Bk淪為打手宣傳，邊d言論邊d acc有問題要睇清楚

Anan3388

又有acc洗板，又要無奈up,睇咗嘅朋友得閒回覆下，若我見常常出現嘅家長都覆，就唔駛成日up.唔該:)

Anan3388

bigeyeye 好明顯係樂x王國打手
若服務好，好人好姐駛乜咁宣傳？
若係誇張宣傳醫好自閉兒，免費講座有嘢送引你上勾嘅宣傳法，大家要小心，不要貪小便宜，也不要被利用了想幫孩子嘅焦急心情

annew1128

這個post好明顯見到樂 x的打手！！

JJran

回覆 bigeyeye 的帖子

明白你可能身心俱疲，但看你禁炸板，建議去健康院見下姑娘排精神科，睇下可唔可以化解下d屈結同戾氣，為了小朋友先留意下自己的精神健康！

Anan3388

係呀！謝謝你回覆！尋日我講樂x王國嘅post俾一堆acc洗板推咗去2,3頁，搞到我成日要上嚟up post, 仲俾佢哋話我係努x試打手，超搞笑，我一開始都無覆過無為意佢個努x試post.

後來bk管理員delete返佢堆post, 所以可能依家大家睇唔到佢哋幾焦急咁想堆低d樂x嘅post

其實一開始我只係問佢係咩doctor, 睇唔到係註冊西醫喎! Natural medicine 係自然療法無乜證証和保障，話自己係博士喎，響邊樹畢業？同埋想叫家長睇清楚先好，就引嚟咁多咁多反擊

佢哋係欲蓋彌彰，自暴其短！令人覺得更有問題

我用咗成日去睇住個forum，搞到少咗同仔玩添(尋晚同老公講，好在老公都支持我:p)！好在後來有家長講返佢哋好hard sell, 話三個月醫好重症自閉症患者，d治療要5千幾六千！！！(都唔知點療！)

好討厭有人企圖利用自閉兒家長焦急和愛子女心態，咁樣sell 嘢！

我一己之力唔夠，希望大家睇清楚，幫下手搵出呢d打手

不過最緊要係，家長自己都要冷靜，唔好貪快，慢慢跟返3T訓練做，試其他療法要衡量返利弊，係咪可信，值得，用幾錢幾耐去試，有無真成效，有無研究支持。問多些聽多些，基礎嘢唔好停！

咁就百毒不侵！

呢個社會乜人都有，與其要求別人有良心(哈，睇出樂x嘅人係無lor,為達賺錢目標，無所不用其極！),不如自己努力好好保護自己和家人。

萬一真係俾人呃咗咁唔好彩，唔好怪自己，駛咗錢就算，都係出於愛仔女啫！買個教訓下次學個乖！

共勉之。謝謝閱讀，希望唔好嫌我長氣啦！

各位家長加油！

Anan3388

JJran 笑咗! :p

係！贊成佢去睇下正式註冊醫生，病向淺中醫！政府係排耐d，但係有保證，又負擔得起！唔好幫襯d 不知從何而來的phd呀！近日某明星都獲得美國野雞大學嘅榮譽博士phd, 醫唔醫得好真係。。。。。大家諗下嘞！

JJran

我地d家長錢係好易賺，簡直係條條大水魚游來游去，建議要試另類療法的家長先手找一些可靠的家長朋友問下先，唔好禁快落搭！
有新手媽咪曾被生物治療的醫生游說先只睇佢唔好做3T訓練著效果，個媽咪信以為真，註冊醫生都可以好無醫德！

pinkdoll

好同意及贊成, 好多謝有經驗家長既真誠分享.

jjcow

Anan3388 發表於 13-12-18 10:14
係呀！謝謝你回覆！尋日我講樂x王國嘅post俾一堆acc洗板推咗去2,3頁，搞到我成日要上嚟up post, 仲俾佢哋話 ...

