自行放第一或二位，中學知唔知道？

winniecws

自行放的第一丶二位中學， 心儀知唔知我放佢在第一或是第二？怕影響將來叩門。

Yanamami

你小朋友唔講，唔會知。

cellon

Yanamami 發表於 13-9-10 19:34
你小朋友唔講，唔會知。

你和你小朋友唔講，學校唔會知。

ohnono

其實果張表格，最後一欄的存根部份係有印清楚第一和第二志願的，所以交表時請預先撕下，不要給學校見到。到時你唔講，小朋友唔講，咁學校就唔會知架喇。

Vin仔媽

基本上小朋友唔講，學校係唔會知嘅,但有些學校面試時會問仲揀咗邊間??而好少問排位

憫父

據我所知，教育局只會在自行階段面試前，將報讀學生的成績次第告知有關中學。

中學若要知道更多的資料時，是需要直接問報讀的學生。

有些學校會直接問學生還報了哪一間，亦有些會再追問學生最想讀的是哪一間，有甚麼原因。

Tinkerbell

吾會知，否則我孩子都入吾到自行的#2

dis398

SOMAN2603 發表於 13-9-22 21:43
甘假如A學校自行要收40個位，某學生IN左兩校都收，A學校咪唔知自己收夠人未?
...

A學校會把面試的學生收生先後交給教育局(好的學校 一定多人來面試,也不會只交40個學生的名單)

www

SOMAN2603 發表於 13-9-22 21:43
甘假如A學校自行要收40個位，某學生IN左兩校都收，A學校咪唔知自己收夠人未?
...

A學校除了交上40個位的正取名單，還有長長的候補名單。

ohnono

如果樓主講到要考慮埋叩門呢，我覺得你就要諗一諗先。我既理解係叩門時雖非全部但有部份舉校都會有要求，例如會問你是否自行時揀佢地第一。所以除非另有別的學校更加吸引，否則選校時都應加入這方面作考慮。

憫父

有一個情況，中學會響收到派位結果後，會知道申請人有無將佢地放第一志願。

假設學校 A 和學校 B 都響自行階段收左申請者，學校 A 發現派位結果中無左申請者既資料，咁學校 A 就會知道申請者將學校 A 放第二志願。

但重點係申請者已經獲得第一志願既學校 B 收左，即使學校 A 知道申請者將學校 A 放第二志願又有咩所謂。

除非申請者後悔，想叩門申請番學校 A 就................

奥脫福

ohnono 發表於 13-9-23 23:27


例如會問你是否自行時揀佢地第一。

我今年叩過的九間只有部份有問自行時有否揀過佢地，但無問是否第一。

（本來係叩十間的，不過自行無揀過旅港所以連表都無得填。）

ohnono

奥脫福 發表於 13-9-24 11:57
我今年叩過的九間只有部份有問自行時有否揀過佢地，但無問是否第一。

（本來係叩十間的，不過自行無揀過 ...

如果自行有揀，最後來叩門的，一就是自行時連面試的機會也沒有。如果自行時有揀又有面試的，可能是未符合學校既意願。如果自行時有揀而學校又取錄的，最終你又來叩門的，學校不用問也知當日你是將他們放第二了。

如果是有直屬中學的同學就要特別小心，學校多數會叫同學將直屬中學於自行時放第一，於是唯有將心儀中學放第二。今年就係有家長將直屬放第一而將皇仁放第二，最後只好返皇仁叩門了。亦有家長將較有把握的地區學校放第一志願，又將喇沙放第二，最後這位家長好好彩，因為佢揀既係喇沙，在得到暗示成功後即刻聯絡第一志願的學校放棄面試，否則又係派去第一志願的學校而錯過第二志願的喇沙。


有時我地覺得唔會做的事，但又偏偏有家長不知不覺地做了。我仍然相信係有家長是受直屬學校的影響或者會將較易入、競爭沒有咁大的放第一志願，以為這樣可以較有把握。上面既例子中第一位家長就沒有第二位的好彩，因為皇仁係冇暗示的，到返轉頭要叩門的時候，人家已經知道你將他們放第二了，還有甚麼好說！

奥脫福

ohnono 發表於 13-9-24 15:33

亦有家長將較有把握的地區學校放第一志願，又將喇沙放第二，最後這位家長好好彩，因為佢揀既係喇沙，在得到暗示成功後即刻聯絡第一志願的學校放棄面試，否則又係派去第一志願的學校而錯過第二志願的喇沙。

