有冇邊D中中可以推介呢？

simsim

一直以來都覺得亞女唔多適應英中生活，想揾下資料，可以幫下忙嗎？津貼、直資都冇緊要，thx！

黃巴士

你想插班?

simsim

係呀！亞女係英中中二，不過好似不太適應，考慮中。。。

tracy668899

原帖由 simsim 於 13-11-13 發表
係呀！亞女係英中中二，不過好似不太適應，考慮中。。。

請問係band幾？同埋邊區？

simsim

亞女呢家間係B1,九龍城區

Sasaalan

回復 simsim 的帖子

是否成績跟唔上或耆學習態度有問題?? 有冇嚐試請專人補習較差科目? 有冇諗過如果轉校阿囡要重新適應新環境, 都會影響學業. 當然這只是我個人想法.

dobbybabie

原帖由 Sasaalan 於 13-11-14 發表
回復 simsim 的帖子

是否成績跟唔上或耆學習態度有問題?? 有冇嚐試請專人補習較差科目? 有冇諗過如果轉校 ...

我都覺得轉校不是1個好方法,中二啫,还有得追,問問各科老師應該怎樣温習,你轉得來中三又选科,而且說實話,band1讀得成绩不好,好些的Band2都不1定收,Band2尾那些又要考慮下校風,直資都是英文多的啦.

simsim

多謝各位意見，我都係考慮緊啫！仍在摸索間！我女個case幾煩，佢從小有焦慮症，到中一就變咗抑鬱，舊年好辛苦捱過，但今年可能因為舊年hea老師都唔敢迫，所以學習態度唔多好，佢自己話全部英文好有壓力，所以我先諗下啫！其實佢自己都唔想轉，不過我唔想佢再百上加斤，做亞媽有時都好矛盾，我都唔知點樣先叫對佢最好！本來以為小學為佢選咗間有直屬嘅，可以冇後顧之憂，點知又會有另外嘅問題！不過都好多謝大家畀個空間我發洩下！

dobbybabie

原帖由 simsim 於 13-11-14 發表
多謝各位意見，我都係考慮緊啫！仍在摸索間！我女個case幾煩，佢從小有焦慮症，到中一就變咗抑鬱，舊年好辛 ...

媽媽,加油,你女的情况真是要趁早解決,我覺得轉好的了,越上越多读书壓力.加油,

黃巴士

會否捒一些都是BAND1校, 而又無咁谷的BAND1C地區中學呢?? 都是全英的, 但英文程度不會太深的.
朋友的小朋友都是不可有太大壓力的,  在沒壓力下, 她自己會讀.

Sasaalan

simsim 發表於 13-11-14 20:51
多謝各位意見，我都係考慮緊啫！仍在摸索間！我女個case幾煩，佢從小有焦慮症，到中一就變咗抑鬱，舊年好辛 ...

我都有朋友既囡早兩年有抑鬱症, 屋企人好緊張, 不過佢是在B3學校, 學習冇壓力, 食左幾個月藥沒事了!!
明白你心情, 始於健康最重要, 多同囡囡傾下, 了解下佢需要甚麼!

simsim

想請教你朋友嘅小朋友響邊間學校？

elbar

simsim 發表於 13-11-13 19:01
一直以來都覺得亞女唔多適應英中生活，想揾下資料，可以幫下忙嗎？津貼、直資都冇緊要，thx！



  ...

或直接向 九龍真光、胡兆熾, 深水埗匯基 和 唐乃勤 查詢

kimberlybaby

yr daughter from heep yunn school ??

ppchan168

B1生在初中遇到學習困難，首先應該把問題搞清楚，是學習“理科”相關學科出現不適應？還是你說的英語學習問題？你要搞清楚她是文科的才料還是理科的才料。
日後中六的文憑試，四個必修科是中英數和通識，不少B1學校的通識科都以中文作答，你可跟學校了解一下。另外，數學科以英文作答根本影響不大，它只需要簡單的英語。最後，其他的選修科，學生可以根據自己的特長和缺點，到時作出適當的迴避。
所以對於初中生，把握好英文和數學就可以了。如果這兩科不行，去到那裡都一樣，不如趕快找補習老師救亡，才是正道。不要忘記，大概有一半的B1學生會在文憑試里被淘汰啊。

dubbies

如果有抑鬱,識朋友會唔會困難,唔係轉校又會帶來其他問題。同埋其實真係想轉都應該同班主任傾,佢地都會熟學校,真係走到呢一步信學校都係一個選擇

fion6406

剛聽過講座，原來抑鬱症比焦慮症嚴重，會有自殺傾向…。樓主，我相信最清楚女兒情況只有你，如果要消除女兒壓力要轉校，就轉啦，或者問下醫生意見。真的是始終健康最重要。加油！

Leung2010

同中學老師有冇溝通過?
或許學校可幫忙哩!

simsim

多謝各位嘅意見，我女其實都算要面同唔輸得，小學時佢真係唔錯，但唔知係咪個病搞到。。。呢家唯有唔太迫佢，畀佢留低再試下先！

simsim

有咩方法可針對成績，令佢有改善？佢明顯理科較弱，可以點搞？