報左幾間N班就被人話係怪獸家長，真係好無奈

janette_chan

我都俾人話唔少啦,你都係俾三姑六婆話,我99話我迫個大女入名校(我只係報咗幾間二線私小買保險),而家又迫個細女入名幼(最名我都只係報咗九龍塘迦南同方方其他都係啲邨校)。唔好理人講乜啦,做你自己認為最適合自己小朋友就OK,小朋友是自己的,其他人講乜都係癈話!!

TeriAnla

我唔覺得報多啲學校就係怪獸。囝囝上年考咗13間PN，當然因為完全冇撞時間同一星期只係in 1間，除了競爭大報多啲之外，最主要係可以去學校睇下。有時聽人講，睇校網，遠遠唔及自己去學校一次感受下，亦睇下小朋友鍾唔鍾意。雖然佢地細但都係有感受的。

樓主加油。唔使理人。

sweet_cake

身邊總有呢d口臭親戚....說話聽了就算....唔好擺0係心.....呢度咁多人撐你....係咪增加唔少正能量呢.....

macyho0704

我完全支持樓主既做法，唔好理人咁多，我果個係大b, 係沙田區住，我都報左廿間以上！第一我唔知競爭有幾大，第二我地當interview 係去玩同埋去視察下人地間學校係點樣。

Charlie妹

我都報咗好多間，驚今年競爭大，有offer又未必係am, 諗住有offer 先再決定，其實我地做父母都唔想，帶佢去咁多學校都辛苦，但又想小朋友有好學校收

Arashi_nam

形勢大氣候根本係咁,有D位作為父母既我哋都好被動。

新人物

其實囝囡係我地既,唔需要理會人地點講
我同事都話我仲乜報咁多間,我報左8間,打算IN6間,佢成日話佢當年只係報左2間,都唔明家下D人仲乜要報咁多間,但佢既當年係指2004年,我真係搭佢嘴都慳返

Charlie妹

原帖由 新人物 於 13-11-13 發表
其實囝囡係我地既,唔需要理會人地點講
我同事都話我仲乜報咁多間,我報左8間,打算IN6間,佢成日話佢當年只係 ...

2004？ 10年前呀！乜都唔同晒lu!

garfielddog

你估去報/交留位費唔駛錢架, 去IN 又唔攰架咩, 但個遊戲是咁玩嘛  

Canise

其實今年報pn真係唔講得少，我地呢批龍b媽媽，係要繼續同內地人士一齊搵書讀，龍b出生率一向高，如果下年有心儀pn收咗，起碼黎緊唔駛為k1擔心先吖:;pppp:
唉，有得簡，你估d媽媽地真係好想周圍去面試咩

RMC0101

我老公講俾99 聽..個女in邊幾間..跟住又會再in 邊間..上次返去99's home食飯..就聽到佢個妹問.."點ar..仲有幾多間要in??" sounds like I am a monster parent...我覺得好反感....:;pppp:

BB25062013

我幫個囡報左十幾間(有兩間仲要瞓銜排隊交表), 同事親戚個個話我係怪獸家長, 我冇所謂  把口生係人地度, 冇仔生的冇謂理, 仔囡好大個果D已經脫節, 講都唔會明, 最緊要搵到間家長同自己小朋友都滿意的PN, 咁就perfect!  為左仔囡, 我係別人眼中的"怪獸"又如何, 吹咩

booxxjac

原帖由 superdaddy888 於 13-11-12 發表
我個囡囡都係11月細B 報左8間 我會同人講INTERVIEW係比我同BB架經驗知道點玩法 為下年做準備 (好過比幾千銀 ...

我都係 11 月細B報咗3間 ja

pistos2001

樓主,你呢個TOPICE講得好好呀,真係有苦自己知,D同事都話誇張,所以之後都無再同佢地講呀,講完佢地都唔會明白嫁啦,上黎EK呻下好過,龍mama們加油呀

ecvy

我呢個係第二個了, 而家報左5間, 衰左一間, 之前哥哥都只係報左2間, 今年唔得了, 真係好激烈。最慘仲要D 人係咁同我講我個女已有咩咩OFFER 喇... 好似好易咁... 壓力可真大呀!

kittyland06

我報咗10間，in 咗4間，2間撞冇去，so far 收到 1 個 reject, 真係冇一間收都唔出奇！

Elenalan

我囡細B報左7間，得兩間有得in咋，仲等緊放榜。細B報多幾間正常，好多學校細B冇得報，有得報都未必輪到你有得in，有得in都可能係俾個waiting氹下你。

ballg

誇張？！到無得返邊個可憐我哋？到時又話乜你個媽媽都無好好安排！我就相反，99唔知以為我報得少，成日細細聲講，個孫無書讀點算！

cloudwingwing

千萬不要中三姑六婆的鬼計，佢地唔想人地好，第時佢有孫，我唔信佢地唔報