自閉兒童定係大少爺？

pandafood

初次在這兒出post.
我仔宜家3歲，發展遲緩等緊E位，上兩個月先開始有單字，上月亦開始左私人語言治療。 佢上年九月開始讀N班，本想佢會有好D進步。 初時學校都有叫我留意佢唔講野既問題，我之前亦有搵過一D機構，下下都要等半年九個月，所以佢地都建議其他機構比我，好好彩，耀X有間新中心開左，好快就可以做評估兼治療。不過都已經係十一月既事。。。

由十月十一月左右，學校老師間不時都有話佢有D自我刺激行為，望燈，欄杆縫，玩廁所水，發脾氣，坐唔定。我自己好想教番好佢，至少唔好咁影響課堂，影響別人丫。 中間同校長傾都有提議去轉兼收位，佢地亦都有此學位。 本想好冇轉去等兼收 (既然學校有，佢又唔駛轉校) ？ 去到十一月底，我仔在學校脾氣好似變得愈來愈差。 差唔多隔日老師都話睇唔住，佢有自閉行為，佢都係岩半日班多D (學校只有全日) ，佢宜家咩都學唔到其實係浪費時間，繼續讀好可能要在K1-K3 留班，等等評價。

眼見投訴愈多，我自己都想改善，就再搵下有冇咩班或者治療比到佢。 最後搵左間私人機構，傾下有咩課程幫到佢改善專注力，因為導師要做一次評估先可以話我仔岩讀邊班。 個次評估令我知道我仔其實認知上唔係咁差，係專注力唔夠，未算係有自閉症，同埋認知上真係有遲緩。 即時因應我仔情況建議左一些課程，宜家已經開始上，我亦見有一點點在改善。我自己亦唔期望佢突然唔同曬。

新年後有同校長講番宜家比左咩課程我仔，佢地亦配合比我仔早放些許去上堂。 岩岩個星期，老師又開始講我仔既行為，唔食野，只揀白飯食之類，又提"佢有自閉左傾向係咁，家長唔好介意喇！" 其實我本身唔介意，我仲想改好佢慢慢改善。 但下下提住佢有自閉症傾向。 好似佢所有行為都因為自閉。 我心情真係七上八落。

我想苦惱以下問題
1) 我下年好冇同佢轉校，轉去半日？搵已有空位既兼收位？ 國際學校？求其咩校都去？
2) 下半年N班，繼續在這校？ (佢一直番學放學都冇表現唔開心或許唔鍾意間學校) 轉讀專改善行為情緒既班？
3) 要唔要同體能中心講學校老師話佢有自閉傾向？

SKB

好似兼收位一定係全日班。 試下去協康做訓練。

pandafood

協康要等佢做評估都覆我要等九個月架至少... 係唔係真係值得等？
兼收位係只有全日的。 同埋我宜家呢間都咁，對有兼收既學校我真係有點卻步… 擔心學校會當正佢地有問題係咁架啦！
另一個方案我有想過比佢repeat K1，比一年時間佢去處理好問題再繼續升上去。 之前因為以為呢間有得讀唔會再特別找什麼BACKUP.. 係有申請其他幼稚園，但都冇offer 。 咁佢唔講野，呢個都預左係一個正常結果。 不過家人就唔多支持呢個方案。 我自己亦15 16呢個係唔係一個好方法。

vivian010280

試試自已再聯絡智能評估中心(政府),或同E位(兼收位中心)商量去信智能評估中心,要求再做評估,如評估後有需要就要轉S位!

Cute美女

請問什麼是兼收位?

pandafood

兼收位係在普通幼稚園加插一些學位比有遲緩既小朋友入讀，令小朋友可以融入正常學校生活 (之類) 。 之前學校同我講話會有專門既老師同佢做訓練。 亦都有一些治療師定期到校跟進佢地既進度。希望我自己冇了解錯。 仲話呢位兼收位老師都會入班陪學生。 但我有個疑問，就係如果呢幾位兼收學生分別在K1, K2, K3, 咁呢位兼收老師會去邊呢？

我猶豫就係因為咁，講就好似唔錯，但係回家再想清楚就覺得好似唔多WORK 喎。 我亦都冇可能自私地要學校過份遷就，相信亦唔會理我呢D要求喇~
社工之前同我講我只有一次轉CHOICE既機會，我唔想亂轉。 亦唔想浪費黃金治療時間。

pandafood

呢段時間心情真係好差，好彩有呢度可以比我刨下POST. 但自己心理壓力好大，我怕我自己做錯決定，白白浪費左我仔既治療機會。

同朋友講，好多時都唔太明白究竟係咩事，仲話咪對個仔要求咁高。 出來聚下，唔覺個仔有咩問題。 只係少聲氣。 但其實相處耐左，真係有些許問題。 但又未至於好有問題個種。 比較少大吵大鬧。唔出聲。 唔聽你指令，唔食野。 好似個個細佬都會有呢D問題咁。 不過老師隔日咁講，真係唔知點再應對佢。 呢D問題唔係唔想理，只係一時三刻我真係改變唔到。

emilykyho

我自己呢排幫阿仔搵緊K1,真是勁難!!唔好放棄依家個學位呀!不如試下上午返Ｎ,下午返密集訓練

chengemily

我想請問協康會有評估是否免費的? 所以要排咁耐?
我囝囝2歲3個月, 可以講得出的生字真係5隻手指都數得晒有餘, 前幾日打左電話去青協, 佢地即刻安排左今個星期六比我地做評估...

pandafood

原帖由 chengemily 於 14-01-21 發表
我想請問協康會有評估是否免費的? 所以要排咁耐?
我囝囝2歲3個月, 可以講得出的生字真係5隻手指都數得晒有 ...