呢位家長都幾得意，既心儀喇沙，何以又放有把握的地區學校第一？難道會增加勝算
嗎？俾我點都會喇沙行頭，有把握的地區學校放第二。

我自己的例子，九華行頭，聖言第二。儘管九華的成績不及聖言標青，但學業成績並
非中學生活的全部，所以就算乙二放不到九華我們在自行和大抽獎的甲一均以九華為
首選。如果因錯誤的排位而令小朋友入不到最心儀的學校，我們必定萬分後悔。

ohnono

奥脫福 發表於 13-9-25 01:30
呢位家長都幾得意，既心儀喇沙，何以又放有把握的地區學校第一？難道會增加勝算
嗎？俾我點都會喇沙行頭， ...

這位家長心儀的不只是喇沙，他的第一選擇都是極受歡迎的地區名校，是好多人既夢想，入了也絕不後悔。既然放得第一，人家一定係情有獨鍾，亦有其特別原因，也並不是對制度不熟識。喇沙有其獨特性質，除了有明示暗示之外，到最後叩門還需看看你有沒有在自行時曾經入表。所以在深思過後仍將喇沙放第二。

有人會認為每天花上一個小時的車程倒不如留在本區，亦有家長對外區的認識不深，只能抱著誠惶誠恐的心態試下。況且有時地區觀念重係會好自然將本區的學校作首選，雖心儀外區但仍以本區心儀學校作首選，例如：九龍城既尖子可能對喇沙的興趣大過皇仁；葵荃既尖子可能對林護、荃官既興趣大過喇沙、皇仁；北區既尖子可能對鄧顯的興趣大過曾肇添；沙田既尖子又可能會對曾肇添既興趣大過鄧顯，雖並不是絕對，但卻不能抹殺這種可能！



所以，我唔會覺係得意，因為不同地區，不同家長係會有不同考慮，正如有家長選聖言排第一志願，卻放九華作第二志願，但亦有家長選九華第一，聖言第二。兩間都係心儀，我唔會覺係得意，但我會專重人家既選擇。

smallworld

我打算將本區第一心儀擺自行首選，外區第一心儀或本區第二心儀擺自行次選。

smallworld

但是如果第二心儀收咗嘅話，就沒咗第二輪抽到第一心儀嘅機會，係唔係？

奥脫福

ohnono 發表於 13-9-25 16:09

這位家長心儀的不只是喇沙，他的第一選擇都是極受歡迎的地區名校，是好多人既夢想，入了也絕不後悔。既然放得第一，人家一定係情有獨鍾，亦有其特別原因，也並不是對制度不熟識。喇沙有其獨特性質，除了有明示暗示之外，到最後叩門還需看看你有沒有在自行時曾經入表。所以在深思過後仍將喇沙放第二。

既然心儀的是極受歡迎的地區名校，亦放左在第一選擇，咁就算第二選擇喇沙
開埋口話收你，何解要即放棄去 in 第一選擇的機會呢？in 左唔收，還是會入到
第二選擇喇沙；in 左收埋，亦會入到心儀的地區名校，基本上不會有損失。

我不理解這家長的想法，所以以「得意」形容之，當中不存在尊不尊重人家既
選擇的情況。

ohnono

奥脫福 發表於 13-9-25 18:50
既然心儀的是極受歡迎的地區名校，亦放左在第一選擇，咁就算第二選擇喇沙
開埋口話收你，何解要即放棄去 i ...

咁就算第二選擇喇沙
開埋口話收你，何解要即放棄去 in 第一選擇的機會呢？

-------------------------------
好簡單的道理，因為所有自行和統一派位的結果都係要等到7月放榜才會知，就是除了喇沙。既然喇沙在第二輪面試後會有明示暗示的話，當天收到暗示，明天第一志願學校的面試已可以決定唔去。


唔去第一志願的學校可以留返個學位給別人之外，亦可提早了結心事，專心享受埋餘下既學校生活，享受跟直資一樣的優遇，何樂而不為。就算冇損失，亦何苦還要為派邊間而繼續苦惱，人家報直資其中一個理由都係想早一點知道結果。「卻笑從前顛倒見，枝枝葉葉外邊尋」，想法人人可以不同，有時從不同角度去欣賞，沒有絕對的對錯。揀到啱自己學校，又可提早知道，已是三世修來之福，還何需理會得意與否！