想知道救世軍幼兒學校畢業生升上小學後的情況

monlingling

想問下適應方面ok嗎？會不會追得辛苦？

JadeW

阿仔本身有閱讀習慣，認字ok就冇問題。

ypiriswong

唔覺

monlingling

多謝回覆！

bonniec2000

阿仔幼稚園階段已有閱讀中英文圖書習慣(每天1-3本), 無補過習, 救世軍課堂以外只是每星期一小時跟外籍英語老師上英語會話小組(無功課), 讀傳統津校暫時未見有問題.  

救世軍幼兒學校係全日制, 小朋友上全日制小學時更易適應. 聽過班上有返半日制幼稚園同學第一個月試過喺上上吓堂瞓著咗.

希望幫到你.

monlingling

原帖由 bonniec2000 於 14-01-15 發表
本帖最後由 bonniec2000 於 14-1-15 01:29 編輯

阿仔幼稚園階段已有閱讀中英文圖書習慣(每天1-3本), 無 ...

多謝哂你地，咁我放心好多，因為有你地真正用家的經驗！唔駛聽d根本小朋友無讀過的人講。

monlingling

原帖由 喜羊羊羊 於 14-01-15 發表
我有另外體會, 較早前我回覆的帖如下:

http://www.baby-kingdom.com/forum.php?mod=viewthread&tid=95634 ...

好多謝你的分享，你的第2點非常好，我就是希望孩子這樣，其實我自己相信學習是長跑不是短跑，不過現在人人都要贏在起跑線，內心不免就會有掙扎。

女兒好不容易才輪候到，本來以為今年不會排到，但結果又排到，所以很疑惑，因為肯定是前面有很多人放棄了才會輪到我們。

chymama2

讀到救世軍的幼兒園幼稚園是非常幸運，不用擔心。蒙特梭利的方針和愉快學習氣氛，令阿女鍾意番學，對事物有好奇心，自理同解難都好。其實要仔女幼兒時期識字，唔一定要靠學校，可以自己同佢睇書，想執筆好唔一定要做功課，同佢畫畫都得。阿女上小學無問題。

Allyly

會吾會每間救世軍吾同呢?

我阿仔由N1 讀到而家N4

N4 現在:

日日要寫字, 加/減數都識!

每星期有一日有外籍老師教英文和普通話.

每星期有一次默書 (英文或中文單字).

每星期要做一 次閱讀報告  (可寫或可畫)

每個月有不同的project approach, 要做簡單的計劃書 (可寫或可畫)

我覺得吾係想像中咁淺!

monlingling

其實我在網上看project approach的例子也感覺一點不淺，也許不是救世軍淺，是現在有些幼稚園太深吧！無論如何都已決定了讀救世軍了！

janicetsang

我覺得救世軍好好。
阿女由小一到現在高小，成績全無問題。
小一時佢識的字多過其他小朋友。
全無補習。
放心!

violetbb

有無人知樂民救世軍好嗎？thanks

JadeW

請問你讀邊間呀？

HaYi

我識人在讀同剛小一,

小一的在區內熱門官津讀, 中文OK, 英文就差些,
另一位是K3, 未知會入的小學, 己有在外補英文, 不過寫同串字仍要追.

rainbowcov

有時唔可以全靠學校的, 家長都要努力做支援的工作。

rainbowcov

可以多D陪佢閱讀等。

little_yolky

monlingling 發表於 14-1-14 18:15
想問下適應方面ok嗎？會不會追得辛苦？

啱啱先見到你個post, 每間救世軍唔太一樣的, 我囡囡讀禾輋, 都係排呀排, 努力地排, 到N2至有位的。
囡囡新鮮人小一, 無補習, 以前現在都無額外英文班, 不過佢鐘意睇「中文」書, 所以現在學校雖然中文有啲深, 但中文「居然」好跟得上。仲講個好消息你聽, 佢果間係私校, 即係靠實力考入, 所謂的實力不是學術, 係行出嚟見人過隻, 因為學校無考筆試, 無收profolio, 全靠面試表現, 第一輪七百幾人只收28個入咗, 即係行出嚟都好淡定見得人果隻。同期仲有一位男同學考入男拔(好, 驕傲完)。

咁講真, 佢又唔係考第一, 只係中上咁, 但救世軍都好講求自學同自律, 咁我個囡自小一第三個禮拜開始, 就自己執書包、做功課、溫書, 我「完全」唔駛同佢對功課, check書包, 溫測默考, 係「完全唔駛」。我相信剩係呢一個point, JM好多家長都寧願用頭十名的榮耀來換取小朋友自己搞掂不求人。所以, 我放工返屋企後, 所有時間都係「親子時間」或教唔識做的。

仲有一樣振奮人心的消息, 因為小學係普教中, 救世軍有一個普通話老師一星期一堂, 佢幼稚園時唔太鐘意普通話, 但佢到小學普通話居然「跟得上」。又係果句, 雖然唔係好標青, 但可以自己搞掂自己。

小學「完全無適應問題」, 因為臨近N4的7-8月, 學校會有一個月小一模擬班, 等小朋友扮小學生適應下, 學校仲出埋錢日日book架車教埋小朋友坐校車, 同考試(教唔可以偷睇), 真係好貼心。佢N3最後一個月開始要寫週記, 一句咁, N4就長少少, 兩句咁樣。仲有一啲閱讀計劃, 品格小果子計劃, 所以小朋友都好鐘意讀書, 同唔會超跩。但就無聽過要默書, 因為政府規定幼稚園唔準默書, 佢哋係學券幼稚園要跟政府指引。至於蒙特梭里, 我就唔知佢梭咗啲乜了。
救世軍有無缺點........有, 間間學校都有缺點的, 唯一既缺點係校長太長氣了, 同埋大肌肉要响戶外玩, 我覺得好危險。

補充：之前囡囡 playgroup有個大元救世軍既朋友仔, 佢小學除咗數學外, 唔太跟得上, 所以我覺得間間有啲唔一樣。