我當日打去協康，本想講多些許我仔嘅情況(其實只想簡報發展中心點評我個仔），佢已經截住我話要排隊等評估。又話等9個月，我最後冇排到。雖然好多人話佢地好好，唔知係咪嗰排自己心情差定係運濟遇著個咁串嘅staff, 當堂係冇曬信心去揾center.

我之後揾耀能做評估，好快就覆我。態度亦好好，可能知我仔個情況唔多好，好快就可以做評估同治療。 算是有了個開始

pandafood

是呀！ 大家都要加油！ 宜家我都揾緊半日班作後備呀！ 宜家間幼稚園我都唔太睇好，只係唔想令個仔冇左校園生活，死頂住先。冇信心佢地會歡迎我地讀K1

chengemily

pandafood 發表於 14-1-22 01:46
我當日打去協康，本想講多些許我仔嘅情況(其實只想簡報發展中心點評我個仔），佢已經截住我話要排隊等評估 ...

剛剛打左去協康, 佢都係無咩心情答我問題...佢只係話上網download表格, 入左表就會安排排期(評估/治療)...咁唯有填表先! PS: 係要收費的, 同青協差唔多

pandafood

新年過後又update下進展
新年前終於校長約見左我們來一次正式見面，講下我仔學校生活喎。校長、社工、老師三位見父母，搞到我失眠左幾晚在擔心。過程唔詳細講，遊左兩個鐘花園，全程冇提過「退學」，「自閉症」呢啲字眼。有幾次其實係見佢地想講，但用「嗰啲」來代替。有點滴汗feel. 但內容同我之前接放學講嘅野一樣。問佢地宜家我比仔出去做治療、上專注力班，有冇改善？夠唔夠？ 佢地耍左一輪，暗示唔夠，建議加感統。總結個會我係對學校幾失望。 可能我已經打定輸數，見佢地咁樣遊花園，真係幾唔耐煩。第二天送返學再比佢地煩左陣，暗示叫我好好改善啦，出去揾學校時先會比較得人鐘意。 嗰刻我有點衝動想夾我仔走，我要同自己講十萬次冷靜，唔好衝動下作任何決定。

成個新年，我仔都在我身邊，我留意佢真係唔似自閉，老師講嘅徵狀都係比較無聊時先做，叫佢多左反應，比較知道發生咩事。我亦都同語言治療師、專注力班嘅老師、一對一導師傾過，佢地都講到比較具體我仔嘅進步以及有咩仲要加把勁。

呢個星期開學，每日接放學老師宜家都只會講我仔今日冇咩。其實我都知我唔駛期望佢地會再講啲咩。 我同體能中心嘅社工講學校嘅事，佢都話有些兼收學校係會唔想收自閉症徵的小朋友。都叫我想清楚才決定轉唔轉服務。

我下年都唔打算再繼續讀呢間幼稚園，繼續努力找有什麼學校吧。 K1 or N, 我都仲諗緊。或者應該話自己預料唔到佢呢半年有幾大進步呢！如果語言都仲未得，就算佢認知夠三歲，我應該比佢讀K嗎？

沒有自閉症但去上密集班會唔會有唔好嘅影響呢？ 如：學左大吵大鬧嘅行為呢？

啲問題好似沒完沒了咁。

Anan3388

Chengemily
若你小朋友呢個情況，你最好找d中心評估完有轉介政府服務。我當年在邁x做，當時一個月左右做到。佢哋好熟個程序。不過最新資料我唔知，你最好打去問或出post問其他家長。

協康平那種評估無得排服務，貴那種我就唔知。

同埋快d找個私人醫生寫信轉介你去你區醫院的兒童體能智力中心排評估！

排服務要1,2年㗎！快d排！

chowqv

睇完，我都有d混亂。
到底小朋友單單係學習遲緩，定係有自閉？
排既係政府既E位？
讀緊果間幼稚園有I位，但係你唔係排緊既話，佢地多數唔理。
就咁聽，佢地好似完全無方向點處理小朋友既情況。
真係連我阿仔讀緊果間主流都好過佢地。
講真，n班小朋友，失控係好普通既事。就算k1都未必做得好好。

pandafood

小朋友被評發展遲緩，學校覺得佢有自閉傾向。 前幾天去CAC 做語言評估時專家話佢唔多似，雖然學校講既行為係自閉徵兆，但唔代表佢係。 最重要係佢既眼神接觸唔錯。 比專家咁講，我先安心D咋。之前好似郁D就話仔係自閉，真係好怕自己忽略佢或係我自己唔願承認。

