屋企真係負擔唔起, 只可以一樣平的, 學乜好?

Manfred2226

首先吾好怪責自己揾得多與小啦，試揾下就近嘅社區中心或小童群益會，裏面都有好好野學呶！

doneoneoneone

謝謝咁多位的意見, 小朋友3歲幾, 其實我俾佢學數學, 因為覺得佢有天份, 好細個已經識數數目, 同埋知道3係幾多, 4 係幾多等等. 英文就靠姐姐加我地自己同佢講...

我諗我會俾佢學音樂, 其他野暫時買D書俾佢做.

himching

咁細個, 最好學畫畫. 可以練揸筆, 對顏色的感覺, 以及創造能力, 最重要係從圖畫了解仔女心理狀況.

Radiomama

回覆 doneoneoneone 的帖子

原來只有三歲，老老實實，真係唔駛洗錢出去上咩堂乜堂。

學樂器，不如聽音樂和欣賞音樂會; 上小學才學樂器也不算遲。

家長不如多花心機與小孩培育愛心、關懷和自理能力; 多傾談、多觀察和分享，才真正幫到孩子，甚至能考上好的小學。我認識一對小朋友，家長極重視閱讀(上圖書館閱讀大量中英文圖書)和傾計，在幼稚園階段完全沒有上興趣班和參加比賽，最後小孩以超成熟談吐和閱讀喜好，而在考小學時順利被神校取錄。

coll

明愛中心課程都平o既！

Stillgood2

回覆 doneoneoneone 的帖子

唔使太緊張.
我大囝超過二歲先識野, 所以三歲係學發音. 之後, 都有去參加童軍.
當然, 幸運地入了屋企附近一家很好的小學.
細囝, 更加無野學, 只有玩同食. 因為, 一定可以入哥哥就讀的小學.
幼稚園是一所什麼都學不到的幼稚園, 隨後關門了.
到了小四, 細囝才加入小學的奧數班, 直至現在中二了.
入了中學, 校內有各種運動和音樂興趣班.

當然, 現今社會, 競爭激烈. 小朋友要有多技之長.

有需要, 可視乎小朋友興趣, 參加興趣班.

以我細囝, 從未花過一分錢去學數學.
如果, 專心和有天份, 已經可以了.
相反, 我個人反而不喜歡強迫性學習.

芝士BB

學英文。三歲起打好英文基礎，學好phonic, 培養好閱讀習慣，將來就算touch wood 其他科唔掂，有好的英文底子，搵食都唔難。

kimmyau

妳住邊區？

doneoneoneone

真係多謝咁多位的意見, 我地住北角.

我其實真係好驚個仔唔夠其他人爭. 我地兩公婆又唔係叻, 又唔識教, 唔想佢第日怨我地無俾到足夠既野佢.

不過, 而家聽完你地的意見, 覺得又真係俾左太大壓力我自己. 真的謝謝!!

Jane1983

回覆 doneoneoneone 的帖子

講多一句，而家網上資源咁豐富，又好又免費。有心的，好多嘢都可以學到。
天下最珍貴的是父母的關懷和愛護，你比到佢的，可以係世界上最矜貴的東西，吾係錢吾錢可以衡量。

MrBeast

回覆 doneoneoneone 的帖子

Echo radiomama 所說。
另外，re 音樂，或者你ffind out 清楚學乜，因為有些朋友kg 學樂器，幾個月便drop 左，小肌又未得，又要學睇譜，hea 著學又覺得哂＄，你住北角應not too far away from香兒，check out個iec 課程。

angel.ling

其實好多時學校同社區中心都有好多班可以報，又吾會太貴