送給新手家長 (特別送給SEN家長請看POST #2 LINK)

littlefaith

meloeskie2 發表於 13-9-12 14:01
請問如果已註冊一間直資，但自行還未放磅，如自行入到心儀小學，可否放棄直資而去自行註冊？手續怎樣做？唔 ...

只要你一註冊直資，該直資便會立即通報教育局，教育局會立即取消你自行申請，故此你所述的情況是不會發生的，放心。
很多直資會選定早於自行放榜以前，就會通知家長是否取錄，並會要求家長於限期內註冊，否則當放棄該直資學位論。

PY-Sing

Thank you Charlotte_mon.  

meloeskie2

littlefaith 發表於 13-9-12 14:29
只要你一註冊直資，該直資便會立即通報教育局，教育局會立即取消你自行申請，故此你所述的情況是不會發生 ...

明白，唔該哂！

Charlotte_mom

littlefaith 發表於 13-9-12 14:29
只要你一註冊直資，該直資便會立即通報教育局，教育局會立即取消你自行申請，故此你所述的情況是不會發生 ...

亦有直資會選擇o係自行前幾日公佈, 自行後註冊, 咁家長可以睇晒2邊結果再決定
每間直資都有唔同安排, 家長小心日期就得喇

Charlotte_mom

fefemom 發表於 13-9-12 14:00
謝謝你咁有心輯資料，想問問有關叩門位的比例，有沒有指引？（見自行〜50%,統一又〜50%）定係跟據有幾多人 ...

聽d校長分享, 小學校長都希望留返自主權俾自己, 所以會盡量留d留班位黎做叩門, 唔會算到盡晒, 一個都拎晒出黎派位, 不過每間數目應該有d唔同

Charlotte_mom

直資/私立/津貼/官校, 究竟有咩分別?

先睇官方說法
http://www.chsc.hk/psp2013/chi/explanatory-notes-page-2.php
4. 【學校類別】
現時的小學一般分為四類：官立、資助、直資及私立。官立學校直接由教育局管理，資助學校的管理由學校的法團校董會/校董會負責，但其經費則絕大部分來自政府。直資學校由法團校董會/校董會自行管理，可收取學費，並享有一筆按學校合資格學生人數計算的政府津貼。私立學校則由辦學團體自資經營，由校董會自行管理。一般小學的學制分為上午、下午及全日三類。現時，所有官立及資助小學必須參加中學學位分配辦法，而私立及直資小學卻不一定會參加有關辦法。如學校不參加中學學位分配辦法，它們的小六畢業學生將不會透過有關辦法獲分配政府資助中一學位。(**最後解釋)


睇完都唔明? 我試下用最簡單方法, 講d與家長有切身關係既野:

官校: 政府學校, 免學費, 老師係公務員, 經政府派位全程都無interview (除左6月公佈統一派位後叩門階段), 聯繫小學亦係官中, 記得申請前先上小一概覽望清楚邊間係聯繫中學, 以免失預算, 唔一定係最近至有著數, 例如心儀皇仁書院, 唔好以為北角官立小學有聯繫, 係無的, 反而遠過佢的愛秩序灣官立小學, 仲有軒尼詩官小上下午, 至有聯繫位, 每一間聯繫位數目唔同, 仲有, 軒官上下午, 校長唔同, 教法亦有分別, 家長要小心了解, 官校係經政府派位, 派位方法 post#1有講了 (溫馨提示: 現行政府小一派位制度中, 如果兄姐未畢業, 細佬妹係必收生)

津校: 政府派位除左可以揀官校, 仲可以揀津校, 政府派位全程都無interview (除左6月公佈統一派位後叩門階段), 津校除左由政府撥款, 仲可以由辦學團體 (例如教會, 保良局, 東華三院, xx聯誼會, xx商會等) 資助, 一樣免學費, 有d有直屬中學, 有d有聯繫中學, 有d有一條龍中學 (直屬/聯繫/一條龍, 亦已o係post #1講左), 其中一條龍係100%直升, 而直屬/聯繫就有一定%保証, 其他學位就公開競爭, 想知究竟實際有幾多學生升左去邊, 就可以去學校網頁了解下實際情況, 留意數字每年都會有變 (溫馨提示: 現行政府小一派位制度中, 如果兄姐未畢業, 細佬妹係必收生)