其實如果唔係突然有人出大量 post 數臭努力試，與此同時又力推免費講座，包括拉埋其他如協康、循道等機構落水...
我根本就注意唔到有新機構。

係，我以前都會分享下，但一年前見識過幼兒爭奪戰，我都費事再留毛，但間中都有睇下。
昨日真係睇到我眼都突，都忍唔住出下聲。

Anan3388

JJran, 你啱！註冊唔代表有良心！自己睇真d最實際！

大家得閒出兩句，牛鬼蛇神快過主！
原來有d咁嘅事發生過，唔知添！

王王爸爸

今天我看見一年前曾在這裏的活躍份子出番唒黎，辯明是非，沒有機心， 只為分享，為新手家長出聲，不用行多Y路。

今天白田開party, 好多家長，小朋友，祝願大家聖誕快樂！

Anan3388

真心分享真開心
都祝你聖誕快樂

大家繼續提醒精神，小心化名改名又重來sell嘢！

加油

pinkdoll

Anan3388 發表於 13-12-18 13:32
JJran, 你啱！註冊唔代表有良心！自己睇真d最實際！

大家得閒出兩句，牛鬼蛇神快過主！

我呢啲係深山隱居者, 自己都要係深山同個仔努力練武, 我個仔有排都未落得山, 江湖事真係唔想理咁多, 亦理唔到咁多. 但呢幾日真係有點武林大亂既感覺.

我個仔係s位讀緊, 眼見父母為小朋友各施各法, 各種方法既成效真係因人異議, 但我始終相信3t訓練好重要, 家長配合亦好緊要, 而且小朋友本身既天份也有好大關係 (好殘忍, 但要接受).  講到尾冇short cut, 也冇捷徑, 六歲前係黃金期, 趁早做訓練, 追得幾多得幾多啦.

最後, 勸各家長唔好只看到人哋小朋友既進步/成果, 也要想想別人幫孩子做訓練既過程, 難到別人懂變魔術嗎? 當中一點一滴實在不容易, 過程一定很辛苦, 有血有淚.   而且, 家長不要作太多無謂的比較, 對自己孩子不公平, 然後自己又唔開心, 何必呢?  

互勉之.

Anan3388

好多謝你嘅分享
你仔有你呢個好媽媽陪佢，已是一個幸福孩子！
係，唔好同人比，同自己比。
大家為仔之餘都留返些少時間俾自己鬆下抖下
我同自己講，仔有我錫，咁邊個錫我？
自己都要錫下自己

辛苦了媽媽！加油！辛苦時抖抖呀！

Anan3388

呢個post 睇到bigeyeye係打手

樂x, 世上搵錢方法好多，洗碗都萬幾啦！唔好再企圖騙自閉兒父母血汗錢了！收手啦！

Anan3388

今日收到個acc嘅pm扮friend, 佢以為我無記性，以為delete咗佢個講座post,我就唔記得佢幫口樂x, 又話自己知個DxY讀科大。
之後就扮中立！

可惜管理員查緊個post, 我諗係咪唔想我開開佢名。。。

唯有提大家一句

高調宣傳唔得

就扮friend扮同聲同氣
利用家長想人關心嘅心態
點都好
戴眼識人lor
有咩問多幾句
咁就百毒不侵

提埋呢幾句。
祝福大家！

Anan3388

又或者扮新家長問路。。。
一見就知怪怪哋
一人分飾咁多角，睇嚟佢真係要幫襯返d真正有牌嘅醫生，照顧自己精神健康嘞！

Anan3388

終於靜返，真開心 :)
謝謝版主，管理員！

王王爸爸

回覆 Anan3388 的帖子

XX燒不盡YY吹又生

Vichang

原帖由 Anan3388 於 13-12-20 發表
終於靜返，真開心 :)
謝謝版主，管理員！

最近見到有人扮媽媽講咩腦神經，個account 係啱啱先開。 唉，真心希望少d打手。