SPCCPS面試後感

wwsugar

相信一打呢個topic出來，一定點擊率很高。
我不是有tips可以給大家，請大家高抬貴手，不要pm我或叫我pm你們。但我真的有些感受分享。

我只係一個小市民，不是有任何關係人士。沒有交portfolio。

由交表到interview完，我都覺得spccps這間學校的職員很有禮貌。而且全個過程，根據小朋友回報而分析，很能真正看到小朋友的資質、品性，絶對不是看家境。

很想提出，真正重視教育的父母會明白，屋企有錢冇錢、學幾多興趣班、父母做什麼職業、portfolio精彩與否、英文是否流利，識寫識認幾多字，和教好一個小朋友，沒有直接關係。

不要以為，入到名幼稚園，可以提高入名校的機會，其實不然，資質好的小朋友，比較多入名幼，因為資質好，比較多入名校。資質較一般的小朋友，就算入名幼，可能都是入不到名校。資質好的小朋友，屋村幼稚園都有入名校的。
資質較一般的小朋友都可以表面上成績很好，portfolio很多活動，因為父母做了很多努力，但是未必過得了面試的考驗。

不過這都是我個人的看法，或者很多人都不認同。

真正重視孩子的父母，重視的是小朋友的品德、健康，尤其是價值觀，才是最重要。學術只是其次。他們會以小朋友的需要和意願為重。
如此明智的父母，會明白，早期教育其實是父母做的，不是學校做的。

100個小朋友當中，必然資質有點高下，較差的沒有什麼大不了，天生我材必有用，不論入不入到名校，小朋友是什麼資質，我們的孩子一樣是珍貴的小寶貝。你們覺得是不是呢﹖

jason1978

556699

Agree. 我一直相信名校int小朋友自有其法則，所以神級學不用考很深的學術亦不會要求小孩用英語說故事，簡單地和他面談已看到誰的資質較好。

wwsugar

係啊，我覺得不如把重點放在多點陪吓小朋友，多啲身教和生活上的教育，對孩子更有益。
因為我覺得，spccps面試，是操練都沒用的。阿仔同我講番，我發覺有條問題，冷門都任何人發夢都估不到。好多問題，很日常生活，而且會有不同的人都問他，我相信主要是看小朋友的言行舉止，身體語言，咬字表達，眼神自信，禮貌教養，個性這些。答得啱不代表一切。
有心去考的家長，不如教育一下這些方面，好過執著於世襲比例呀，機會率呀，報名人數呀，是否校長in呀呢啲表面東西。

iantsang

EK 家長素質真係越嚟越高！大家記得上咗岸都要得閒幫下新手呀！

Stamp123

babyjoyce

同意考到名校一定有的資質係學校中意架。但考吾到吾叫資質差。有的小朋友細個語言環境好，周圍都有人同佢講，但有的小朋友本身屋企少人。好似外國回流家庭，少同人打交道，同埋性格係保守同慢熱的。依的面試一定蝕底的架。吾代表學野吾叻。

lin051051

其實我不嬲都覺得…面試係捒適合學校嘅小朋友。
考唔到…唔代表小朋友差…而係人哋覺得你小朋友唔適合……

irischowys

仲要只係嗰一段時間唔適合，過多兩年可能唔同晒，成個開竅都唔定。

556699

原帖由 wwsugar 於 13-10-01 發表
係啊，我覺得不如把重點放在多點陪吓小朋友，多啲身教和生活上的教育，對孩子更有益。
因為我覺得，spccps ...

絶對同意，所以我成日話SPCCPS和DBSPD呢兩間的面試，你話易又得，你話難又得，易在根本唔考學術，但亦難在冇得操練，讀面試班衰多幾錢重。

Irismammy

我都相信有經驗的面試老師會一眼看出龍與鳯！
但我真的想希望在此會有一位名校老師說說如何看！

唔知有冇過往的post 可以參考呢？

wwsugar

babyjoyce 發表於 13-10-1 21:50
同意考到名校一定有的資質係學校中意架。但考吾到吾叫資質差。有的小朋友細個語言環境好，周圍都有人同佢講 ...

