多元化的沉迷---是亞氏定好學?

derek0811

男仔, K3, 沉迷完一樣又一樣, 只要有興趣便會精.
例如之前是地鐵路線, 之後巴士, 電車....
各類數學書, 科學書, 最近則狂煲急救手冊....

他是多元化的沉迷, 不會只沉迷死在一樣東西上,
咁佢究竟是好學, 定係有亞氏保加症呢?

亞氏會不同時期(或同一時期)沉迷於不同範疇的東西嗎?

請各位指教, 謝謝!

LeeCC

我個仔曾有時間同時沉迷地鐵路線圖，地鐵站平面圖，車船時間表，屋苑職員表
現在沉迷lego，背熟曬lego的Catalogue，同時沉迷背琴譜

SKB

是資優天才吧，去做個test便知曉，不要靠估，阻礙發展。

pollybell

自閉，亞氏，adhd，資優，都可以好學，可以同時擁有，想知應該搵心理學家做評估。

fongbau

根據新的評估標準，不會再有阿氏保加症的了。
詳情可search DSM V 自閉症診斷新標準。

manabcd

我仔k2,又係迷果樣識果樣,佢細個評係自閉譜系
迷急救書將來做醫生

家家公主

我仔自細就迷所有交通工具...無論路線圖...車程由邊到去邊到有咩站名..邊架車去邊都一一記得..近年上左小一之後又迷上太空衛星..一D稀有動物既紀錄片..睇完又睇不下幾10次...又迷上一D關切醫學既學名同病徵...近期更加成日講叫我唔好食咩食咩..會有咩病等等...佢今年只得7歲...
上年醫生已確診佢係阿氏..(不過只係輕度)..

derek0811

原帖由 家家公主 於 14-03-03 發表
我仔自細就迷所有交通工具...無論路線圖...車程由邊到去邊到有咩站名..邊架車去邊都一一記得..近年上左小一 ...

咁佢成績如何?數學是否超齡？人際關係可以嗎?情緒方面呢?

我仔同你仔好似。都基本受教，係容易發猛掙。

家家公主

回覆 derek0811 的帖子

成績分數係中等..但佢既試卷返黎扣分全都係D好大意既野...
老師都有話佢應該唔止呢D分數...我自己就覺得分數真係唔重要..
最重要佢真係學到同真係識既..明白既..

學校好好,.知道佢有阿氏...即時有言語治療跟進...明顯地佢上左之後
表達能力真係好左..以前佢只係活晌佢自己世界入面..
唔理會唔關心身邊人..包括我...
現在佢係識去關心人...見人喊會識問候同安慰..
同同學仔溝通無問題...但情緒仍然會好少事就流眼淚..(但已經比之前少)
同埋都會有時發脾氣...但總算佢都仲係怕我...
佢一發脾氣我唔出聲望住佢..佢就會知衰..

黎緊3月尾醫院都會再見醫生同言語治療(第一次)..

derek0811

我個仔語言溝通沒大問題，但偏向學術性，一講知識性東西，同咩人都可以長篇大論。但一講心靈，內心世界便像有口難言。

家家公主

回覆 derek0811 的帖子

我仔都係.., 一講知識性既野..就直頭係背出黎..一字不漏...
但佢咁有樣好..就係對佢背書真係有幫助...

annew1128

家家公主 發表於 14-3-4 11:21
回覆 derek0811 的帖子

成績分數係中等..但佢既試卷返黎扣分全都係D好大意既野...

我個女都是亞氏，都是少少事就流眼淚，不過最近好左，唔知是不是因為我比DMG她食。

868YEE

回覆 家家公主 的帖子

有上社交班?

Olympian

fongbau 發表於 14-1-19 09:43
根據新的評估標準，不會再有阿氏保加症的了。
詳情可search DSM V 自閉症診斷新標準。



  ...

其實DSMV在香港並未應用。評估中心都是用舊有的版本。即使在美國也不流行，因對這個DSMV仍有很大爭議。美國對取消亞氐保加這個細分仍有爭議。但不知為何香港流行這個講法。我仔不是亞氏。但我覺得保留這個名是有意義的。因為這個群組有其獨特性。亞氏保加這個名可以讓人立刻理解到小朋友的特性，冇須再加太多解釋。

eekg

原帖由 derek0811 於 14-03-04 發表
我個仔語言溝通沒大問題，但偏向學術性，一講知識性東西，同咩人都可以長篇大論。但一講心靈，內心世界便像 ...

Ha ha that's me