小四中文差，點算？

kathylo

阿女今年小四，中文科剛期考完，閱讀&語文運用得66分，寫作等70分，驚佢遲d唔合格，唔打好個底，唔知點上中學，請問知唔知係馬鞍山邊度有d好既中文補習班呀？

skkeung

成積唔好，就要補習？··

little_yolky

kathylo 發表於 14-1-22 11:24
阿女今年小四，中文科剛期考完，閱讀&語文運用得66分，寫作等70分，驚佢遲d唔合格，唔打好個底，唔知點上中 ...

中文差是無辦法的, 唯一補救途徑係多閱讀, 這是不二法門。可能不是一年兩年可以看到成果, 但是持之以恒, 一定會見到有明顯的進步的。補習只是教小孩子走偏門, 學習答題技巧, 對於真正改善中文水平, 是沒多大用處。短期可能見到分數高了, 但我們眼看的卻是DSE。

kathylo

其實佢都睇書，所以閱讀能力唔差，但理解能力就好差，你叫佢讀全篇文章出來，可以讀到9成既字出來，發音無錯，但問佢篇文章講咩野，佢就講唔出，叫佢講每段大概講咩，又講唔出，所以佢考試係錯閱讀理解，詞語填充，標點和錯別字，若閱讀理解係選擇題，佢就答對

kathylo

咁有無好介紹？最好係馬鞍山

kathylo

唉，我就係驚佢應付唔到dse，若dse只係計睇書數量就好啦，但睇昨天新聞，可能會加入文言文入中文dse既考試，到時佢識睇篇文，但連普通中文都唔理解，死得

JJDBB

買閱讀理解習作比佢做！只是睇書，自己不會問自己問題，理解唔到或錯誤，實屬正常。

hotingmum

做閱讀理解，加上你同佢解釋，唔洗乜野都話搵補習既！

JJDBB

系，必須要解釋番，如果唔系冇乜用架！

natnatbaby

我囡差不多，小四，今次閱讀卷67,作文79.她也是會讀，不理解及貪快，沒用心諗。字感差，錯字多。


其實我上年暑假已經發現問題，囡囡在暑假又超級得閒，在朋友介紹下，夾到個姐姐跟幫下中文，其實我看到有少少進步，看文章快左，識字多了，理解好似好了一些。但錯字仍多，成績看仍沒進展。囡囡都愛看書，但不至是書迷，在太多東西吸引她時，她末必選看書。近來，已成功把她再拉回來，看書多了。我個人感覺我有信心把她拉起，但需多一點時間。補習有沒有幫助，我覺得能幫輕一下我，迫孩子多做多寫多看中文，囡囡也不是太有心機，成日叫悶。最終媽媽也要自己跟進，按孩子性格教及陪看書。如她可追上或這個姐姐不教就不會再請。

kathylo

就係我兩公婆都要返工，平常無時間教，星期六又要主攻默書測驗，而且我有兩個女，根本無多餘時間教大女中文，我有買練習比佢做，叫佢做，佢就話無時間，所以過咗上學期，本練習都係未做過，所以先打算幫佢搵補習，人地教佢會上心d

missonia

你也要小心她沒心機上補習班