我覺得慢熱和保守不是問題，有時只係揀對象來交流，不代表會十問九唔應，身體語言都係一種回應。我仔就是這樣，我們是單親家庭，多數是得我兩母子日對夜對。他見完很開心很多說話，因為覺得啲人不是想單單考他，是想了解他。仲有，係有即時遊戲式教學(小朋友覺得係玩),仲要係有求知和學習興趣的小朋友才特別enjoy的遊戲，真係一玩便知龍與鳳，仔仔同我講玩法我都覺得很妙。不一定要很識表現和說話的。

特別聲明，我不是暗示仔仔面試表現好，只係開心，一間咁名的校，可以俾我呢啲社會地位低但珍惜教育資源的人，都可以來見得咁公道，仔仔又咁開心，好安慰啫。

wwsugar

irischowys 發表於 13-10-1 22:33
仲要只係嗰一段時間唔適合，過多兩年可能唔同晒，成個開竅都唔定。

不錯，小朋友是有發展階段的，有經驗的老師，很易看出孩子是否符合他年紀的發展階段。所以有些家長怕細仔細女會蝕底是想多咗了，不用留都刻意留級，更係不需要。

Jane1983

回復 wwsugar 的帖子

而家仲有人未考，你說出來不公平。

等1st in完結，可否分享遊戲怎麼妙？

bebelee

你講得很好，十分同意。介不介意告知你仔仔係咪入了此校？

bbcarrot

原帖由 lin051051 於 13-10-01 發表
其實我不嬲都覺得…面試係捒適合學校嘅小朋友。
考唔到…唔代表小朋友差…而係人哋覺得你小朋友唔適合……
...

同意每間學校會揀選適合他們的學生。好像我女讀緊的幼稚園，她的同學們都比較詩文，而且給人的感覺很相近，而我姨甥是活躍型，收她的學校都是活動教學的學校。

wwsugar

回復 bbcarrot 的帖子

你們都說得很對啊！

erniec

D學校每次都要見咁多學生，一定出動晒所有老師，咁人唔係機器，每個老師都有佢既個人觀感，仲有interview既時間，每組小朋友既年紀背景，如好scientific去諗件事，實在有太多factors會影響一個面試既結果，所以實在唔需要太在意同緊張個結果，總之小朋友每次面試完都能開開心心走出黎，咁我覺得已經好滿意，其他既野就平常心。

wwsugar

erniec 發表於 13-10-2 10:10
D學校每次都要見咁多學生，一定出動晒所有老師，咁人唔係機器，每個老師都有佢既個人觀感，仲有interview既 ...

能以平常心和正確的態度面對未知和得失，你的身教實在是非常好。

erniec

回復 wwsugar 的帖子

我眼見身邊朋友為小朋友考小一好大壓力，又發惡夢，有時睇BK有見有D父母好大壓力，賽前既準備賽後既檢討，我都感到好無奈，唔明點解我地呢一輩既家長要攪到自己咁大壓力呢? 認真去為小朋友準備升小係需要，但唔應該將升小睇到好大件事咁，人生實在有太多challenges，如果作為家長都將得失看得咁重，仲有漫長既日子要同小朋友共同面對，漸漸小朋友都會感到果份壓力同父母對自己既期望，何必呢?我唔係咩名校出身，但身邊同學都好努力，宜家每個人都有所成就，我家姐既小朋友讀書一D都唔叻，會考O分，但佢明白要為自己搵一條出路所以走去學西廚，讀一年fulltime，臨畢業已有酒店offer,宜家有幾好prospect,所以讀書只係一個訓練獨立思考既過程，只係現今既父母有經濟能力，more educated，唔希望小朋友會比自己差，我唔敢講我自己一定無呢個諗法，但會時常提醒自己，小朋友都係一個個體，我地唔可以硬將自己諗果套放係佢地身上，做父母真係要學架。