Del

fixedstar99

deleted

fixedstar99

回覆 fixedstar99 的帖子

由於小女係聖誕假期之後行為變得更加異常，老師有詢問是否屋企有特殊變故。我唸佐好耐。佢聖誕期間感冒，到宜家一直都未好得返，一直有流鼻水同咳，所以佢自從聖誕假期到宜家，幾乎每日都食藥，但佢特別抗拒食藥，大部分時間都好似打戰咁要強硬灌佢食，唔知同呢個因素有冇關係呢？？

另外，因為小女幼稚園係返下午班，佢慣佐早睡早起，中午訓覺，但自從返幼稚園之後，唯有將佢午睡時間調早到11點左右，但佢好難咁早入睡，經常係床上躺了一個鐘都未訓著，有好多次佢中午岩岩入睡十幾分鐘，就夠鐘起身返學。搞到宜家佢連午睡都抗拒，好似驚訓唔到一陣又要被我地叫醒好辛苦咁！但如果完全唔比佢訓覺，佢係幼稚園又好闔眼訓，鬧情緒，對小朋友發育都唔好，我都唔知點算好…………

lillymarie

唔夠瞓，小朋友的表現會好似ADHD咁架。
你囡囡仲好細個，而且情況突然發生，又病緊。想像你若日日唔夠瞓又病緊，可能心理狀況都差不多，不過大人可以忍住啫。

lillymarie

試下無午睡，晚上再早點睡。

睡那十多分鐘，確是很辛苦的。讓囡囡慢慢適應沒午睡可能會好些。

fixedstar99

回覆 lillymarie 的帖子

原來唔夠訓都會好似ADHD咁？？

其實我個女又唔知算唔算係突然變成咁佢自幼都係坐唔定果類，不過以前有時講道理畀佢聽，佢都會接受同埋會照做一排

但宜家係講道理果陣佢就話好，話明白，但一轉身即刻好似完全唔記得佐咁
例如玩完玩具要tidy up，以前有時提下佢，佢會去拾返
宜家冇論講幾多次，佢都好似聽唔到咁
而且佢好似完全get唔到大人生氣個心情，有時候，我真系好鬧好鬧咁望著佢，佢都完全冇反應，仲要同我笑或者過來攔住我——呢D好似都係ADHD或者自閉症既表現？

Queeniebaby

"佢仲有一D好特殊既行為，例如中意吸住下嘴唇同摸住被邊訓覺，唔單用手指摸，仲要用腳趾摸，有時帶佢去出邊買衫，佢都會呆佐係度係咁摸住某一D毛粒料既衫。"
我個女都係,hahaha....

我覺得你小朋友係因為大個左,性格開始浮現出來吧

lillymarie

你唔好咁快就担心囡囡有事啦，好多小朋友都會有類似的表現架。或者到健康院約見醫生，讓醫生看看囡囡的發展是否符合年齡和有沒有自閉症的問題啦。在網上好難講得清，要見到小朋友才看得準嘛

fixedstar99

回覆 lillymarie 的帖子

我當然唔希望女女有事之前屋企表現異常，我仲以為可能只系係屋企活躍，點知連老師都話佢情緒行為失控，建議做評估，我先認識到個問題唔可以忽視。我會儘快找專業機構評估，只不過覺得可能就算有評估都未必有確切結論，而佢目前的而且確係存在好多行為情緒問題，所以如何更好的面對和改善小朋友的行為是我更為關心的，亦多謝有經驗的媽媽可以分享下。

fixedstar99

回覆 Queeniebaby 的帖子

咁請問你個小朋友有冇ADHD呀?

wan_sosin

如果病好了,唔洗再食藥之後,睇下情況有無好轉,藥物有時可能真係會有影響!加上你話病了之後行為問題明顯!
ADHD要係一個長時間出現嘅行為先算係!評估會問,是否過去半年都有同樣行為!或由幾時開始,如果只係一個短時間,未係有力証明小朋友真的有事!
加上小朋友一路長大,行為上會有不同的轉變!未必一定時時咁穩定!

chowqv

最快係睇家庭醫生，出信直接去CAC。第一次見姑娘，可以好快，同埋會出信俾學校填。跟住排期見醫生，（如果情況嚴重既，會好快就call你返下睇）。

fixedstar99

回覆 chowqv 的帖子

請問係咪普通兒科醫生就可以？CAC係咩機構？大概幾時可以見姑娘？
謝謝！

chowqv

原帖由 fixedstar99 於 14-01-28 發表
回覆 chowqv 的帖子

請問係咪普通兒科醫生就可以？CAC係咩機構？大概幾時可以見姑娘？

你睇開果個醫生，唔使一定係兒科。
cac係政府既兒童xxx唔記得全名。你上網search 下你住既地區係去邊間睇，跟住打電話去約，係新症，姑娘就會俾個日期你。第一次係佢地專科姑娘見同做初步評估。

fixedstar99

回覆 chowqv 的帖子

chowqv, 好多謝你!

