真心希望小朋友可以學簡體字

hogmail

好慘呀! 大家就快變回原始人, 用符號表達自己的語言. 懶惰令人類走回從前的路.

zuzu888

原帖由 执子之手414 於 14-01-22 發表
我都系見而家啲小學生學甘多野，每日時間都唔够用。中文功課同默書如果可以簡化，多啲時間休息都好啊。同身 ...

其實我有時都諗，做人咁煩，不如唔好做！
真的，寫字太花時間了

little_yolky

执子之手414 發表於 14-1-22 13:39
英國人唔學美式串法，因爲她們是唔同國家。

但係你原意話係學簡體字可以慳時間啫, 都無話係咪同一國家0既問題喎。唔會話因為依家回歸咗, 就要學簡體字, 以前未回歸, 學生答卷就一定要繁體字。你自己係上面回覆, 都話人哋唔應該拉埋大陸唔大陸嚟講啦。咁如果美式英語簡單啲, 英國人都應該學美式英語啦。

事實係, 英國人very proud to their culture! 而香港人亦對於身為香港人而自豪, 因此, 是不會主動改變學習簡體的。

执子之手414

原帖由 little_yolky 於 14-01-22 發表
本帖最後由 little_yolky 於 14-1-22 13:46 編輯

如果你甘講我都同意，可能只是我過於心痛小朋友，他們自己本身是有呢個能力的。但我相信如果他們知道有得拣，絕大多數都會拣學簡體。因爲工作關繫，我接触很多香港主流學校同國際學校的學生，同很多80，90後。她們細個學繁體，大個之後可以寫簡體時，就開始寫簡體，一旦識個字簡體的寫法就唔會再用返繁體，那麽之前甘多年花在繁體上的時間就顯得好浪費。如果專業需要，當然應學繁體，但對絕大多數人來講，語言只是一個交流的工具。
對於你所講大陸升大學的比率相對低，是經濟等各方面的原因，同寫甚麼字無關。

little_yolky

执子之手414 發表於 14-1-22 13:55
如果你甘講我都同意，可能只是我過於心痛小朋友，他們自己本身是有呢個能力的。但我相信如果他們知道有得拣 ...

1. 大陸升大學比率低, 所以一般人唔會識睇繁體字, 因為你之前話一般大陸百姓都識睇繁體字。
2. 我想一般香港的8090後都唔會全寫簡體, 好似我自己, 一般 "學" "藝" 等好多筆劃的才寫簡體, 其他都唔會全寫的。所以都唔會浪費。
3. 人有憜性, "人之初性本憜", 所以小朋友比佢哋自己揀一定會揀簡單的。
4. 仲有, 你之前講話香港人的中文字寫得都不好看, 我想主要是源於學生不應著重抄寫及電腦普及開始。我以前的寫都寫得好靚的, 但打電腦後, 就簽個名都衰過人了。

执子之手414

原帖由 little_yolky 於 14-01-22 發表
但係你原意話係學簡體字可以慳時間啫, 都無話係咪同一國家0既問題喎。唔會話因為依家回歸咗, 就要學簡體字 ...

英式串字同美式串字差别本身唔大，改唔改都無大不同。但英文本身也系經過進化的，而家睇返shakespeare 的原著，真系無乜邊個睇得明，除左啲專家。

执子之手414

原帖由 little_yolky 於 14-01-22 發表
1. 大陸升大學比率低, 所以一般人唔會識睇繁體字, 因為你之前話一般大陸百姓都識睇繁體字。
2. 我想一般香 ...

1，我識得的人大陸人睇繁體容易過香港人睇簡體。
2，我就系講緊筆劃多果啲字，筆劃唔多的字就無乜分别啦
3，同意
4，我話香港人中文字寫得唔靚，因爲有人話繁體字靚。但人手寫出來就系因爲筆劃太多，太繁複，所以好難寫得靚。

w_y

执子之手414 發表於 14-1-22 10:50
我覺得學簡體唔代表是想中國文化死，書法家寫毛筆死，自然是寫繁體。但生活中有幾多個是書法家? 保留中國文 ...

你覺得唔係,我覺得係.
下下就叫人用象形字, 都唔係有心討論.
文化"不單止"係字裏行間意義的! 用殘體字, 就係收窄思考的第一步!
講返文言文, 其實真係唔錯, 你睇近年大家寫文又長又 chum.

不過咁, 香港仲係有呢個自由, 你可選擇到大陸, 學習上面字裏行間的文化, 說好你的普通話, 學好殘體字, 我睇大陸學子只會辛苦過香港讀書百倍, 你咪睇下用殘體字是否真係幫到學子減壓囉!

