英華小一常識題考起家長

黃巴士

只要多看新聞,小一生会識答,因是MC題。

fc926

相信這些常識題引致咁大迴響最主要原因不是由於學生有冇聽過這些新聞，而是他們本身有冇基本背景常識或知識而理解得到這些資訊，例如當中詞滙的認識或認知都未有，試問小一生如何能深層次明白或記得這些新聞呢？如果話俾你知，今天報紙有段新聞講：「世悄惡雲立會發生病變落波，最後引發天成甚國開庭。」明天俾條MC你問番関於呢條新聞，你估有冇人識答呢？

WingBB-222

原帖由 1234ats 於 13-11-11 發表
本帖最後由 1234ats 於 13-11-11 13:37 編輯

不清楚老师出这份题目是希望家长协助学生做，还是希望学生 ...

“这份功课与一般小一学生生活扯不上任何关系，题目内容对小一学生无什意义。感觉老师颇懒惰。 “

Agree....

skkeung

贊成小學一年級教微積分！

fc926

好似 E=mc2 多人識D,就教埋呢樣ㄚ

CHIULHJ

轉至頭條日報親子專欄作家張笑容:

某名牌直資小學，因為一年級的常識科工作紙太深奧，登上報章頭條。這份工作紙最近在爸媽WhatsApp群組瘋傳，我上星期也收到一份。工作紙其中幾條問題嚇我一跳：「近日，環保署向立法會提交一項修訂建議，希望強制淘汰哪一類車輛，以收環保之效？」「哪一項徵費計劃正進行第二階段諮詢，建議日後每戶家庭每月徵費約三十元至七十四元？」「中國內地將於十月一日實施哪一條法例，希望打擊零團費及強迫購物團？」「早前哪一套荷里活影片在香港拍攝期間遭人勒索？」

        對一個六歲學生來說，以上題目文句太長，用字太深，考核範圍冷門。本該是初中程度的習作，卻要小一生回答，實在太過份。學生應付不了，唯有家長頂硬上，代為作答。結果是學生功課變成家長功課，變相懲罰家長。

        學校要贏在起跑線的心態愈來愈普及，類似的工作紙只是冰山一角。曾幾何時，兒子問我：「為何返學要有功課？」我答：「因為要重溫在學校學過的東西，評估同學對老師所教的掌握了多少。」現實證明我錯了，近年小學生的功課有不少是越級挑戰，要家長從旁協助才能完成。怪不得近年補習社成行成市，以前的補習天王是協助大家應付會考和大學公開試，現在連小學生也要補習天王打救，才能應付艱深的課程。

兒童有遊戲權利，現在有多少孩子放學後能輕輕鬆鬆的玩一小時才做功課？家長放工後變身做孩子的補習老師，原來的美好親子時間，也被這些超班功課和考評所奪去了。

        張笑容

cornelius

回復 CHIULHJ 的帖子

轉至晴報專欄作家胡孟青：

http://skypost.hk/newsDetail/headline?headline=%E5%B1%88%E6%A9%9F%E6%88%90%E7%99%AE%E9%A6%99%E6%B8%AF%E5%9C%B0


屈機成癮香港地
14/11/2013


也許是生活太苦悶，亦可能是活得不耐煩，潮流興起挑機、屈機，箭靶專揀深信謠言止於智者、事實勝於雄辯、且多半不會高調反擊的對象。小一常識科時事小百答工作紙，本來只是一份網上親子練習，答案全屬ABCD選擇題，該校家長與學生從來明白工作紙性質，意義在於鼓勵孩子養成閱報習慣，有幸被本地媒體相中，被擺上A1頭條，成功轉移市場視綫。

香港家長特別緊張子女學業，容易成為事件觸發全城熱議的催化劑，屬有心人計算之內。有節目主持撰文質疑，曾志偉辭去演藝人協會會長一職，是娛樂圈的事，不應被納入常識科題目；事實上，不必閱讀內文，亦知此言差矣！尤其該位主持亦是來自既得利益台。有理由相信，她的膚淺令其未能理解事件背後，乃是由免費電視發牌事件而起。須知，曾志偉事件是頭條新聞，只要有閱報習慣，不看文字，都能識別出獎門人，豈會與常識無關！作為親子習作，兒子不懂答，家長也不會不懂吧！難道連家長都沒閱報習慣？有怎樣的主持，就會有怎樣的節目，如此水平，難怪節目常被質疑內容偏頗。

silvia_ng

IloveJJ 發表於 13-11-14 11:52
佢個仔咪讀英華囉!

哦......................

MrBeast

fc926 發表於 13-11-14 09:13
好似 E=mc2 多人識D,就教埋呢樣ㄚ

樓主不如改heading 做-yw mc 題令人想到mcc

judy

屈機成癮香港地
14/11/2013

也許是生活太苦悶，亦可能是活得不耐煩，潮流興起挑機、屈機，箭靶專揀深信謠言止於智者、事實勝於雄辯、且多半不會高調反擊的對象。小一常識科時事小百答工作紙，本來只是一份網上親子練習，答案全屬ABCD選擇題，該校家長與學生從來明白工作紙性質，意義在於鼓勵孩子養成閱報習慣，有幸被本地媒體相中，被擺上A1頭條，成功轉移市場視綫。

