用文字有點繁複,希望你睇得明!

siufung

原帖由 wan_sosin 於 14-02-20 發表
本帖最後由 wan_sosin 於 14-2-20 23:33 編輯

真係十分多謝您，咁有心用咁多時間篇幅回應我！萬心感謝！
您給予我的意見和方法十分中肯有用，我定必緊記，真係獲益良多！初爲人母加上高齡產女乜都唔識，育兒知識缺乏，幸得同路人和有心家長指點！我亦非常同意以身作則慎於言行，讓小朋友作借鏡，做個最貼身直接的教材....有時見人家孩子乖巧有禮又懂事，又羨又妒，想必是別人有方，但想深一層，後天教導重要，先天因素亦存在....小女脾氣大又自我，2歲前一不中意便打人(只打父母)，之後大大下改善左亦明事理左，不過隨著她長大智慧提高，教育亦相應更要下功夫！
有時她魔鬼一面暴露，衰d講，真想prove她是ADHD，好不負責地推搪孩子的劣根是因為病態，而非我教之而不善或她純粹天性衰格...當然，理性時會很慶幸她被推翻患病，劣性可以改，即使不能完全糾正，至少也可改良改善。骨肉之親令父母有必要亦有責任教導孩子，即使撇開責任，那份愛已值得我們義無反顧做任何事支持他們，爲他們塑造更能在社會開心積極生存的個性。我會努力！！她是獨女，是一個人見人愛，得意到隨街行過也有很多人註足望她的孩子(因她樣子可愛，常在街上做一百種表情動作的小朋友，表演慾旺盛到已有多次被邀試鏡拍廣告)。我要學習多欣賞她，改一改癲婆鬧女的失控情緒，再次多謝你的提點和建議！

siufung

原帖由 HaYi 於 14-02-20 發表
佢不似是ADHD, 不過我覺得佢比同年紀的更自我同埋脾氣不好,  我覺得好多小朋友都如此, 尤其是叻叻地的女仔. ...

多謝你的意見，忽略法我也有apply過，但有時性急忍不住又撩番佢來鬧.我不但要教女，亦需自我檢討學習一下....有時以爲自己好醒軟硬兼施，卻兩頭不到岸，權威不足同時溫婉不及，搞到自己人鬼兩不是！自己時而慈母上身時而武則天當權，好似精神分裂，方法拿捏得不妥當更令該子失去標準而無所適從！多謝你！真心多謝有心幫手做媽媽們！！

HaYi

好明白, 深有同感, 面對不太受教的小朋友, 真的自己都會變成另一人!

一起加油!

wan_sosin

回覆 siufung 的帖子

我都係高齡才得子!不過我並非產子,是我領養的兒子!可能正因如此,我比平常媽媽,作的準備更多!
我個仔都係靚仔一名,我屋企附近的鄰居見到佢都成日叫佢做"靚仔",連我個仔自己都知人哋咁叫佢!

唔知到底佢實在血統如何!因為一見就會覺得佢係mix,棕髮,棕眼,皮膚白!所以佢幾靚仔!不過有時帶住佢,都會有人覺得有d怪怪的!還好我都唔係太中國人臉孔!所以出街有時會有人同我哋講英文!

吹完水啦!聽你講你個女咁得意，真係想見下!

我覺得你已經好好啦!又願意接受意見！聰明係難教架啦!佢哋會強烈地有自己思想，但當然係好事！我覺得你本身應該都水平高嘅媽媽!其實相信你會有能力教到你個女!只係未處理到自已情緒!亦唔覺意比個女控制返你轉頭，所以就會有機會"癲"咗!當你對你自己有多d信心，明白個女點都敵唔過你，你就唔會輕易嬲架啦!

其實我以前都成日癲架!但而家好咗好多啦!我仔對我惡時，我會心平氣和同我仔講，”你認為我會怕你反眼，怕你發惡!而跟你意思去做嗎?我只會邊樣事情啱就做邊樣!”之後就算佢仍然咬牙切齒，我都唔會理佢!好快佢就會知自己咁樣做係無用!但小朋友無記性，下次佢又會再黎過!遊戲有時就係重複又重複架啦!

哈哈！靚仔靚女背後，原來都有另一面!

hadwinboy

原帖由 wan_sosin 於 14-02-20 發表
本帖最後由 wan_sosin 於 14-2-20 23:33 編輯

你教仔的方法好似我教仔，你寫的對白9成相似，我個仔轉數非常快，懂抽你後腳，所以我平時也謹慎言行，也言出必行。對住這類小朋友，一定要"食住他"。我暫且也食得住，因佢知我不是講笑也不是靠嚇。4歳時係商場我也試過先走開一步，因佢係歺廳內唔肯走。到最後佢係歺廳發狂衝出來大喊也大鬧，嚇到佢死。我即刻安撫佢錫佢，說以後也不會掉下他，但也要他承諾出街要聽話，大家約發三章。佢自此出街不會再自己走開或賴死唔肯走，到依家6歳定性了更加不會。有時對待呢類小朋友，真的要置諸死地而後生。

siufung

原帖由 wan_sosin 於 14-02-22 發表
回覆 siufung 的帖子

我都係高齡才得子!不過我並非產子,是我領養的兒子!可能正因如此,我比平常媽媽,作的準 ...

