如果係你、你會點排?

worldcat

都知道學校唔係一定收、只係有心理準備同聽下意見。

阿囝係大b, 多野講多主見同好奇。
學習或者講模仿能力算高、但專主力較低。佢可以好快學識一樣野但唔可以保持好耐咁去學。

已經有一間邨校9成9收。但都想搵間好啲嘅學校。自己心水次序如下。
1. 培正
2.根德園
3.創價
4.崇真主流
但好似培正同根德園都唔係咁啱佢。
有無家長仔女都係比較活潑、但又入左培正/創價? 小朋友適唔適應到?

alovea

點解唔考慮SC?

MrBeast

適應都要睇下父母如何manage.

Soka 愉快，活動，程度學卷kg來說算深（接小一的考慮），應合你意。

abby0624

唔介意中中GE，我會選培正，一條龍，唔駛煩，升學壓力冇咁大，而且校風純樸。

abby0624

樓主點解覺得培正/根德園未必適合你小朋友？是否怕需要坐定定？其實每間幼稚園都需要小朋友某些時候坐定定，以訓練小朋友應有的紀律，所以呢2間唔一定不適合你的小朋友。我知培幼因為是一條龍，課程唔谷，但根德園就會較谷。

rosebb

我會除左仔仔的性格因素外，會睇埋屋企的STYLE，我個女都係活潑型及學習能力強，但可以坐定同聽人講，但因為我們都是自由型，放手比佢試，而照顧佢的人都一樣，反而佢的紀律係差一點。所以如果SC及KV，我會選KV，因為屋企已經係自由，學校可以幫手調節，以助佢到時上傳統小學/活動教學的學校都可以。

另外，KV雖然係紀律多點，但是我朋友個女讀緊，她說沒有BK說得那麼恐怖，但老師都很APPRECIATE APPROACH，不是很嚴肅及很死板那種。其實SC我知道會適合阿女性格多些，但其他因素與屋企太相似，未必對佢是好事。

另外，創價是HAPPY SCHOOL，培正上小學之後功課量很大。

worldcat

alovea 發表於 13-10-2 23:46
點解唔考慮SC?

有認識嘅人仔女講過、自己認為唔太適合所以無揀。

worldcat

MrBeast 發表於 13-10-3 09:34
適應都要睇下父母如何manage.

Soka 愉快，活動，程度學卷kg來說算深（接小一的考慮），應合你意。 ...

其實都好心儀創價、最唔啱係位置。
因為係嫲嫲湊、無媬母車啱就麻煩。

但當然會考左先。

worldcat

abby0624 發表於 13-10-3 11:11
樓主點解覺得培正/根德園未必適合你小朋友？是否怕需要坐定定？其實每間幼稚園都需要小朋友某些時候坐定定 ...

阿囝返pn都無問題、只係傳聞培正/kv都係比較嚴肅上堂、所以想聽多啲意見。

worldcat

abby0624 發表於 13-10-3 11:03
唔介意中中GE，我會選培正，一條龍，唔駛煩，升學壓力冇咁大，而且校風純樸。 ...

中中一啲都唔介意、英文堂上得好隨時好過普通英中。
但屋企人同事細路講緊、佢意見係有心理準備小三小四開始會好辛苦。

taktakchichi

worldcat 發表於 13-10-3 13:18
阿囝返pn都無問題、只係傳聞培正/kv都係比較嚴肅上堂、所以想聽多啲意見。
...

我朋友個仔讀緊KV, KV比較著重學術, 功課頗多. 而且較少活動 (好似無學校旅行, 畢業禮都只係閉門形式: 家長都無得參加)

培正包上小學 (但要簽字放棄抽獎), 中學同小學其實只係"直屬"關係, 只收番約6成培小學生

worldcat

rosebb 發表於 13-10-3 11:24
我會除左仔仔的性格因素外，會睇埋屋企的STYLE，我個女都係活潑型及學習能力強，但可以坐定同聽人講，但因 ...

情況相似、所以都無考慮sc.

聽你咁講kv都無乜問題、因為見到好多人都話kv好嚴、所以先有啲擔心。

創價除左位置問題、其他都好適合阿囝。有學卷又對我地呢類低收入家庭好有幫助。

everchan

如果小朋友活潑好動, 唔建議根德園.  因為根德園好講紀律, 同服從性.  我有朋友的小朋友考到, 都最終因為讀得唔開心, 而轉左校.

lutang

其實返學始終都會講紀律，你覺得小朋友好動唔夠專注力就放棄呢類學校，咁你有冇諗過一上小學會點呢？相信大部分小學都一定講求紀律和秩序，除非係國際學校啦！某程度上我覺得紀律要從小培養，當佢習慣咗，到小學反而易適應，當一班小朋友都守規矩時，自己都好易受感染！我個仔都係坐唔定嘅人，專注力都好差，問佢學校嘅事都成日唔記得，出去上興趣班又郁身郁勢，老師都話佢心散，但喺學校始終會有少少驚老師，俾老師鬧過後，下次就會收斂下，所以唔好咁擔心住！

至於學校谷唔谷呢個問題，以我所見，大部分學校程度都深咗，無論津校定私校，可以做嘅就係出去補囉，冇法子，學校程度太淺亦非好事喎！

mimwing

報晒又有0ffer先問啦... 間間都超hit....