直資: 直資都係under政府監管, 例如要交盤數, 要隔幾年做次comprehensive review, 一樣要考tsa, 一樣要向edb註冊等, 但日常管理自由度較大, 包括自由收生, 老師薪酬/數目可以自己決定, 教學語言同行咩課程都可以自己決定, 當然好與唔好, 就由家長去唸了, 就正如有人讚成普教中, 有人反對普教中, 有人覺得俾學費就要最好, 最多net, 最大校園, 要國際化.......自己了解完再報考吧! 考直資好似考幼稚園, 自己留意日期同流程, 由於直資學校會收政府資助, 所以學生一註冊直資, 就要放棄政府派位, 直資除左按學生人數向政府拎資助, 亦會收學費, 由幾百至6000(上限)不等, 留意: 直資唔一定收細佬妹, 每間做法唔同, 好多都係會加分而唔係保証一定收, 有兩個或以上子女的, 要考慮埋呢個因素

私校: 政府對私校規管, 幾種學校之中算最低, 私校基本上有好大自主權去決定點run一間學校, 可以自由收生 (收唔收細佬妹係自己學校決定的), 可以收學費, 貴又得平又得, 起碼維到皮啦 (因為無政府資助所有開資都係靠學費), 同直資一樣, 家長要自己留意收生日期同流程, 留意, 有d私校唔介意學生hold住個位去大抽獎, 有d私校就講明no, 知道學生去玩大抽獎係有penalty的, 呢樣家長都要了解, 一心想抽獎的就要衝量得失了:
http://www.edu-kingdom.com/forum.php?mod=viewthread&tid=2589986
如果家長已註冊私校, 而私校又有向edb呈交學生資料, 自行公佈結果後, 學生會收到edb信件確認小朋友繼唔繼續玩抽獎, 如果玩的話就通知有關私校, 所以私校係有辦法知道的, 搏唔搏家長自己唸 (搏佢唔知? 搏佢知左唔cancel學位? 搏佢cancel左有得吃回頭草?.........選校原是高難度)

**呢句話點解, 又關中學派位咩事
當小朋友讀到小5,6就要呈分準備升中, 而家政府升中類似小學派位, 不過自行揀2間, 有面試, 之後統一, 7月一次過出結果
官津校都係用呢個方法安排小朋友呈分(點呈呢度唔講, 扯得太遠了), 決定小朋友係band one定band two band three生, 決定派位先後
而直資津校又未必會呈....有一條龍/直屬/聯繫唔代表唔呈分, 咩都無又唔代表一定呈, 呢樣係家長要留意的, 例如港同, 本身有一條龍中學, 但同時安排呈分, 家長只要放棄直資中學(包括一條龍中學)就可以參加政府派位, 而陸慶濤就無呈分, 學生可以用校內成績報自行, 但因為無呈分無banding, 就唔可以參加抽獎了, 家長宜先了解學校做法, 以免失預算

tommyangie

jiajia2009

Any information about Net 73? My girl have only 15 points I still wondering which primary school for the 1st round!!

Charlotte_mom

原帖由 jiajia2009 於 13-09-12 發表
Any information about Net 73? My girl have only 15 points I still wondering which primary school for ...

呢度只搜集左統一派位資料，或者你search一下，或入學校討論區睇下舊年派位數字喇

laalaalee

U are so nice!

lachlanmama

Thank you very much.

hoi8yan

mybabycullen

cpsvicki

好有用。。。thanks..

wingl410

多謝樓主GE分享, 超有用

Charlotte_mom

吾好客氣

DaA

x 10000

chung210

LOVEIS

回復 Charlotte_mom 的帖子

USEFUL!!

Mybaby03