香港家長特別緊張子女學業，容易成為事件觸發全城熱議的催化劑，屬有心人計算之內。有節目主持撰文質疑，曾志偉辭去演藝人協會會長一職，是娛樂圈的事，不應被納入常識科題目；事實上，不必閱讀內文，亦知此言差矣！尤其該位主持亦是來自既得利益台。有理由相信，她的膚淺令其未能理解事件背後，乃是由免費電視發牌事件而起。須知，曾志偉事件是頭條新聞，只要有閱報習慣，不看文字，都能識別出獎門人，豈會與常識無關！作為親子習作，兒子不懂答，家長也不會不懂吧！難道連家長都沒閱報習慣？有怎樣的主持，就會有怎樣的節目，如此水平，難怪節目常被質疑內容偏頗。

唔知係唔係得一仔嘅關係，依家周圍出現"阿仔間學校"形象。

呢個形象有：

1. 阿仔間小學好(批者是屈機)。跟住;
2. 阿仔間中學勁。
3. 阿仔間大學無得頂。

總之，令人聞之欲嘔！

skkeung

原帖由 WKDRB 於 13-11-18 發表
本帖最後由 WKDRB 於 13-11-18 12:59 編輯

好有points！

hadwinboy

原帖由 WKDRB 於 13-11-18 發表
本帖最後由 WKDRB 於 13-11-18 12:59 編輯

請問閣下是什麼教學專家? 可以在此亂發 up瘋? 你知道學校對此工作紙的要求嗎，背後理念是什麼? 你清楚我們用家與小朋友是怎樣完成的嗎? 你又明唔明我地家長對小朋友認識時事方面的要求是怎樣呢? 你又了解其他小學是怎樣引導小朋友認識時事嗎? 願賜教.

aidan08

呢個題目所引發的討論，真係令我好詫異！

竟然有家長認為呢間學校的工作紙無問題！

表面上，可以解釋為學校想學生養成閱報習慣，但問題係，養成閱報習慣有好多方法，呢個方法非常無意義+唔適合呢個年紀，須知道教育點可以唔係age appropriate呢？填鴨教育真係好需要一隻隻不會問究竟的鴨！我喺度諗，如果個細路比較好發問、有好奇心一點的，當你話佢知，邊個演藝人協會會長剛辭職，答案係曾志偉時，如果個細路會問點解佢要辭職，作為家長，點向佢解釋背後錯綜複雜的因由和利害關係？講比佢知佢又明嗎？仲有，點解六歲的小朋友要知呢D嘢？是否叫佢唔好問，只要睇報紙，知道佢辭職就得，唔需要知點解呢？抑話講個age approrpriate的大話，話阿曾志偉叔叔見唔舒服咪辭職囉咁呢？

呢個世界好多更有意義的東西適合六歲的小朋友，例如天災的新聞，可以乘機教佢哋咩係自然災禍、咩係地震、颱風等，又可以從呢D事話比小朋友知可以點樣幫助嗰D受影響的人，還有告訴他們要珍惜所有，因為佢哋好幸福。呢D新聞不是更值得六歲小朋友去知去學嗎？

邊個係演藝人協會主席剛辭職？我真佩服呢位咁唔專業的老師，竟然可以出比小一學生，但更令我大開眼界的，是一批盲目附和的家長！

其實，要培養閱報習慣，坊間有兒童報紙的，中文的我真的不知有哪一份出得比較好，但英文的有些做得很好，選材很適合小童。就當無一份中文兒童報做得好，但老師不是有責任去選擇合適年紀的教材嗎？佢哋係咪想培養一班睇報紙但不問為何、不明所以的細路呢？一個細路如果日日攞份報紙嚟睇但佢完全唔明點解，不過佢仍然日日睇，都幾得人驚！

仲有，喺我記憶中，我讀書時學校培養我哋閱報習慣起碼都小四先開始，仲係睇學校訂閱的兒童報或青年報，到中學先有剪報功課，咁我而家咪一樣日日睇報紙！點解要咁早培養呢？根本小一都未夠知識基礎去睇大人報紙！而家D教育工作者真係唔知點訓練出嚟的？小一得嗰六歲，培養閱讀習慣好過啦！唉！作為家長，有時真係要深層思考......唔係咩都附和學校，驚死整衰個校名！

aidan08

小曳人 發表於 13-11-7 19:43
我雖然唔係用家，但會跟孩子分享時事，真係唔覺得深
我都有假設學校出呢張工作紙嘅用意，諗法同你一樣，只 ...

呢個唔係條題目深唔深的問題，而係有無意義的問題！學校是否想培養一班只需搵答案，只需日日睇報紙但唔明白新聞的小朋友呢？好明顯呢條題目對小一生而言毫無意義，小朋友如問起曾志偉點解要辭職，家長點去解釋背後錯縱複雜的原因和利害關係？呢則新聞真係辭職咁簡單嗎？這則新聞可以教小朋友D咩呢？

學校係想考家長有無閱報定小孩呢？家長識答對小孩又有咩好處呢？

大家反感係對呢位老師所出的題目完全唔age appropriate。你有無諗過其實有好多更有意義的新聞值得六歲小孩去知去理解呢？例如天災新聞。

我哋絶對需要深層分析思考每一件事，此事重點不是題目深淺，家長識唔識答，而係嗰D題目唔適合小一生，佢哋無足夠知識基礎去理解。你想你的小孩只要知不要問嗎？搵到答案又點，佢根本唔知發生咩事！培養閱報興趣有好多方法，呢間學校的工作紙絶對不是好方法而已！

Radiomama

其實aidan08的分析好有理由，講真，該校的家長在這事上不用太過維護這份功課，是其是、非其非，不是讓人更見雅量嗎？

學校是學習的地方，老師和校長同樣也會經一事長一智啊！