仁立小學 vs KTS ???

Soundervolt

原帖由 奥脫福 於 15-03-31 發表
我當年也是心儀林護，只是我班主任「迫」全班頭三名的選荃官，我才被迫於
無奈放四中為第二選擇。（結果只 ...

那些年（荃葵區）荃官可能比林護還要高些少，時移勢易當然唔同啦，當年揀荃官嘅想法亦好正路。我同你嘅preference都一樣，返學並非只求成績，傳統名校喺多方面對學生成長仲有好多優勢，無論（現在）林護喺公開試上成績好過SPCC、DBS或KWY,我都會揀後三者。

Soundervolt

原帖由 naughtybj 於 15-03-31 發表
死讀書讀死書，唔係你有幾多個5*，係你真係用返幾多於處世之道，難也難也⋯人總愛趨炎附勢 ...

咁又唔好咁講，喺修身養性同處世之道方面，林護生亦不璜多讓，但傳統名校可以有更廣泛及多元化嘅校園生活同多年濾積返嚟嘅人際網絡，除書本以外仲可以提供更全面及廣闊嘅環境同視野令學生喺身心同社交發展更有優勢，而唔係一味專注於書本上嘅成績。

creech

其實如果个小朋友係得嘅，只要去到一間唔太差嘅小學，佢自然會高飛，我識得有个小朋友，自細讀屋村幼稚園，然後升左去青衣某小學，佢家庭環境及教育一般，屋企冇特別栽培，佢靠自己努力考到spcc,第一年喺spcc成績一般，英文當然不及其他学生，經过一年努力，已科科排名no1，包括英文！反觀自己女兒，資質不太差，但為保成績，經常死谷爛谷，將來入到咩中学，仲係未知數！但我從嗰个小朋友身上睇到，有一个樂觀，謙虛，積極求進的態度，去到边度都冇得輸，所以培養小朋友呢D特質比任何小学中学都重要，因為呢种態度佢地會一生受用！補充一下，呢个細路嘅妹妹今年亦已獲spcc取錄，而佢地都有相同特質，作為家長嘅我，恨到流晒口水！

creech

至於幫我个女補習嘅姐姐，中学讀林護，今年大学法律系畢業，我聽佢講，佢讀法律期間，跟到个好出名嘅師傅，我相信佢下左唔少苦功，佢為人謙虛有礼，做事有交帶，聰明識轉彎，令我对林護印象好好，聽佢講，佢D同学有好多來自傳統名校嘅中学，佢D同學都覺得林護好劲好出名！大家有識英雄重英雄嘅感覺！

creech

而九龍塘小学方面，我睇过佢喺校際嘅团体比赛，佢地嘅音樂水平不过不失，如果kts入黎新界比，佢赢晒，但返出去市區同其他名校比就差一截喇！

Soundervolt

原帖由 creech 於 15-04-01 發表
至於幫我个女補習嘅姐姐，中学讀林護，今年大学法律系畢業，我聽佢講，佢讀法律期間，跟到个好出名嘅師傅， ...

林護當然勁啦，學生好多都入讀大學嘅專業科目。但傳統名校生除咗做醫生、律師或商業機構管理層等等嘅出路之外，因為學校嘅多元化學習環境，會令到學生比較有更廣闊嘅發展空間，例如我認識之中嘅IT、廣告創作、電影編劇、導演（仲有個杜民澤...)等等嘅行業裏面有好多領導人物都係傳統名校出身，所以傳統名校除咗有著重書本上嘅成績之外，仲可以令唔同類型嘅學生發展各式各樣潛能嘅機會，呢啲先至係傳統名校最有價值嘅地方。

Soundervolt

原帖由 naughtybj 於 15-04-01 發表
嘩，您咁夜都覆，又對新界九龍香港名校LWDBSP都非常熟悉，佩服佩服。



  ...

妳都幾心水清喎...但妳又點知我回覆時我身處嘅地方係上午三點呢？

Nath

回覆 Soundervolt 的帖子

好奇一問，邊d先算係傳統名校？

Soundervolt

原帖由 Nath 於 15-04-01 發表
回覆 Soundervolt 的帖子

好奇一問，邊d先算係傳統名校？

傳統名校呢個名詞對於唔同嘅人有唔同嘅定義，不過通常佢地都會有一啲共通點，就係歷史一定十分悠久，公開試同課外活動嘅成績都（同時）比較突出，有為數唔少喺社會上成就顯赫嘅畢業舊生，連該校區以外嘅居民都廣泛認識嘅學校，該校或其學生發生芝麻綠豆嘅事都會容易見報嘅，都會係大多數人心目中嘅傳統名校。

mcl203

Nath 發表於 15-4-1 09:32
回覆 Soundervolt 的帖子

好奇一問，邊d先算係傳統名校？

http://www.schooland.hk/ss/traditional-elite