再次多謝你！可以想像你囝囝英俊不凡，mix樣好吸引啊！以前後生時真諗過嫁西人生番個mix㗎！至於小女，她不是大眼高鼻的標準型美人兒，其實不算什麽靚女，只是她有股自信意氣風發吸引人的特質。望上去有7，8分似捧著蘿蔔糕硬照的美心妹妹。我很是尊敬foster parents的，是真正愛孩子的父母，在此向你這無私的母親致敬。講開又講，我雖然自己生，但個女一分也不似我，經常被人質疑我只是“幫人湊“，哈哈！講番正經先，個人出身寒微，自少刻苦，少年時過了一段自立的移民生活，歷煉令我建立了人要“生活“而非單單“生存“的人生觀。我希望我的孩子可以享受生命，能嘗甜同時也懂苦中味甘。我不要求孩子有過人成就，見識過勁叻勁有能力但脾氣暴躁EQ奇低的上級，光有智慧但每天活在嬲怒、氣忿、埋怨當中，再成功我也視之爲失敗。我希望好好教導孩子活開心的生命，所以有時見她小事而失控，加上地先天的好強好勝心，實在很擔心她日後成長對事物環境的抗逆能力....還好現在才剛4嵗，希望仍有時間以教育爲她的性格作出微調...再次感激你的分享和意見，再有事求教我可不客氣啊！:

wan_sosin

回覆 hadwinboy 的帖子

很好啊!有媽媽同我差不多!
不過我個仔就算"置之死地"都唔會"後生"!

事實我個仔真的走失過幾次,唔係扮,但佢仍然唔驚!仍然走!好記得第一次走失,自己搭lift走咗,搵返佢時,佢氣定神閒!
我個仔無乜嘢係驚嘅,係佢心入面無嘢唔得!我老公都試過嚇佢扮走咗!但當佢知道,佢只會極為忿怒!而唔係驚!

我個仔除了有ADHD,還有會同人對立反叛!心理學家同我講,唔好同佢硬碰!要佢到最後覺得父母愛佢!
所以還好我同我仔關係幾好!佢雖然無嘢怕,但佢最終怕我真的嬲佢,嗰種嬲唔係狂鬧佢嗰種,係極盡傷心嗰隻!而佢亦算係最聽我話!因為佢知我愛佢!

wan_sosin

回覆 siufung 的帖子

開心大家能分亨經歷!大家在此交流是好事!
我仔得意架,但並無表演慾!人生只有玩!

正如你說,有正確人生態度好重要!將來小朋友自會找自己嘅路!重要係佢哋有正確價值觀!
我仔都只係5歲!相信大家還有很長路要行!一起努力啊!
最近我都常思考一樣事,如何做到win win!我希望能係我同個仔嘅關係有呢樣嘢!但要係唔失去父母權力下達至!

siufung

感謝大家！我現在是懷著積極進取樂觀的心，爲小女開拓美好的人生路！
還有一個問題想再請教大家，小女貼返4嵗起情緒問題其實有明顯好轉，事事·撲·有商量左，但她睡眠時的噩夢多左，所謂“噩夢“其實是扭計夢，會大聲話:“唔要xxx“，“話左xxx咯！！“間中嚎哭，並夾集1動粗咬緊牙關用腳撐我(我和她睡)，或用手打人....以上行爲都不是清醒狀態發生的。其實會不會她日間抑壓太多，潛意識睡眠時發番出來？或她太多精力宣洩不到？我試過比珍珠末，有d效，但又不一定得，還有什麽可試試？謝謝！

wan_sosin

回覆 siufung 的帖子

又係我!
第一,最好分床瞓啦!小朋友要學會獨立!

第二,瞓唔好,有可能精力太多,日間未用盡!中醫角度係肝火!可看中醫調理!都聽過有小朋友睇完中醫瞓得好咗!甚至活躍情況都有改善!中醫亦會從飲食方面去改善小朋友體質!
一般常識來講,活躍的小朋友唔好食太多或甚至完全唔食糖,味精,色素,總之加工食品!這些都是容易引致小朋友活躍嘅食物!

我仔對味精最敏感,食多小小就會成個人失控,high咗!