請分享聖心interview，thanks

Kobaby

回覆 marwai_1030 的帖子

對呀, 如想讀聖心私小, 3年後升小比今年升小(同樣240畢業生)競爭更大。

私小今年講咗將85%學位(126人)俾K3生, 扣除男生、考到其他學校、自行階段入到津小O既同學, 第一輪收生後仍有同學WAITING LIST, 聽舊生家長講, 去到6月, 如果想讀私小O既都會有位(可能有人考到更好、大抽獎抽到心儀而放棄私小), 呢部份我未經歷, 唔知最後結果如何。

津小部, 一係就自行階段夠分入, 一係就等大抽獎, 最後叩門階段, 會先照顧幼稚園生, 至於有幾多叩門位, 每年不同, 但唔會太多, 有幾多人大抽獎抽到而又唔註冊?

小傻豬豬

如上述所言，未知聖心收唔收，但如st.clare 已收了。讀st.clare入番佢小學咪重易過聖心(須不是100%入番)，是嗎?

jenjenny

我打過電話問小學部，2017-18只開3班，約100人左右，一班幾多人佢就冇講，佢都係話85%留給幼稚園。聖心年年幼小收生不同，所以有人話易入小學又有人話難。不過，我識有人在少一班k3多一班p1的情況下都要waiting，即200個k3 入4班p1。雖然最後都waiting 入但相當危險！

Kobaby

小傻豬豬 發表於 14-1-9 16:19
如上述所言，未知聖心收唔收，但如st.clare 已收了。讀st.clare入番佢小學咪重易過聖心(須不是100%入番)， ...

如果聖心私小同聖嘉勒小學o係你心中係一樣地位, 咁以上O既講法(易過聖幼上私小)都成立。

喜歡聖心私小O既, 入聖心幼稚園係最有保障O既方法, 得15%小學學位留俾街外人, 仲難。

喜歡聖心O既, 好多都睇埋中學, 小學同中學係直屬關係, 85%學位俾小學生(2間小學上1間中學, 情況又複雜O的, 遲O的先慢慢研究), 有間咁好O既中學係好多媽媽成為聖心FANS O既原因。

miffythepooh

Kobaby 發表於 14-1-9 16:37
如果聖心私小同聖嘉勒小學o係你心中係一樣地位, 咁以上O既講法(易過聖幼上私小)都成立。

喜歡聖心私小O既 ...

咁ST CLARE 同聖心地位相差咗的咩呀...... 可唔可以SHARE 下見解? 先謝過:)

wiman

回覆 marwai_1030 的帖子

我明白你們而家心情一定很複雜，你們有否出面考了其他學校?滿意嗎?

Kobaby

miffythepooh 發表於 14-1-9 16:45
咁ST CLARE 同聖心地位相差咗的咩呀...... 可唔可以SHARE 下見解? 先謝過:)

心儀邊間學校好個人O既, 都係睇返邊間適合小朋友、家人意見等等, 人O地覺得好又唔一定適合自己。

我O地屋企唔一定要學術強O既幼稚園, 鍾意聖心O既德育同靈育培育好強, 希望囡囡有良好O既態度同價值觀。親戚朋友都俾過好正面O既評價, 老師好、關愛校園, 的確呢3年都有同樣感受。

大家都多O的問吓人、研究吓, 又問吓小朋友鍾唔鍾意; 好多謝以前EK前輩俾咗O的意見, 我宜家有時返來貢獻吓。

artinie

原帖由 marwai_1030 於 14-01-09 發表
今年UK(即K3)學生有240人，私小校長已通知我們會將下屆小一學位的85%給予聖心幼稚園生。下屆私小小一有4班 ...

我一早也知道！因為今年K3 聖心有240人，有朋友私校收在waiting ,當然有一批收左，佢好唔好彩收waiting ,其實好少人收waiting , 未到最last Minute 都吾知入唔入得番。

marwai_1030

原帖由 wiman 於 14-01-09 發表
回覆 marwai_1030 的帖子

我明白你們而家心情一定很複雜，你們有否出面考了其他學校?滿意嗎? ...