我今日已經去同私家醫生拿佐轉介信，醫生開佐2封，一封俾CAC，一封俾油麻地兒童精神科中心。我已經打佐電話比CAC book佐佐下星期見姑娘。但我唔知是否要同時去約兩個機構做評估呢？定係一個一個來？

Thanks！

chowqv

原帖由 fixedstar99 於 14-02-04 發表
回覆 chowqv 的帖子

chowqv, 好多謝你!

照排，照見先啦。
cac見姑娘都出到一個初步評估同意見俾你。
油麻地就真係要慢慢等。不過精神科真係只會開藥（如有需要）同做轉介做訓練。

wan_sosin

chowqv 發表於 14-2-4 20:20
照排，照見先啦。
cac見姑娘都出到一個初步評估同意見俾你。
油麻地就真係要慢慢等。不過精神科真係只會開 ...

無錯!排咗先啦!點都係CAC會快D,到時CAC評估咗,佢內部會將file轉去精神科!
不過當初我見完姑娘,個姑娘一d都無講覺得我個仔情況如何!只係比幾份出面嘅服務資料比我,叫我可以試下搵!
我講比姑娘聽,我個仔有時諗嘢好古怪,個姑娘問反我轉頭,問我知唔知點解佢咁諗!我心諗,我就係唔太明我仔做乜先提出,如果我明都唔洗講啦!不過姑娘唔係醫生,佢未必分析到個問題呢個係事實!

chowqv

wan_sosin 發表於 14-2-4 22:06
無錯!排咗先啦!點都係CAC會快D,到時CAC評估咗,佢內部會將file轉去精神科!
不過當初我見完姑娘,個姑娘一d都 ...

我答你：姑娘已經key左果重點。你唔知點解阿仔咁諗，點解唔直接問阿仔呢？溝通係需要練習。多d問返阿仔，佢會答你。一次唔明佢講咩，試多幾次就會明既啦。
學問“學問”，我地要學識問。

wan_sosin

chowqv 發表於 14-2-4 22:12
我答你：姑娘已經key左果重點。你唔知點解阿仔咁諗，點解唔直接問阿仔呢？溝通係需要練習。多d問返阿仔， ...

多謝你的意見!
問題係當年我仔仲細!四歲未夠,佢真係講唔出!問極佢都只係講返佢個奇怪想法!

其實當年嗰個問題,到而家我都已經有8,9成掌握到佢諗乜!

我知個姑娘有mark低,之後真正見醫生評估時,都好似有提起!也可能加上這個point,醫生寫我仔"反叛"

我只係奇怪個姑娘咁樣問我!因為就算我當時估到我仔嘅諗法!我都唔敢肯定,我仔答我唔到係定唔係!

chowqv

wan_sosin 發表於 14-2-4 23:08
多謝你的意見!
問題係當年我仔仲細!四歲未夠,佢真係講唔出!問極佢都只係講返佢個奇怪想法!

呵呵。始終我地同阿仔們都唔係認識好耐，要多多了解溝通囉。
阿仔話：我地係拍拖中。。。

wan_sosin

chowqv 發表於 14-2-4 23:18
呵呵。始終我地同阿仔們都唔係認識好耐，要多多了解溝通囉。
阿仔話：我地係拍拖中。。。

哈哈!好笑!多D拍拖啦!
我個仔好難明佢諗乜,加上佢好多時唔願講!佢唔係多口鍾意講嘢嘅人!
佢唔開心會自己走開,叫我唔好理佢,佢話佢等一下就會返過來!到返過來,我問佢唔開心乜嘢!佢就答,已經無嘢啦!
當然我唔會放過佢,我會試下再問,亦會比電話C6,叫佢返屋企都試下同佢傾,因為有時第二個人問,又可能會唔同!
有時要攪成日先攪清楚佢到底做乜嘢!

其實當年CAC姑娘有叫我搵遊戲治療,但我問過,社工話我仔又唔係發脾氣,又唔係大吵大鬧,話個服務對象唔係呢類!
最後CAC姑娘話我仔嘅case比較特殊!可能搵心理學家先知!

不過無論點我都覺得,要了解個小朋友,始終都係由父母做起,無人清楚得過我自己,不過真係要比d時間,等小朋友一路長大一路去探索!