KCIS admission for siblings

hehawendy

係timing 問題。。。。之前囝囝 比較active,  我以為國際部同英文會適合佢。。諗住又可直上小學。。。但呢半年， 只要你有心機哄同陪佢， 佢番學同平時又可以好聽話好乖。 反而。。而家間pn 老師唔太關心佢， 以致我覺得一間有愛心既學校好緊要， 出去考， 知道好多本地(非名校) 都真係好有愛心。。。而且囝囝說話比較慢， 我呢兩個月轉番中文， 佢先開始跟同講多d......如果比佢讀 kcis..又可能要多d 時間適應

ching_tao

你可以再慢慢諗下，祈禱聽下神既心意。。。你星期一deadline係咪呀？呢個世界無最好既學校，只有最合適既學校。。。所以求神俾你揀到一間最適合你仔仔成長學習既學校就可以了，加油呀！做爸媽真的不簡單～

muimuimao

如果呢幾個月已見到明顯進步，咁證明你行啱左條路，如果說話慢確實係母語教育最好，支持你呀。

hehawendy

回覆 muimuimao 的帖子

多謝你既REPLY....~ 但..要我決定放棄....真係好難....其實我真係好中意KCIS 架.....~
點算好呀....??

大家...讀緊或識人讀既....對KCIS 小朋友既德行有咩COMMENT? 除左可以直升.....有咩其他優勝?
我好中意學校...係個感覺.....~但實際係點....其實唔係太清楚!!!!

我而家諗....因為自己屋企唔係十分富庶....怕將來小朋友會比較家境, 會影響價值觀...或者老師唔夠愛心....係咪杞人憂天?

muimuimao

回覆 hehawendy 的帖子

Hi Hehawendy;

我和幾個KCIS的家長接觸過，覺得佢地都好NICE，而且比較樸實，蘇浙校園其實都好簡樸，如果是很着重硬件/外表的家長，相信未必會啱心水。我覺得價值觀主要是家長自己教導，不用太擔心外界的影響。問KCIS的家長，也說同學仔是乖的多，KCIS在IS中也算較嚴的，聽說中學還會罰留堂，見主任等。

不過，我覺得你現在要考慮的，是大方向多過細節，例如若然你還是首選小朋友在本地小學升學的話，那麼讀一間本地幼稚園可能優勢更大，因為除了大抽獎，還可以出去考，聽朋友講考小學是用廣東話多。除了面試一關，還有實際返學後的適應，聽朋友講現在本地小學的課程很深，如果由IS轉過去，無論中文定功課量可能都有排適應。

另外，還有經濟方面，IS的學費差不多是年年加的，如果budget有限，可能要想下是否要咁早開始支付咁大筆學費，還是把錢留給孩子將來到海外升學(萬一考不上本地，或者有很心儀的海外大學、學科)。

最後還有語言問題，如果學習語言慢，專注母語是最好的，這是我聽人講的，或者你可以問問老師或言語治療師，會有較準確的答案。

希望幫到你啦 :)

hehawendy

回覆 muimuimao 的帖子

好多謝你咁有心答我...同幫我...~~
其實...KCIS 都可以自己報本地小一大抽獎, 係咪?

我諗..如果小一考到本地, 再轉都未遲...起碼KCIS 會有好好既language foundation...如果唔得就繼續上KCIS...

唉。。。。。

ching_tao

我都明做決定好難，尤其為自己小朋友，影響深遠。其實我見之前都有人幼園讀is，之後再試考直資或私小或大抽獎。你都要預kcis係中文認字係差少少，始終佢以英文為主，加上中文係用講普通話教，所以出到去都唔知係有無優勢。但係你問我，我又唔想咁細個就推佢地出去補學術。大家想揀is，都係因為唔想做虎媽，迫得太緊姐。

咁你老公有無咩意見？

我都識人讀緊kcis，大家都唔係咩大富人家，我贊成kcis本身都係一間平實既is，應該唔係好大支野個d土豪既心水。。。嘩哈哈。所以我反而唔擔心大家會比較。其實我都係要兩公婆一齊工作先夠用。同埋我覺得自己做好本份已經可以。

hehawendy

回覆 ching_tao 的帖子

我覺得考私小機會好難...~
所以, 一心想讀住KCIS 黎考....如果唔得, 就直上, 又唔駛出去玩考小一遊戲....

但係...老公又覺得, 既然係咁, 可以讀間普通幼稚園, 慳3年錢, 學多幾樣樂器咁或去旅行咁.....好難揀

crystalpui

以我女個班為例
有錢既同學不少
我想我既家庭收入算最少的了
但個個家長都好NICE, 大家唔會傾家庭BACKGROUND
只講小朋友. 所以對我來講
無HARD FEELING
(可能我個人比較樂觀, 所以好多家長鍾意同我做朋友)
我本想俾亞女直升KCIS
但我以家多左個小朋友(就生)
所以都會考下直資同抽獎

中文, 我覺得KCIS會教得淺少少
所以我會同我女認下字
唔駛要佢識寫
只係認得就OK, SO FAR我女PICK UP得好好

但英文, 我女由一句都唔識講
到以家可以對答如流
咁你會見到讀KCIS既成果

不過, 我見好多讀KCS既都得
所以, 細佬我會KCIS同KCS都報.....

ching_tao

我想問kcis有無family discount架？

ching_tao

又想問14/15 kg媽媽們有無開設whats app/facebook group大家交流下，認識下?

crystalpui

ching_tao 發表於 14-2-14 12:36
我想問kcis有無family discount架？

應該無