其實大家都會考其他小學，據聞有部份家長有更好的offer，但亦知道有部份家長仍然未有任何私小offer，所以大家都很徬徨。

catcle

回覆 marwai_1030 的帖子

想問下聖幼k3學生需要interview 聖心私小嗎?定係submit application 入聖心私小就睇下收唔收? 程序係點? thx

artinie

原帖由 artinie 於 14-01-09 發表
我一早也知道！因為今年K3 聖心有240人，有朋友私校收在waiting ,當然有一批收左，佢好唔好彩收waiting ,其 ...

今年聖心私小得三班，幼稚園有240人，要睇下我朋友最終入吾入到

dokanty

回覆 artinie 的帖子

那麼如想入讀私小,仍可參其他私小 及參加大抽獎嗎 ?

因聽聞, st clares要放棄大抽獎.

Jingle-Bell

原帖由 artinie 於 14-01-09 發表
今年聖心私小得三班，幼稚園有240人，要睇下我朋友最終入吾入到

我聽我朋友(聖心幼K3學生的家長)今年K3(2014年7月畢業)上下午共有8班(240人)，P1 (14年9月開學)也有4班(而不只是3班)。不過朋友的女兒這一刻仍是waiting.

manbe

回覆 Jingle-Bell 的帖子

你朋友住邊區？

wiman

回覆 catcle 的帖子

請問學校不用interview情況下選入私小，私小是用什麼評核學生而收生？看K1&k2表現?知不知今年至今K3有多少位waiting 學生呢？上年有多少學生最後入吾返私小?

manbe

回覆 wiman 的帖子

K3 學期初交profolio
上年幼稚園生想入私小的最後全部收返唒

Kobaby

wiman 發表於 14-1-10 01:58
回覆 catcle 的帖子

請問學校不用interview情況下選入私小，私小是用什麼評核學生而收生？看K1&k2表現?知 ...

今年K3係240畢業生(上下午共8班), 升上私小係4班。K3開學, 學生只需交私小申請表、3張紙PORTFOLIO、K2份評估及報名費俾私小, 不用面試, 直接等結果。(我識得O既媽媽已經覺得修會真係好好, 已經比街外人容易好多)

至於私校有咩收生準則真係唔完全清楚, 85%學位一定COVER唔晒K3畢業生, 第一階段公布取錄一定有人落空, 就如樓上有媽媽講, 以往係最終都收得晒想讀O既人, 但要等下, 等到大抽獎後。(我自己未經歷呢部份, 唔夠膽講, 我O的朋友、舊生家長雖然都同我講同一番說話)

另外, 有唔少同學係住O係中西區, 佢O地都打算經大抽獎入返下午校津小O既, 每年入上、下午校O既人數都係各6X至7X人不等, 差唔多。(其他就係考到其他學校、抽到其他學校、同埋男同學)

catcle

回覆 Kobaby 的帖子

下午校都係得7X位, 聖幼學生點解可以入到6X-7X人, 大抽獎係講LUCK, 唔通街外人唔係好鍾意聖心下午校?

Kobaby

catcle 發表於 14-1-10 10:46
回覆 Kobaby 的帖子

下午校都係得7X位, 聖幼學生點解可以入到6X-7X人, 大抽獎係講LUCK, 唔通街外人唔係好 ...

可能我講得唔夠清楚, 引起誤會。

我指O既6X-7X人, 係指最終升讀上、下午小學數字。

小學下午校有150學位, 幼稚園生入6X-7X(每年數字不等), 都唔係好誇張, 況且讀緊幼稚園O既同學有O的有舊生媽媽、係公教家庭、有家姐讀緊下午校、更有住本區, 透過自行計分制同大抽獎入到O既。