係咪好殘忍呢？

swng21

我明嘅，仔係我要生，我責無旁貸，只不過掉番轉阿媽唔想啫！

tsimtsim

老人家，過一排就會接受啦！

tsimtsim

原帖由 tsimtsim 於 13-09-25 發表
老人家，過一排就會接受啦！

而且是自己阿媽，情況好好多！奶奶就麻煩D！

Jane1983

仔女梗係自己帶好，感情都吾同，老人家遲早會get over。

我自己吾係父母揍大，都好遺憾，你在做正確的事，支持！

Truemum

同阿媽講, 你都係為咗d仔女好.  仔女始終要跟番父母. E+年代唔同以前, 學校覺得d學生唔同父母住, 會以為佢家庭有問題, 會對個學生有唔好既影響. 另外, 將來個子女可能會怪父母點解唔同佢住, 係咪唔愛錫佢, 到時親子關係就有問題! 我支持樓主接回子女同住.

swng21

多謝各位嘅支持同意見，但每次見到阿媽嬲爆爆咁，唔想瞅唔想睬咁，好唔開心！

kwokbobo

swng21 發表於 13-9-25 21:17
多謝各位嘅支持同意見，但每次見到阿媽嬲爆爆咁，唔想瞅唔想睬咁，好唔開心！



  ...

明白老人家會唔捨得, 但我覺得你媽媽有d自私, 點解要你地母子常分開, 小朋友的關係要從小建立, 時間過左就追唔番。你地細個時係咪你媽媽照顧??還是比人湊??如果你地小時都係你媽媽自己湊, 點會唔明做媽媽的, 會更想見自己的仔女。你媽媽的行為, 我覺得係自私。

hadwinboy

原帖由 swng21 於 13-09-25 發表
多謝各位嘅支持同意見，但每次見到阿媽嬲爆爆咁，唔想瞅唔想睬咁，好唔開心！



  ...

你的 case 好似我朋友的 case. 他帶個仔搬去他區的前一晚，佢呀媽大喊添，我地都好驚佢老人家會抑鬱。始終老人家湊了幾年，個孫是她的精神寄托，可以理解她實在不捨。我朋友也傷心。之後佢呀媽都 keep 住一星期過去數日幫下手湊。搬走了，都可以 keep 住見嘅。

candy_kiki2005

回復 swng21 的帖子

不如用軟功，買份禮物話係你同囝囝一齊送畀婆婆，報答婆婆甘多年既辛苦照顧.

luluhaha

kwokbobo 發表於 13-9-25 22:39
明白老人家會唔捨得, 但我覺得你媽媽有d自私, 點解要你地母子常分開, 小朋友的關係要從小建立, 時間過左就 ...

同意，小朋友生出來不是給婆婆填補空虛的，婆婆要開明D，婆婆也應該放手讓作爲媽媽的女兒成長。妳同婆婆講一句她就會明白了:我要盡做媽媽的責任，不想讓小朋友將來怨自己細細個丟給婆婆湊。？

Jane1983

咁如果婆婆長期都吾捨得，你成世都吾接個仔返去一齊住？

可以氹佢、可以講道理求佢理解，再不瞅不睬，老人家亦太不近人情，就唯有遲d再算。

swng21

其實可以講嘅，我都講晒！怪就怪我兒入幼稚園呢年幾我從來無諗過湊番唻，對媽而言，我臨報入小一前半年先改決定就如一個炸彈一樣毫無心理準備，我自問脾氣烈，我媽有過之而無不及，我都儘量低聲下氣緩和氣氛，但係好像無咩成績，可能我媽見最後都勸唔服我，我又遞咗表無彎轉，所以嬲我囉！我唔想咁，但真係唔知可以點！有時夜欄人靜時，個腦就不斷係度左諗右諗，再係咁，睇怕係我會抑鬱多過我媽有！

swng21

我媽原本話叫我中學先帶佢番唻，但係小學係關鍵，如果中學先執佢嘅進度，恐怕太遲！唉…總之就煩啦！

swng21

不過話時話，如果唔係得我媽對小兒無微不至嘅照顧，我亦唔可以專心番工同讀書，我自問一定無媽媽做得咁好，只求盡力，但求媽媽會早日釋懷！

happy_lavender

人總要成長，你媽媽要學懂放手，你將來亦然，不然對大家都不好。

新地

只係時間問題姐, 唔好話係婆婆, 我囡囡出世後由媬母ee揍大, 每日放工才接囡囡返來, 到將近小一, 囡囡同ee講讀小一就唔駛佢揍, 因放學後會去補習社, ee都忍唔住喊, 畢竟對住6年, 有感情架, 同埋好認同揍小朋友係佢嘅精神寄託, 樓主你俾多d時間媽咪去消化啦, 可以每個星期五, 六去婆婆度住一晚, 令婆婆, 仔仔同你都好

kmpurin

我係全職媽媽湊2 個無工人，婆婆由細佬出世開始日日過黎幫手，星期六日就唔黎，幫咗成年啦，佢有時星期六都會話好無聊唔知做咩好。因為婆婆都習慣咗日日見到個孫呀！
比時間你媽咪啦