宜家排E位，初期學校叫我轉去佢地既I位，後期叫我搵D宜家即有位既I位學校。 呢個POINT我同CAC既社工講過，問過意見，佢話通常I位學校唔會咁喎，有D學校係唔想收有自閉徵狀既小朋友，話呢間都可能係。叫我如果轉I位都唔好揀呢間了。  我本來唔預佢會點理我小朋友，最多都係比到意見姐... 點知後來會係咁。  我覺得佢地唔係冇方向，係唔願比心力去處理。 講真，佢地勉強叫1:10都話睇唔實，但我話我家附近的村校都1:13-15... 我點expect個d學校搞得掂我仔。然後又叫我唔好比佢讀N啦，又唔係必要，媽媽你自己教可能仲好喇~ 大佬呀！我仔語言發展好慢，我想佢多D刺激先比佢讀N... 連樓下看更都識話比佢出來見多D野見多D人先肯講架~ 你地唔係專業，但都應該對呢D唔陌生吧...  咁樣仲係幫小朋友打算？

我失望既係，我都認同我仔係要改善，唔好講係唔係遲緩，係唔係自閉。 呢D唔好既行為都應該要去改，所以先拿拿聲搵有咩班可以加快改善，唔通真係等佢大大下自己定性咩。 成日提家長要家校合作，宜家佢地提，我們去做原來都唔夠，唔退學就等於唔接受個小朋友有自閉傾向咁，我好傷心自己幫個仔搵左一間咁樣既學校。 每日返學都見佢開開心心，放學又開開心心，都唔知仲比佢番多幾耐好。

pandafood

今日係我仔最後一天返N班，幾個星期前發現老師毫無感覺阿仔的改善，亦繼續投訴阿仔的行為（我發覺係改進了、但可能在校有讓他放縱的機會以及判了我仔死刑） 再加上一點意外事件我知道大家關係走到盡頭，誠信沒了，強留也沒意思。雖然老公千萬個不願，但都終於肯讓我退學，轉上其他課程。本想找Playgroup 作恆常班，但也沒找上。自己本身好想改善仔仔行為，最後都係決定比佢上幾個月密集班，有所改善再上K.  讓我再過一排再update 仔仔有沒有什麼改善吧！ 各位爸媽加油！

lambeanmama

你好呀。剛路過，仔仔宜家情況點呀？希望每天也在進步中。

moneydog

我小朋友上了密集一年，現在没上了，但你在一年前是估不到他有現時的進步，不要低估小朋友的能力，父母要努力，小朋友先有進步。

pandafood

多謝關心。 我仔宜家進步左好多。 自發講好多野。 雖然有好多都係聽唔明。但係一個更好既開始。

佢上左密集個零月，只係第一個星期佢已經多左好多聲氣。 又係咁叫我同佢玩。 簡直係同之前係兩個人。 好有原動力去訓練佢多d。 之前成日好似同空氣對話咁。 宜家至少佢都會有反應，跟我講之類。

當然中間都好多情緒要執番正佢。 雖然佢開心左好多，番密集第二個星期左右有試過發脾氣唔講早晨，鬥硬頸野既事件，但佢好似開始明白，大家都唔會比佢得逞。 開始乖乖肯講，又成日讚佢，陪佢玩 (實質有些係訓練)。 佢又好似貼服左些。 佢成日都試我底線。 雖然又開始激心左，但宜家好似連自己都有些信心。

我宜家明白家校合作喇~ 宜家就真係似啦~ 有時番學老師見佢有淚痕，都問下咩事，佢地聽完都會和應下同阿仔講佢好叻，雖然乜乜乜唔岩，但都番到學校啦~ 完成左d野咁… 慢慢建立番我仔既自信同埋要佢明白聽話。 又見姑娘有時幫忙放學秩序，見姑娘會讚下之前摟抱個d小朋友話今日乖喇。  

宜家都期待我仔可以講好d，pickup 快d. 希望佢之後可以開心快樂咁學習。   
番左呢度係有兩樣野衰左，一樣係佢作息時間亂曬，呢個係我既責任。佢番半日學之後每日都好似訓唔夠咁，午睡都成2-3個鐘。 可能之前比佢番學又上extra course 佢真係身心疲累。 成個4月既下午都係午睡中渡過。 不過我打算佢5月唔好再訓太多，因為佢開始夜睡，好似一個cycle咁，宜家想佢早番d訓喇~

另一樣就係去洗手間既問題，之前學校成日會排洗，佢都漸漸知道去veve。 但宜家番左密集，我見佢地係一個個咁帶入洗手間，佢就開始唔去veve... 宜家要重新pickup 喇又~ 我想呢個夏天同佢戒左片，希望真係得喇~