發音問題

emmawps

我女剛三歲，佢可以講完整句子，但f，s，p音唔係好講到，fish變成bish，食飯變食辦，有朋友話佢有讀n班，衣家3歲應該好清楚先岩，我攪唔清係口肌發育未完成定懶音定耳仔有問題，一般三歲係咪仲係發音不正？

wan_sosin

唔洗太急,首先,屋企人講嘢準嗎?
如果準,每次小朋友講唔準,都慢d講一次準佢聽!
發音嘅發展到4歲!如果4歲都好多音唔得,先搵幫助!

還有,比佢用口多d吹泡泡,唔好用電動!
食物唔好比太爛,硬少少要佢咬,才練到口肋嘅力!

emmawps

多謝你回覆，其實我講嘢都有懶音，我都會俾多啲時間睇定啲先。

wan_sosin

回復 emmawps 的帖子

我自從要教我個仔,我都注意多咗好多講嘢嘅發音!
有時甚至要強調少少d音,得我仔聽得清楚d!
我亦發覺而家好多小朋友講咗唔多正,可能係環境因素,大人都好多講嘢唔正!加上多種語言!
你亦可以問下老師意見(如果已返學),睇下小朋友問題大唔大!

Potato001

可以玩下吹泡泡，氣球，哨子之類。F 和S 音應該唔難的，我bb 十二個月大，唔識講野，已經發到個音。

Potato001

原帖由 emmawps 於 13-09-19 發表
多謝你回覆，其實我講嘢都有懶音，我都會俾多啲時間睇定啲先。

懶音通常會係字開頭的ng 音冇讀（e.g.我，牛)，開頭的n 音變了l 音（e.g. 你，嬲），尾音的ng 變成n (e.g. 恆->痕)。所以，發不到 f s p 音，都是要噴氣的音，和懶音無關，應該是口肌問題。

buzzanna

帶小朋友去健康院check 下好d，不過佢地通常都話冇事。當年我女都係，明明講嘢唔正，老師都覺得佢講得唔好，但健康院都話佢ok，話我要求太高。最後到三歲半先肯幫我做評估，之後話都唔係好嚴重啫，但寫紙轉介我去做言語治療，但竟然要排三年，排到六歲先有得睇！
我覺得好唔對路，自己揾言語治療師（好貴的）佢話三歲已經發展到的音，佢都發展得唔好，要盡快跟，否則要改好耐，要花好多時間去跟進。我同佢講，健康院話佢唔嚴重喎，治療師話佢地只係普通醫生，唔專業。好彩我冇信佢地，因為越大越難醫，花的時間越長！我自己同佢做左一年，睇住佢進步！由2歲幾冇人明佢講乜，到四歲時變口齒伶俐，當然我同佢都下左好多苦功！

buzzanna

補充：佢地係唔知嗰d音要點發（即大部分唔可以單靠吹泡泡那些動作改善），所以先發唔到，（我女一歲時，蛋糕上嗰支蠟燭係佢自己吹熄㗎，未够兩歲已經吹晒n支bubbles la)言語治療係教佢點發音及技巧！

Potato001

係呀，吹氣只是發音的其中一部份，舌頭位置，口腔形狀，口要開到幾大和形狀等都有關。

amygeof

我囡都系啦,現在三歲半了,成日"車"講成"些","長"變"上".我還叫老師留意添,都無咩進展,都系要靠自己平時和她一起練習先得了.

gandi媽咪

emmawps 發表於 13-9-9 23:58
我女剛三歲，佢可以講完整句子，但f，s，p音唔係好講到，fish變成bish，食飯變食辦，有朋友話佢有讀n班，衣 ...

hi, 你個女程況同我個女一樣 ~ 咁你最後有無去健康院 / 睇言語治療 ?

emmawps

今個星期六會去做speech assessment

princessda

回覆 buzzanna 的帖子

請問去那一間做評估..?  

emmawps

之前assessment話有少少痴脷根同口肌部份踭啲，上咗十堂到明顯清楚咗，f都開始讀到，但要成日提住

chrischo2002

原帖由 emmawps 於 14-06-14 發表
之前assessment話有少少痴脷根同口肌部份踭啲，上咗十堂到明顯清楚咗，f都開始讀到，但要成日提住



  ...

請問你小朋友係邊度做assessment ? Thanks!

buzzanna

原帖由 princessda 於 14-05-29 發表
回覆 buzzanna 的帖子

請問去那一間做評估..?

我先去健康院，再自己揾私人。私人嗰時我講明我排緊政府，所以佢先幫我搞左嚴重嗰d先。（例如蛋刀/糕，其/地他）
到現在，女已經睇左三次政府醫院了，約一個月一次，姑娘連懶音都要佢改埋!（有d我自己都讀錯!）