St Paul Boys要甚麼？

wcihb

回復 556699 的帖子

我先生唔係不負責任的人，他只是剛帶完仔仔面完試有這感覺遮，而且佢只是私下同我講，冇意傷害任何人，我們也很準力協助仔仔完成面試，何況只是剛完成面試，結果都未出，怎能說是“考唔到就無根據地話人哋係內定，唔接受自己技不如人，係好不負責任”，我本以為心情有點氣餒上來ek希望得到鼓勵，點知換來的卻是指責，更何況我都未知自己仔仔考不考到

wcihb

回復 andrewpapa 的帖子

謝謝你

andrewpapa

Wcihb,不要放在心，大家表達有所分別，我本意也只想互相支持。這階段不要受網上言論影響。

sytw

回復 wcihb 的帖子

面試只係剛剛開始，學你話齋都未知結果，唔好咁快氣餒，可能因為大部份學校都考學術同時間長d，先令你先生有咁諗法。學校呢個面試模式已經用左好多年，一定係work先會繼續做，我覺得學校唔係求其揀晒有關係既仔，而係從中揀佢地想要某幾種特質既仔，其實in小一呢個遊戲根本係個matching game，老師校長一年接觸咁多學生，好快睇得出邊d係佢地想收既，好少揀錯人

wcihb

andrewpapa 發表於 13-9-29 14:44
Wcihb,不要放在心，大家表達有所分別，我本意也只想互相支持。這階段不要受網上言論影響。



  ...

謝謝你

wcihb

sytw 發表於 13-9-29 15:10
回復 wcihb 的帖子

面試只係剛剛開始，學你話齋都未知結果，唔好咁快氣餒，可能因為大部份學校都考 ...

謝謝你

NCSC9

由兒子被帶走到接回兒子用了不足30分鐘，相信真正group in的時間只有20分鐘左右。 不考學術，不考兩文三語，便可挑選到300名精英進入second round，實在令人難以至信！

556699

原帖由 NCSC9 於 13-09-29 發表
本帖最後由 NCSC9 於 13-9-29 16:18 編輯

由兒子被帶走到接回兒子用了不足30分鐘，相信真正group in的時 ...

學校從來冇話要揀精英，即使中英數超強亦不一定就是精英。你自問自己係咪樣靚身材正又有錢的女人? 如果唔係點解你老公會揀你?  每人揀對象未必一定以大部分人認為的標準，學校揀學生亦未必一定以學術作條件，總之學校收即係條件啱，唔收只係條件唔啱，唔代表你兒子特別蠢，至於條件係乜?，學校唔會話你知。

Teresa

其實當年大仔面試只有一輪, 係校長一人面見小朋友, 大概都係5-10分鐘. 係咪取錄都係靠呢5-10分鐘. 不考兩文三語, 不考數學, 問生活上既野, 講下故事. 當年我仔真係咩關係都冇既情況下收左.

事實係, 以我知道, 真係有細佬係入唔到, 就算"叩門", 最後都係入唔到. 而且唔止一兩個case係咁.

hogwarts

我个仔是第一屆的直资学生，當年就如 Teresa 所形容 之5-10 分鐘的面試，也不考什么學術。  校長和學校是十年如一日的實行，6、7歲這麼小的小朋友，都不用考什么学術，好像多注重溝通能力。

講到音樂，SPCPS 真的不要入小一的學生已有什么高深音樂做詣，有一次家長會，问及学樂器，校長"誇口"所有从她學校畢業的學生，都一定从學校学懂一種樂器 - "牧童笛"，因為這是包括在全港小學必修課程中的。大家放心，祇要安排好作息時间，SPCPS 這间小學給學生的壓力不大。

大家放鬆好了，考學校，孩子各自有機緣。

pino

原帖由 NCSC9 於 13-09-28 發表
今日見完，應該同以往一樣，切lego，睇一幅圖，講廣東話，就可以了。 ...

又要砌Lego?!唉，我仔一向吾太鍾意玩

WingBB-222

因為 SPCPS 很低調，校長也是一位樸實的教育家，既沒有報名簡介會，面見時間又短，故此會有很多“想當然“和傳聞。。。。

礙於明天仍有面試，為了不會對已面試者做成不公平，暫不多評論 SPB 要甚麼，但肯定的是校長並不會保留大部分學位給有關係人士。有錢、有面、專業人士、音樂造詣高、基督徒並沒有優勢。最多舊生、兄弟在第一輪加分，2nd interview 就沒有加分了。

至於什麼要起泳池，暗示學校要向錢看。。。。其實校長已說起泳池的基金已經預備好。。。。大家有沒有發覺SPCPS 一直都沒有加學費，如果你的小寶貝入讀，你更發現學校幫你省回不少錢

Teresa

原帖由 WingBB-222 於 13-09-30 發表
因為 SPCPS 很低調，校長也是一位樸實的教育家，既沒有報名簡介會，面見時間又短，故此會有很多“想當然“ ...

非常同意！也就是我喜歡這校原因。

musicien

講真唔好話咁有經驗嘅老師，我自己返學校幫手講30分鐘故事已經其實睇得出唔同學生嘅表現同能力。不過考試亦講運氣，到呢刻只能鼓勵小朋友盡力，唔好諗太多。

edpo

十分認同，每位有經驗的老師或校長都知道哪些是合作乖巧及有天份的小朋友，看著小朋友，就會知道父母對他的教育及態度如何，只係…人人都在起跑線上努力，我真是不敢怠慢

lugano

556699 發表於 13-9-29 17:15
學校從來冇話要揀精英，即使中英數超強亦不一定就是精英。你自問自己係咪樣靚身材正又有錢的女人? 如果唔係 ...

十分同意


每一間直資學校都有其辦學理念和選生的標準，學校從來冇話要揀精英，即使中英數超強亦真的不一定是精英。可能學校注重考生的基本教養, 禮貌和求學態度多於考生本身學術的基礎功力，畢竟學校才是教授學術的地方。


分享幾年前的經歷，個仔並非基督教友，亦非舊生或有關系人仕，幸運地獲取錄。但客觀分析，當年得千幾人報考，今年應有超過二千人報考，真的一年難入過一年。

ng.april

回復 WingBB-222 的帖子

HK$3,000學费能夠讀一間如此好的直资男校, 好抵讀!  

開學只交了HK$31書簿费, 學校之後一路再派很多書及補充練習也是免费的, 連學校旅行也是免费的。學校更提供超多課外活動給小朋友放學後參加, 並有校車送回小朋友回家, 安排妥當。

33人一班, 雙班主任, 課程比一般官津小學深, 小一已讀book 2 英文 chapter book, 校風好, 學校注重品德培養
本人對此十分滿意。  學校對每一科的测考都考得很全面, 所以讀得呢間學校的小朋友連副科的水準也都很高。

能入到 St Paul Boys 讀書是小朋友的福氣, 入到去保證無後悔, 今年K3的小朋友加油啊!

WingBB-222

Totally agreed!!  

loveDD

this is a good school, much better than a lot of famous schools