總之, 香港咁多年文化都唔用殘體, 直頭望之令人生厭, 肉酸核突! 將來若要改成用殘體, 都係被迫啫!  係, 我就係叫呢D 做殘體, 好人好者有優質文化唔學, 走去學核突野.

ck1666

廢話

w_y

执子之手414 發表於 14-1-22 14:12
1，我識得的人大陸人睇繁體容易過香港人睇簡體。
2，我就系講緊筆劃多果啲字，筆劃唔多的字就無乜分别啦
3 ...

人地崇優你崇劣, 沙翁名著都話要專家至睇得明. 依我睇, 最適合用畫象形去表達就係你, 夠簡單, 幾乎全球通添啦! 唔好靠害啦, 人人都希望下一代學問好, 有深度, 否則讀書來做乜. 個個識幾個字睇月曆睇時鐘都夠啦!

唉...睇下副中國象棋, 變左殘體你都可以下, 但望埋去粒棋就係醜, 想簡單, 用一二三加顏色去編號區分罷, 連兵卒都要學兩個字至識睇好麻煩囉!

語文除了溝通, 仲係思考工具, 可以幫助思維發展, 自我反省, 一想起咩都迫你簡化, 真係怕怕.

w_y

little_yolky 發表於 14-1-22 14:01
1. 大陸升大學比率低, 所以一般人唔會識睇繁體字, 因為你之前話一般大陸百姓都識睇繁體字。
2. 我想一般香 ...

以前香港老一輩人寫字好靚的, 包括酒樓寫牌海鮮價, 宴會菜單位部長, 街市菜檔位大嬸. 老派人寫字唔靚係好羞家的。呢一代用電腦多, 加上正正就係考試科目多, 內容多, 孩子太忙, 無時間慢慢將學問消化. 老師只重視分數唔重視字體, 學生手字當然一代不如一代!

执子之手414

原帖由 w_y 於 14-01-22 發表
你覺得唔係,我覺得係.
下下就叫人用象形字, 都唔係有心討論.
文化"不單止"係字裏行間意義的! 用殘體字, 就 ...

我就系見到有學生轉學簡體字後，壓力細左。如果中國大陸唔系有甘多負面野，你仲會唔會甘排斥簡體字? 因爲你口中的“殘體字”已証明你是對人唔對事。

执子之手414

原帖由 w_y 於 14-01-22 發表
以前香港老一輩人寫字好靚的, 包括酒樓寫牌海鮮價, 宴會菜單位部長, 街市菜檔位大嬸. 老派人寫字唔靚係好 ...

系呀！因爲時代唔同了。繁複的繁體字，在這個商業化，全球化的時代顯得有啲拖慢左。

w_y

唔鍾意殘體字, 新加坡用我都一樣唔鍾意!
你屈得就屈, 呢度, 我係以"字"論"字"

殘體字天殘地缺, 唔係話人, 係話緊字!  大陸人用殘體係硬性規定, 香港暫時都未係, 遲下有你呢類人, 就好難講啦. 為了下一代, 我仲可以發表意見之時就大膽講多句. 你鍾意用, 就要接受好多香港人會覺得討厭, 因為呢個唔係香港一直以來的文化, 直至我地呢代人死晒, 下一代你地想點玩死佢地, 就由用殘體字開始吧!

longlokma

原帖由 执子之手414 於 14-01-22 發表
我就系見到有學生轉學簡體字後，壓力細左。如果中國大陸唔系有甘多負面野，你仲會唔會甘排斥簡體字? 因爲你 ...

简体字不用学，睇下自然识！我從來不曾学过，一样能讀能寫！
繁體要學，才可了解中國文化！
為了考試做快些而叫学生学简体字，相當無聊~

执子之手414

原帖由 w_y 於 14-01-22 發表
人地崇優你崇劣, 沙翁名著都話要專家至睇得明. 依我睇, 最適合用畫象形去表達就係你, 夠簡單, 幾乎全球通 ...

我講的系“原著”，你有無睇過架? 如果無就搵來睇下，你睇得明我寫個“服”比你。我又無話全部野都改用簡體，很多領域都需要保留。

w_y

所謂古式英文, 大把香港人, 尤其上一輩讀到高中都有本事睇, 單睇字面, 真係唔少人可以睇得明. 咁都要專家, 陶傑知有人咁講, 又要寫幾日笑死人咩.

乜都麻煩乜都唔好學啦! 無知好呀, 任人擺佈! 我就唔容許仔女咁啦, 梗係盡量吸收文化精粹. 其實都講太多. 我意見就係咁, 亦會盡香港人的責任, 保護香港文化免受劣質污染。搵洗手間都好麻煩好浪費時間, 讓孩子方便在街上咪得囉, 文化共融, 你想唔想? 高層次些少, 咪就係由字詞開始愚民。

我好尊重樓主意見, 真心的, 放仔女大陸讀書啦, 識人好過識字, 大好前途!