小一統一派位解釋(轉載)

武航

不知有沒有網友曾經轉載過。

小學派位離我已遠，實在唔知而家既運作，好好笑的小一統一派位舉例。

事先聲明，我不知以下解說的邏輯成立與否。

舉個例；如你甲一填劉德華，甲二填余文樂，甲三填蕭正楠；乙部一、二、三也一樣。程序會先抽甲一，若唔中劉華，就會抽甲二，若你抽中余文樂，恭喜你，甲三、乙一、乙二、乙三都不會再抽了，你會得到余文樂。因此，如你很喜歡劉華，你應在甲一填劉德華，甲二和甲三留空，乙一再填劉德華，乙二填余文樂，乙三填蕭正楠，咁你就可以maximize抽中劉華的機會了。

或者我再舉一例。全球任何明星都有粉絲會，而我們只可加入其中一個粉絲會做會員，我們要先知道幾個遊戲規則：
第一，每個會有50%可供統一派位；
第二，當中5%是甲部(全世界可跨區抽)，和45%是乙部(只供同區抽)，所以乙部名額是甲部的9倍；
第三，抽獎順序是甲1>甲2>甲3>乙1>乙2>乙3>乙4......>乙30；
第四，抽獎跟以上順序，一抽中就停，假如你甲2抽中，甲3至乙30都唔會再抽
第五，甲部雖可填任何區，但如別區冇明星你鍾意，也可填本區。

而家解釋範例：我鍾意Tom Cruise>劉德華>福山雅治>松本潤>梁朝偉>余文樂>蕭正楠，我會填：甲1(Tom Cruise)甲2(劉德華)甲3(留空)乙1(劉德華)乙2(余文樂)乙3(蕭正楠)﹒﹒﹒﹒乙29(麥長青)乙30(艾威)

問題1：我點解甲3留空？做乜唔填福山雅治？
答：因我愛劉德華>福山雅治，如我在甲3抽中福山雅治，咁我咪等於放棄乙1抽劉德華個45%Quota? 所以我情願甲3留空，都要抽劉華。

問題2：點解乙2唔填梁朝偉？而填余文樂？
答：因為梁朝偉與劉華是同level大熱，乙一必然45%全被抽光，乙二仲抽是呃自己，只會浪費機會，所以我填次一皮的余文樂

問題3：做乜要填滿乙部三十個？冇心水可否留空？
答：唔應該，因甲部留空，電腦會Skip，但乙部留空，電腦會亂抽，所要乙部要盡填，起碼填d唔討厭的，否則，可能會派阮兆祥俾你。

nkf

原文出處
http://www.edu-kingdom.com/forum.php?mod=viewthread&tid=2733497&extra=page%3D3&page=1


填表策略
http://www.edu-kingdom.com/forum.php?mod=viewthread&tid=2733497&extra=page%3D3&page=4

作者好有創意，用生活化例子去解釋遊戲規則同埋填表策略，家長會好易明白，俾個like佢。

建議版主將佢地置頂，俾下一年參戰既家長參考，好過哂錢買咩參考書。

loveDD

其實我想話，阮兆祥好差咩?

jonwu

有一疑問：
成日話要填滿乙部三十個,咁我已經好實際咁填乙1(劉德華)乙2(余文樂)乙3(蕭正楠,即係放棄左Tom Cruise 、福山雅治、松本潤、梁朝偉;  以增加中余文樂、蕭正楠既機會，咁既然係咁仲將Tom Cruise 、福山雅治、松本潤、梁朝偉呢 D 大熱填喺後面黎做乜？

可能有D人話填落去純粹用黎叩門用，但你將D大熱填(乙7) (乙8) 叩門又有用咩?

謝指教！

cherrieshum

原帖由 jonwu 於 14-01-20 發表
有一疑問：
成日話要填滿乙部三十個,咁我已經好實際咁填乙1(劉德華)乙2(余文樂)乙3(蕭正楠,即係放棄左Tom C ...

所以我也沒有填滿，漏空罷了！