有無人跟學校課外活動學樂器

小藍莓

真係後知後覺, 個d外判既學習中心, 誤人子弟。

longlokma

原帖由 小藍莓 於 13-10-10 發表
真係後知後覺, 個d外判既學習中心, 誤人子弟。

Yanamami

點誤法？

BearDance

我都啱啱幫阿仔報咗小提琴呀！

pamelaywy

個人少少經驗, 我仔k3時跟過學校學樂器至p1兩年 (group class 同individual class 都上過), 因為未知係咪有興趣, 所以想試下學校的, 但確定了興趣就一定要quit, 原因係:
1) 表面上學校學樂器好似好相宜, 二千己經係成個學期, 外面兩個月都要啦, 但實在學校假期又停, 學校考試又停, 家長日又停, 總之weekend class 遇上任何學校functions 都停, 計番真正上課時數, 其實唔係好平.
2) 如上述所講, 可以因為學校校曆關係而停, 聖誕新年前後連考試, 可以成個月都無上過堂. 小朋友初學, tune 琴都唔識, 一個月無得上, 連琴都走音走到唔知似乜 (以我學弦樂計), 而且兩三個星期後先覆琴, 真係唔記得
3) 老師質素好參差, 好唔好睇彩數, 無論學校同外面都一樣, 不過你係琴行或私人學, 老師唔得, 你係消費者, 你可以任何時候要求轉人, 但如果THROUGH 學校, 好難好難轉人.
4) 感覺上學校外判老師一般都唔係長線老師, 佢地都慣咗學生跟佢一排就自己出去私人學, 又或者年年新學期學校安排唔同令佢地教o既學生人數唔同, 所以覺得佢地係唔會長線幫學生plan 幾時考試比賽, 亦無一套教程可言. 只是一頁一頁咁彈/拉/吹, 亦唔可以期望你考琴試老師會幫你加堂, 因為佢地跟制度而行.....
所以, 我覺得學校學樂器係無乜要求, 用o黎試下小朋友有無興趣, 長線o既話, 真係唔得

marble2004

回復 pamelaywy 的帖子

It's just the opposite at my kid's school.  The violin teacher has been teaching her for two years and she is very responsible.  For teh first year, we parents could also sit in the classes.  It's just this year (the third year), due to the family of the teacher, she could not teach my kid anymore.  The school indeed target for very experience person teaching the musical instruments.  The new teacher is also very good.

selina1109

原帖由 小藍莓 於 13-10-10 發表
真係後知後覺, 個d外判既學習中心, 誤人子弟。

我之前仔在学校学長笛，学了一個学年。那時我沒有認真跟進他的情度，只奇怪他那組常人數少，有時只有两人上。但亞仔話另一組好full。


到他升小二，亞sir冇做，我打佢問亞sir其他野佢先講。學校完全冇通知家長。亞仔轉去full個組上。與miss溝通後，發現仔完全晤掂。原來問亞仔，亞sir上堂顧著玩電話，仲同仔一齊玩。亞仔成年用一本初級書，仲要只係三用左分之一。miss話同仔同期同學已有一定程度。於是，亞仔要急起直追。連本初級書都丢左


呢年，跟到呢個miss，亞仔先上左手。但碍於不同程度。因學校只分初/高班，所以，六，五，三級混在一齊，很難指導


今年學校不同miss續約。學校分返四組，按級分。但我都跟返miss上她家私教。雖然學费贵左，但值。


1. 學校假期，活動，例不上足堂。試過兩個月冇上或一星期上哂五堂。

2. 學校多在放學後進行，如果miss想留學生再操实俾工友趕，因工友收工(呢點我明白)

3. 分級都不能按能力授課，因時間所限。

所以，想小朋友有進步，我個人建議私補。呢年俾miss日操夜操技巧上已進步過留在學校。

小藍莓

我個case 係學校學咗3年管樂, 3年都吹唔到一隻歌, 用極都係初級書, 最近呢期有好多新生加入, 居然叫佢幫手教吓d低年班手勢呀...比錢上堂定教人吖!
當初價錢平, 想四五個學生應該照顧到, 所以繼續上, 因為抱著興趣心態上, 依家想專d, 研究過先知佢唔掂。

mansum92

可能間間唔同 我仔跟學校學左兩年已經考左3級了

Jessy

mansum92 發表於 13-10-11 13:31
可能間間唔同 我仔跟學校學左兩年已經考左3級了

咁你個囝學咩? 一個老師對幾多個學生呢?

Honey

我仔p1開始跟註校老師學雙簧管，學了2年今年暑假考2級，平時4-5個一齊上，今年學校換琴行老師教，我哋跟老師走當私人學。

小藍莓

原帖由 Jessy 於 13-10-11 發表
咁你個囝學咩? 一個老師對幾多個學生呢?

都係四至五個囉, 仲唔係師資問題?

mansum92

我兒子學小號 小一小二兩年都係一個老師對四至五個學生 不過今年一對二 我冇問點解

可能真係好彩遇到好老師 好盡責 我仔考試佢都跟得好足 今年都安排參加校際

ericby

只知九龍城一津小古箏miss ho 不負責任, 常常缺課, 又不交帶下手