真心請教，現在K1細仔使唔使留班做大仔？

tallmama

本人有兩個小朋友，家姐今年考小一，爭到頭崩額裂，細仔（亦是11月細仔）今年K1。見家姐考得咁辛苦，諗緊細仔係咪要讀多年K1做大仔，第日考小一會好d （自行頂盡15分，住址唔係靚區）。

問題一：各位今年考小一又係細仔家長比d意見，我個仔有無需要重讀？

問題二：如果重讀，邊年重讀比較好？個人傾向重讀K1,趁佢未係太知道發生咩事。

老師話佢學術無乜問題，只係行為及言語表達方面仲係好bb。

原校對佢repeat無異議，好快就要交留位費，所以想請教一下。

Jessica_chung

其實如果要repeat, K1 係好d, 但如佢學術冇問題, 但出年repeat又學返一樣的嘢, 佢會否覺得悶, 會否找其他學校或學術深d或英普班試下

tallmama

多謝回應！

矛盾亦在於如果repeat，遲一年又會多啲人爭 另外，究竟學校係咪真係鍾意超大仔呢？

Jessica_chung

我覺得學校多喜歡表達力强, 反應快, 唔怕羞的小朋友, 在定方面細B多比較蝕底, 當然有學校比較看重學術

柔情爸爸

做大仔，孩子自信心都大啲。

mrsko

當年都都好多人勸我REPEAT一年做大B,但我無咁做,反而努力提升他不比同齡差,我最近去自行註冊,百人中只有3個07年(我地係08年),所以更加覺得無選擇錯

GAT

真的要看孩子能力，也有小B被家长training后也可以表现好。interview最重礼貌，合群，懂得与人合作。

MrBeast

學術ok-要看看現時課程怎麼樣，大多k1都是玩多。

反而較bb 就可能自理，理解和社交方面要留意一下, 這都會對考和上小一有影響。樓主個case 不是咁clear cut，通常都係k1 is the best time to repeat 但如果真決定唔到，k2/k3 也不是一個大問題。

eggmama

可能你問遲咗啦。
考到一間程度高（深）過現校，再由K1開始最好，唔悶，多d時等待成熟，尤其男孩。
但如現在只有在原校升K2或重讀K1之選擇，會否考慮先升K2再考插另校K2?

EMS

一年比一年多人考，一年比一年難有offer，呢個都係你考慮因素

anntx3

姐姐考到那一間？跟姐姐成不成？

jaycee_mami

tallmama 發表於 13-12-1 22:45
多謝回應！

矛盾亦在於如果repeat，遲一年又會多啲人爭 另外，究竟學校係咪真係鍾意超大仔呢？

這個問題我都想知, 究竟直資/私校多唔多收上年的超大仔?  我有朋友的囡囡, 11月b, 生得高頭大馬, 一切都跟到沒有發展問題, 但N班已經想repeat.

MrBeast

回覆 jaycee_mami 的帖子

c校直G，面試都係表現為主，我不信老師會睇幾時出世，反而如果K3repeat, 佢可能直覺上覺得有問題叩分都未定，所以如sure想做大，最好都係K1時repeat.

theodorechung

我個仔都係細B,11月出生,由K1到K3,學習上沒有大問題,我覺得最重要係家長怎樣培育小朋友,如果家長沒有跟進小孩的學業,任意使小朋友三年開心渡過,我相信每論大B小B 將來亦難於應付未來小一的面試!

tallmama

多謝咁多位意見。

而家讀緊間學校都幾深，暫時都跟到，不過情緒行為同講嘢上都仲差d。

如果K2、K3先repeat，小朋友都大個知性，會唔會唔開心要重讀，但係其他朋友仔就個個升哂班？

MrBeast

tallmama 發表於 13-12-2 09:39
多謝咁多位意見。

而家讀緊間學校都幾深，暫時都跟到，不過情緒行為同講嘢上都仲差d。

會架，睇你點spin 個story law 和最好轉校，不過你e加間都深就難搞少少。
Anyway, 如有情緒問題，有冇可能係其實佢上課覺得難但又唔識表達呢? Something to think abt.  

strawberry11

和你差不多，但大女讀小2，直資。
細仔08年12月添，今年考小學。 除姐姐間學校外，都有offer 和 2nd in. 當然不是神級。
真的好睇小朋友。 原本想做大仔。一路讀PN、K1、K2阿仔都跟到，就冇repeat，今年考小學，預食白果，又有學校收。
如果你一路覺得佢係細仔，你就會不自覺覺得佢細，冇都唔教。但細仔可能要教多幾次囉或又可能今個月唔明，下個月就識。我仔d數就係啦。+ -數2月仲係唔識，到4月就突飛猛進。其實去到K3我覺得學術分別不大，是身高的差距。
Train佢朗誦或參加合唱團提升自信都好好。

yfchoy

其實同級的學習差距，越細年齡分別越明顯。小女都係細B(11月中)，口齒伶俐(其實係一個口水妹)但手肌肉就不及其他人。係K1時跟大3-4個月的小朋友比，分別很大，執筆力度有問題，空間感和手腳協調度致佢寫字永遠都東歪西倒(又冇耐性，坐敗感嚟得特別快)，第一年係辛苦，但老師講過越少年紀，佢哋年齡差別影響佢哋既發展越大，但老師仍然覺得不用留班，只需多加緞練。到現在為止(K3)，佢跟其他同學雖然仍有差距(我覺得部份係佢唔夠專心和認真)，但跟之前比較已經近很多。所以可以多觀察一點才決定。

cacanov06

如考慮重讀, 個人覺得應該repeat k2, 因為k1 啲野較為簡單, 寫字又未正式開始!  k2 學啲野較為深, 寫字基本功好緊要, 尤其寫中文筆順, 開始時寫錯就好容易跟你一世, 考小一啲準備功夫都係黎自k2個一年!  而repeat k3 就一定唔好, 小朋友見到其它同學都畢業升小一了, 為何自己還要留在幼稚園?  到時佢地會唔喜歡返學